OO MEYO ACHIMOOWIN ST MATTHEW 7

PISKE̔TUSSINA̔HIKUN VII.

1Ākaweya ooyussoowasewāk, āka neesta kitta ooyussoowatikoweyāk. 2Kākoo ooyussoowāwin kā o̔che ooyussoowasewāyāk, āwuko kā o̔che ooyussoowatikoweyāk: mena kākoo tipa̔hikun kā mākeyāk, āwuko neesta kā meeyikoweyāk. 3Kākwi mena wāche na̔apu̔tumwut pewe̔kahikunis ke chewam oo’ skesikoo̔k ā ayayik, ākose āka ā nakutowāye̔tumun pimituppussoë ke’ skesikoo̔k ā ayak? 4A̔po tanse kā isse kuske̔tayun kitta itut ke chewam, Ne ga munepitān unima pewe̔kahikunis ke skesikoo̔k; ākose neesta pimituppussoë ke skesikoo̔k ā ayak? 5O kukwāchesehissoo, nistum wuyowewāpin pimituppussooë ke skesikoo̔k o̔che; ākose ke ga wapu̔tumwan metoone kitta wuyowewāpinumwut pewe̔kahikunis ke chewam oo skesiko̔ok o̔che.

6Ākaweya meeyi̔kook utimwuk unima ā kunatu̔k, mena ākaweya ke̔che kākwia wāpinuma̔kook koo̔koosuk, āka kitta ma̔tukoosku̔kik seepa oo sitewa̔k, mena kitta apumeestakooyākook ākose kitta peekoopitikooyākook.

7Nutootumook, ākose ke ga meeyikowinawaw; nutoonumook, ākose ke ga miskānawaw; pa̔pawehikāk, ākose ke ga paske̔tānumakowinawaw: 8Ka̔keyow oweyuk ka nutootumat o̔tinum; mena una ka nutoonu̔k miskum; mena una ka pa̔pawehikāt kitta paske̔tānumowaw. 9Kākoo napāo e̔tawun keyawaw, keespin oo koosisa nutootumakoot pu̔kwāsekuna, oo ga meeya che ussineeä? 10A̔po keespin nutoomayit kinoosāwa, oo ga meeya che kināpikwa? 11Keespin maka ā muchayeweyāk, kāskāye̔tumoowākwā kitta isse meeyākook meyo mākewina ket owasimisewawuk, taneyekoo̔k owusimā k’ O̔tawewaw ke̔che kesikoo̔k ka ayat kā ke̔ meeyat meyo kākwia unehee ka nutootumakoot? 12Āwuk’ o̔che maka ka̔keyow kākwi ka nutowāyimāk ayiseyinew kitta itotakooyāk, ākose neesta itota̔kook: āwuko oma ooyussoowāwin mena ka pā itwātchik ookiskewāhikāwuk.

13Pee̔tokwāk maka ka sakowasik iskwa̔tām: ayukuskaw iskwa̔tām, mena ayukuskaw māskunow, nissewunachehoowini̔k ka itoo̔tahewāk, me̔chātewuk makane ākota ka mitimātchik: 14Chikāma ā sakowasik iskwa̔tām, mena ā sakowasik māskunow, pimatissewini̔k ka itoo̔tahewāk, maka chukowasisewuk ka misku̔kik.

15Uswāyimi̔kook nuspach ookiskewāhikāwuk, ka pā otee̔tikooyākook mayutchi̔kwuk ā issehootchik, maka utami̔k mahe̔kunuk ā itāye̔takoositchik. 16Oot itatissewinewa̔k ke ga o̔che kiskāyimawawuk. We̔kach che ayiseyinewuk ootinumwuk meenisa missekaweminukusseeska̔k, a̔po soomina ka kasootāweyit o̔che? 17Ākose maka tu̔to meyo mistik ne̔taweke̔taw meyo meenisa; maka muche mistik ne̔taweke̔taw muche meenisa. 18Meyo mistik numoweya kitta ne̔taweke̔taw muche meenisa, mena muche mistik numoweya kitta ne̔taweke̔taw meyo meenisa. 19Tu̔to mistik āka ka ne̔taweke̔tat meyo meenisa kitta kowa̔waw, mena iskootā̔k kitta isse wāpinaw. 20Āwuk’ o̔che maka ā isse ne̔taweke̔tatchik kā o̔che kiskāyimākook.

21Numoweya ka̔keyow oweyuk, Ne Munetoom, Ne Munetoom, ka issit, kā ke̔ pee̔tokwāt ke̔che kesikoowe otānowewin; maka una piko ka totumwat ā itaye̔tumeyit n Otaweä ke̔che kesikoo̔k ā ayayit. 22Me̔chāt ne ga itikwuk āwuko kesikayike, Ne Munetoom, Ne Munetoom, numma che n’ o̔che kiskewāhikanan ke we̔yoowin ā uspimooya̔k? mena ke we̔yoowini̔k ne ke̔ wuyowetissa̔wananuk muche A̔cha̔kwuk? mena ke we̔yoowini̔k ne ke̔ totānan me̔chāt mamuskach isse̔chekāwina? 23Maka ne ga itawuk, numoweya we̔kach ke ke̔ kiskāyimitinawaw: owussetik keyawaw teötumāk muche̔tewin.

24Āwuk’ o̔che maka oweyuk pā̔tu̔ke ohoo net itwāwina, mena i̔totu̔ke, Nuspitowāo kukā̔tawaye̔tumoowa, ka ose̔tat waskahikun tā̔tapiska̔k: 25Ākose kimewunapooë yasepuyew mena yiskepāo, mena yootin, āwuko waskahikun; maka numma ke̔ pu̔ke̔tin: weya itta ā kistapiska̔k ā chimutāk. 26Mena tu̔to oweyuk ka pā̔tu̔k ohoo net itwāwina, āka maka ka totu̔k, kitta nuspitowāo ookukāpatissewa, ka ke̔ ose̔tat waskahikun yakaweska̔k: 27Ākose kimewunapooë yasepuyew, mena yiskepāo, mena yootin, āwuk waskhikun; maka ke̔ pu̔ke̔tin: ākose ke̔ ke̔che nissewunatun. 28Ākose ka keese̔tat ohoo oot itwāwina Jesus, ayiseyinewuk mamuskase̔tumwāwuk oo kukāskimawusoowineyew. 29Oweyuk ā tipāye̔tu̔k ā isse kukāskimat, numoweya tapiskooch ka mussinahu̔kik ooyussoowāwina.

Currently Selected:

OO MEYO ACHIMOOWIN ST MATTHEW 7: CSW

Highlight

Copy