G%E9nesis 10
10
I je umuq uxikin ma Noé
1I je uk'ojol ma Noé chi ma Sem, ma Cam, ma Jafet; ike le xealax kak'al chrijil chik i nim laj jab'.
2I je rak'al ma Jafet je are iri: A Gomer, a Magog, a Madai, a Javán, a Tubal, a Mesec xaq i a Tiras. 3I je rak'al ma Gomer je are a Askenaz, a Rifat xaq i a Togarma. 4I je rak'al ma Javán je are a Elisa, a Tarsis, a Quitim xaq i a Dodanim. 5Je are rak'al ma Jafet ile, xejeqi naqaj che uchi' taq mar, xe'on jun nim laj tinimit, is xkuk'aj kib' chrij taq kalk'uwal xaq chrij taq kich'ab'al.
6I je rak'al ma Cam je are iri: A Cus, a Mizraim, a Fut xaq i a Canaán. 7I rak'al ma Cus je are a Seba, a Havila, a Sabta, a Raama xaq i a Sabteca. I rak'al ma Raama je are a Seba xaq i a Dedán. 8I ma Cus xuk'uwalij a Nimrod, chi are i nab'e achi chi lik nim ucho'ab' chwach i jyub' ta'aj. 9Ire le are jun nim laj ajtzukul chikop pa taq es chwach i Ajwal; rumali chi kb'ixik: “Lik nim laj ajtzukul chikop pa taq es chwach i Ajwal.” 10I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi. 11I ma Nimrod le, xel b'i pa Asiria, xu'an jub'an tinimit chila chi are kib'i iri: Nínive, Rehobot, Cala, 12xaq i nim laj tinimit Resén, chi o chuxol i Nínive ru' i Cala.
13I ma Mizraim xeuk'uwalij: A Ludim, a Anamim, a Lehabim, a Naftuhim, 14a Patrusim, a Casluhim, xaq aj Caftor chi are katit kimam aj Filistea.
15I ma Canaán xuk'uwalij a Sidón, ile are nab'e rak'al, te'uri a Het, ire le xeuk'uwalij 16aj Jebús, aj Hamor, aj Girgash, 17aj Jiw, aj Arac, aj Sin, 18aj Arvad, aj Tsemar xaq i aj Hamat; te'uri xkijach b'i kib' kalk'uwal aj Canaán. 19I uchi' i kulew xjeqan b'i pa Sidón xupon k'a pa Gerar xaq pa Gaza; pusuk' b'i Sodoma, Gomorra, Adma, Zeboim, uponnaq k'a pa Lasa. 20Je are rak'al kan ma Cam ile chrij kich'ab'al, kalk'uwal, kulew xaq i kitinimit.
21Xaq xealax rak'al ma Sem, chi ratz ma Jafet; ma Sem le are katit kimam konojel i je rak'al ma Heber. 22I rak'al ma Sem je are a Elam, a Asur, a Arfaxad, a Lud xaq i a Aram.
23I rak'al ma Aram je are a Uz, a Hul, a Geter xaq i a Mas. 24I ma Arfaxad xuk'uwalij a Sala, xaq ma Sala, xuk'uwalij a Heber. 25I ma Heber xealax keb' rak'al: Xuya pub'i i jun a Peleg man che u'ij ire xjach ulew; i ub'i ucha', a Joctán. 26I ma Joctán xeuk'uwalij a Almodad, a Selef, a Hazar-mavet, a Jera, 27a Adoram, a Uzal, a Dicla, 28a Obal, a Abimael, a Seba, 29a Ofir, a Havila xaq i a Jobab; konojel ike le je rak'al ma Joctán. 30I ulew chi xejeqi chwach, kjeqan b'i uchi' pa Mesa kupon k'a Sefar, chi are i jyub' naj uwi prelb'al ij. 31Je are rak'al kan ma Sem ile, chrij taq kich'ab'al, kalk'uwal, kulew xaq kitinimit.
32Konojel ike le je are kalk'uwal uk'ojol mam Noé kumal umuq uxikin xaq rumal kitinimit; kumal ike le xekicher b'i tinimit chwach i jyub' ta'aj chrijil chik nim laj jab'.
Currently Selected:
G%E9nesis 10: ACHICUB
Highlight
Share
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala