YouVersion Logo
Search Icon

Mark 16

16
Tanna ge Zeso ne
Mat 28.1-8; Luk 24.1-8; Yoh 20.1-2
1Sok ge gyala dḭḭ se go, vḛḛso ge sabaɗ ne aa ya, Mari ge suwal Magdala ne, Salome ɓanna ge Mari ge Jak na̰ ma mbo yaɗ idiir ge huu tii ma ya, ndwa go maa wa mbo suusi num ge Zeso duul swày ta. 2-4Dumas aaram, sok ge gyala hê na pe ya digi ndaaya go, àa kan ta mbo ge sḭḭ pagal yà. Ge vin̰a zì, àa ka ele ta ge ta buwal zì go: A huɗi mà mbo viŋri nè njal ge tugul wa go gezi ne de? Sok ge àa dee yà, àa tan ta go njal na̰ ge ga̰a̰l meg ge dibi tàal wa go viŋri ya gezi.
5Àa waɗ ge tàal zì yà, àa kuwa van dore ɗu kàɗɗa ge maa lee matoson go, ge ba̰a̰ ga̰a̰l saal taɗag ge na ta. Voo mbo ya wan num. 6Ɗaŋɗe, jan num go: Ḛ chiya voo to, mbi kuwa kuwa go ḛ ɓyare Zeso ge suwal Nazareɗ ne, ge àa pee ne ge ɔwara kaŋre ta digi. Daa ge sok mbe no go to, tan-na yà, ḛ ndi sok ge àa fii ne go no. 7Ge sego ḛ mbo, ḛ mbo jan Piyer mage ne nda ge ame hateya gegene ma go, ne mbo ya ge num ndwa zḛḛ yà, ge suwa ge Galile ne yà. A ge sok mbe yà, ḛ wa mbo kuwa ne, dinna ge ne sḛ dee jin̰a ḛ ne go. 8Sok mbe go, àa waɗ ge tugul zì ya zum, àa chiya zum yà, ge sok chiyaya go, voo wan num, àa ɗege kee bagre, num kḭḭ mbo ya ndageya cɔcwaɗ, àa tane be jan ndu fare.
Ngayya ge Zeso ngay tene ge na nda ma ta
9Sok ge Zeso ta̰a̰ Dumas aaram go, ngay tene zḛḛ gale ge Mari ge suwal Magdala ne ta, ne ge ne sḛ dee yin̰a on̰om ge sone ma ɓỳala ge ne zì zum. 10Ne sḛ mbo wuwage nda ge kàre ne pe ya ma, ge gale no ge sok kee kiimi mage sok fyalla go ma. 11Sok ge àa za̰a̰ ne janna go, na kuwa Zeso, ne ge na ndwa, àa be hoɗ fareba ne fare janna mbe pagal to. 12Guwa̰, Zeso ngay tene ge diir ge ɗogle ge na nda ge ame hateya ge zi ge ka mbo ful zì ma ta. 13Nda ge ame hateya ge zi mbe ma gwan-na ge suwal diŋ, àa wuwage maa ka̰a̰m gegene ma waɗme, ɗaŋɗe, àa gwan kuri be hoɗ fareba num ta. 14Zeso ngay tene ge guwa̰ dwab ge na nda ge ame hateya ge wol pɔgwa ɗu ma ta, àa wa ya zam kaŋ zam. Mḛḛre num ge dul wa twagreya mage hoɗ fareba to ge num way pe. Ge dape, àa be hoɗ fareba ge nda ge kuwa ne tanna digi ma fare ta to. 15Guwa̰, jan num go: Ḛ mbo ge dunin̰a zì peɗ, ḛ oy Fare ge Kwaɗa ge ambi ge nda ta peɗ me. 16Ndu ge mbo hoɗ fareba ya, àa kee ne baptem, mbo seɗ monna. Ɗaŋɗe, ndu ge mbo kuri ya be hoɗ fareba, àa mbo wan ne ge sariya ge gene ne mbo swày. 17-18Nda ge mbo hoɗ fareba ya ma: Ge dḭḭl ge ambi zì, àa mbo yan on̰om ge sone ma zum, àa mbo faa wa ge ɗogle ma, àa mbo wan bwam ma ge maa tok, àa njoɗ jiyam ge hun nda ma, go no puy, a̰me mbo kee num to. Àa mbo kee kaɗeya sok ee maa tok ma ge nda ge kee tuguɗi ma pagal, num sḛ mbe ma mbo seɗ zonna. Ano mbe ma no, a kaŋ ge mbo ngayya ma ne go, num nda ge ho fareba ge mbi ta ma ne.
Mbo digi ge Zeso ne
19Guwa̰ ge Bagezok Zeso aa num na fare ma janna go, Dok hee ne, mbo ge ne ge pḭḭ zì yà, mbo kaɗ ge ne tok matoson pagal. 20Guwa̰ ge n̰a na nda ge ame hateya ma go, àa kan ta mbo oy Fare ge Kwaɗa ge sok ma go peɗ. Pool ge Bagezok ne kaa dagre ge num. Ka ee num kee kaŋ ajab ma ndwa ngayya go, fare ge num jan mbe ma no, nda kuwa go, num mbo ge na ge Zeso ta ya.

Currently Selected:

Mark 16: kiaGRB

Highlight

Share

Copy

None

Want to have your highlights saved across all your devices? Sign up or sign in