YAM JAH 5
5
Ru Nyiex Ma Adam
(1Been 1:1-4)
1In mawh grawng doeh ru nyiex ma Adam, ka daux bawg yam phan Siyiex ka kawn pui, Nawh Cao yuh awm grang pakpeung tix heue. 2Nawh Cao yuh pui simex mai pui bun#Mat 19:4; Mak 10:6 mai nawb bwan piang kiex, #Jah 1:27, 28 Nawh kok ceu kaux nawh mawh Adam doeh ru kawn pui ka daux singaix yam hoik phan Nawh kiex heue. 3Yam koe ju Adam tix yieh tixngoe num, nawh deeh pon kawn simex tix kaux, pa awm grang pakpeung nawh mai kok ceu kaux nawh mawh Shetax heue. 4Khaix hoik keh Shetax, Adam hoik koe ju daix yieh num, nawh yaox ka kawn simex mai kawn bun tix khankix heue. 5Mawh kheu nan, Adam im ju tom hoek dim yieh tixngoe num mai nawh yum heue. 6Shetax im ju tix yieh phwan num mai yaox ka kawn simex tix Enot heue. 7Khaix hoik keh Enot, Shetax im ju tom hoek daix yieh aliah num, nawh baox pon kawn simex kawn bun khankix heue. 8Yam hoik naog ju Shetax dim yieh kao ra num nawh yum heue. 9Enok im ju tixdim num, nawh deeh pon ka kawn tix Khenan heue. 10Khaix hoik keh Khenan, Enok im ju tom hoek daix yieh kao phwan num mai nawh deeh baox pon kawn simex kawn bun khankix heue. 11Mawh kheu nan, Enok yaox ti im ju tom hoek dim yieh phwan num mai nawh yum heue. 12Yam hoik koe ju Khenan atixgliah num nawh baox pon kawn tix Mahalelax heue. 13Khaix hoik keh Mahalelax, Khenan im ju tom hoek daix yieh tixpon num mai nawh baox pon kawn simex kawn sibun khankix heue. 14Mawh kheu nan, Khenan im ju tom hoek dim yieh kao num mai nawh yum heue. 15Yam koe Mahalelax tixgliah phwan num, nawh pon kawn tix Zarit heue. 16Khaix hoik pon nawh Zarit, Mahalelax im ju tom hoek daix yieh tixngoe num, nawh pon kawn simex kawn sibun khankix heue. 17Mawh kheu nan, Mahalelax im ju tom hoek daix yieh tixdim phwan num, nawh yum heue. 18Zarit koe ju tix yieh tixgliah ra num mai nawh pon kawn tix Enawk heue. 19Khaix hoik pon nawh Enawk, Zarit im ju tom hoek daix yieh num, nawh pon kawn simex kawn bun khankix heue. 20Mawh kheu nan, Zarit im ju tom hoek dim yieh tixgliah ra num mai nawh yum heue. 21Yam koe ju Enawk tixgliah phwan num, nawh pon kawn tix Mathusalax heue. 22Khaix hoik pon nawh Mathusalax, Enawk hawt hu tau mai Siyiex been loe yieh num, nawh baox pon kawn simex kawn bun khankix heue. 23Mawh kheu nan, Enawk im ju tom hoek loe yieh tixgliah phwan num heue. 24Enawk#He 11:5; Yud 14 hu tau mai Siyiex, nawh ang lai koe khaix an, mawh kheu hoik deeh teei Siyiex ka nawh heue. 25Yam koe ju Mathusalax tix yieh tixdaix aliah num nawh pon kawn tix Lamet heue. 26Khaix hoik pon nawh kawn tix Lamet, Mathusalax im ju tom hoek aliah yieh tixdaix ra num, baox pon ka kawn simex kawn sibun khankix heue. 27Mawh kheu nan, Mathusalax im ju tom hoek dim yieh tixgliah dim num mai nawh yum heue. 28Yam koe ju Lamet tix yieh tixdaix ra num nawh pon kawn simex tix kaux heue. 29Nawh sum ceu kaux nawh mawh Noax, ah nin, “In tix kaux mawh pa tawx krax nyawm rhawm ka kaing jhaw pa taug mao, pa yuh ex ka taix tix, piang haktiex pa hoik jhax lawg Siyiex kah heue.” 30Khaix hoik pon nawh kawn tix Noax, Lamet im ju tom hoek phwan yieh tixdim phwan num, nawh baox pon kawn simex kawn sibun khankix heue. 31Mawh kheu nan, Lamet im ju tom hoek aliah yieh atixgliah aliah num mai nawh yum heue. 32Yam hoik koe ju Noax phwan yieh num nawh pon kawn tix pa mawh Semax, Hamax mai Yaphiet heue.
Currently Selected:
YAM JAH 5: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012