Popular Bible Verses from Mark 16

Share

Guwa̰, jan num go: Ḛ mbo ge dunin̰a zì peɗ, ḛ oy Fare ge Kwaɗa ge ambi ge nda ta peɗ me.

Nda ge mbo hoɗ fareba ya ma: Ge dḭḭl ge ambi zì, àa mbo yan on̰om ge sone ma zum, àa mbo faa wa ge ɗogle ma, àa mbo wan bwam ma ge maa tok, àa njoɗ jiyam ge hun nda ma, go no puy, a̰me mbo kee num to. Àa mbo kee kaɗeya sok ee maa tok ma ge nda ge kee tuguɗi ma pagal, num sḛ mbe ma mbo seɗ zonna. Ano mbe ma no, a kaŋ ge mbo ngayya ma ne go, num nda ge ho fareba ge mbi ta ma ne.

Ndu ge mbo hoɗ fareba ya, àa kee ne baptem, mbo seɗ monna. Ɗaŋɗe, ndu ge mbo kuri ya be hoɗ fareba, àa mbo wan ne ge sariya ge gene ne mbo swày.

Guwa̰ ge n̰a na nda ge ame hateya ma go, àa kan ta mbo oy Fare ge Kwaɗa ge sok ma go peɗ. Pool ge Bagezok ne kaa dagre ge num. Ka ee num kee kaŋ ajab ma ndwa ngayya go, fare ge num jan mbe ma no, nda kuwa go, num mbo ge na ge Zeso ta ya.

Ɗaŋɗe, jan num go: Ḛ chiya voo to, mbi kuwa kuwa go ḛ ɓyare Zeso ge suwal Nazareɗ ne, ge àa pee ne ge ɔwara kaŋre ta digi. Daa ge sok mbe no go to, tan-na yà, ḛ ndi sok ge àa fii ne go no.

Dumas aaram, sok ge gyala hê na pe ya digi ndaaya go, àa kan ta mbo ge sḭḭ pagal yà. Ge vin̰a zì, àa ka ele ta ge ta buwal zì go: A huɗi mà mbo viŋri nè njal ge tugul wa go gezi ne de? Sok ge àa dee yà, àa tan ta go njal na̰ ge ga̰a̰l meg ge dibi tàal wa go viŋri ya gezi. Àa waɗ ge tàal zì yà, àa kuwa van dore ɗu kàɗɗa ge maa lee matoson go, ge ba̰a̰ ga̰a̰l saal taɗag ge na ta. Voo mbo ya wan num.