OO MEYO ACHIMOOWIN ST MATTHEW 8

PISKE̔TUSSINA̔HIKUN VIII.

1Ka pā ne̔tamutchewāt, ookistukāwe ayiseyinewa pimitissahook. 2Ākose, peä natikoot oopeekoopuyewa mena ā putuppeestakoot, omisse ā itikoot, Ka Tipāye̔chekāyun, keespin ket itāye̔tān, ke ga ke̔ pimachehin. 3Ākose Jesus soowiniskāyew, mena samināo, omisse ā itat, net itāye̔tān; kitta pimatisseyun. Ākose sāmak ka itaspināt nākutikoot. 4Mena Jesus we̔tumowāo, Ākaweya oweyuk we̔tumow; maka itoo̔tā kewa, wapu̔teyik ayumehāwekemawuk, mena pukitina ke mākewin Moses ka ke̔ itussoowāt, kitta na̔āye̔tu̔kik.

5Ākose Jesus ka pee̔tokwāt Capernaum, wā̔che otee̔tikoot semakunisewekemawa ā nunutoomikoot, 6Omisse ā itikoot, Ka Tipāye̔chekāyun, net utooskāyakun pimissin n’eekeena̔k ā a̔koosit, naspitch ā kukwatukehikoot. 7Maka Jesus omisse itāo, ne ga nutowe pimachehaw. 8Semakunisewekemaw nuskwāwusehāo omisse itāo, Ka Tipāye̔chekāyun, Numoweya ne tāpukāye̔takoosin kitta pā itoo̔tāyun n’eekee̔k: maka tāpeya̔k moo̔che itwā, ākose net utooskāyakun kitta pimatissew. 9Mana maka neesta netayan ookemawewin, semakunisuk ā tipāyimukik: ākose owa itoo̔tā, ātuke, ātoo̔tāt: mena kotuk, Astum, ākose peā itoo̔tāt; mena net utooskāyakun, Tota oma ātuke, ākose tëotu̔k. 10Ispe Jesus peā̔tu̔k, mamuskatum, ākose omisse ātat ka wechākoot, Ne tapwan ka ititukook, Numoweya n’o̔che miskān eyekoo̔k ke̔che tapwā̔tumoowin, numoweya Israeli̔k. 11Mena ke we̔tumatinawaw, me̔chāt kitta o̔cheewuk wapunoo̔k mena nākapāhunoo̔k, ākose kitta weetuppimāwuk Abraham, mena Isaac, mena Jacob, ke̔che kesikoowe otānowini̔k. 12Maka owasisuk kā̔chewak otānowini̔k ka o̔cheetchik kitta wuyowe wāpināwuk wuyowetimi̔k wunetipiska̔k: ākota matoowin mena kecheeskapitāwin ā e̔tukwu̔k. 13Ākose Jesus omisse itāo semakunisewekemawa, Neya kewā; ka ke̔ isse tapwā̔tumun, ke ga isse ayan. Ākose oot utooskāyakuna ke̔ pimatisseyewa ākospe mākwach.

14Ākose ispe Jesus ka pee̔tokwāt Peter oo waskahikuneyew, wapumāo oo sikooseyewa ā pimissineyit, kissesoowe itaspināwin ā isse a̔kooseyit. 15Ākose saminumwāo oo’chee̔cheeyew, ākose kissesoowe itaspināwin nākutikoot; ākose wāniskat, ā nanupachehat.

16Ispe wātakoosee̔k, pātoowāwuk me̔chāt ā pee̔teskakooyit muche a̔cha̔kwa: ākose wāyowetissa̔wat a̔cha̔kwa oot ayumewin o̔che, mena ā pimachehat ka̔keyow oota̔koosewa: 17Kitta ke̔ tipepuyik ā ke̔ itwāt Esaias ookiskewāhikāo, omisse, weya ke̔ otinum ke nāsoowatissewinenow, mena ke̔ naya̔tum ket a̔koosewinenow.

18Ākose Jesus ā wapumat ookistukāwe ayiseyinewa ā wechekapowistakoot, itussoowāo kitta issechemātchik ukami̔k. 19Ākose pāuk una ka mussinahu̔kik ooyussoowāwina pā natik, omisse ā itikoot, O ookiskino̔humakāo, ke ga wechātin piko ittā ā itoo̔tāyun. 20Maka Jesus omisse itāo, Mu̔kāseesuk oowatewuk, mena peyāseesuk oowutchistoonewuk; maka weya Napāo Oo Koosisan nummawawach ayaw itta kitta pime̔tetat oo’ stikwan. 21Ākose mena kotuka oo kiskino̔humowakuna omisse itik, Ka Tipāye̔chekāyun, pukitinin pitta kitta nutowe na̔henuk n’o̔tawe. 22Maka Jesus omisse itāo, Wechāwin keyam; keyam weyawaw nāpitchik kitta na̔henāwuk ka nippeyit.

23Ka poosit chemani̔k, oo kiskino̔humowakuna wechāwik. 24Ākose kātu̔towā mistahā yootin wenepākoo̔k, peyis chemani̔k ka ukwunepāyik ā mamakaska̔k: maka weya oo nipa̔ti. 25Ākose oo kiskino̔humowakuna natik, mena kooskoonik, omisse itik, Ka Tipāye̔chekāyun, pimachehinan; n’ oosikoohoonan. 26Ākose omisse itāo, Tanā̔kā wā̔che sākisseyāk, O upisasin ke tapwā̔tumoowinewaw? Ākose wāniskat, mena ā kitootu̔k yootinwa mena wenepāk; ākose sāmak aywastin. 27Maka okoo napāwuk mamuskatumwuk, omisse itwāwuk, Kāko ayiseyinewawa, wawach piko yootinwa mena wenepāk ā nutoo̔takoot!

28Ākose ispe māsukat ukami̔k oot uskeewa̔k Gergesenes, nukiskak nesoo ā pee̔teskakooyit muche a̔cha̔kwa, chepuyekumiko̔ok ā o̔to̔tāyit, mamowāyus ā ayimisseyit, āka oweyuk ayiseyinew kitta ke̔ pimoo̔tāt ākota. 29Ākose, wā̔che, tāpwatikoot, omisse ā itikoot, Tanse kā ke̔ itotata̔k, Jesus, ka oo Muneto oo Koosisaneweyun? ke pāche na assi nunā̔kachehinan ā moyā ooche̔chepuyik? 30Ākose ākota ayawuk me̔chāt nowutch wa̔yow ā ussāyutitchik koo̔koosuk ā mechesoo̔kasootchik. 31Ākose muche A̔cha̔kwuk kukwāchimāwuk, omisse, Keespin ke wuyowetissahoonan, eyinumowinan kitta sipwā̔tāya̔k kitta pee̔teskowukee̔tchik koo̔koosuk. 32Ākose omisse itāo, Neyak. Ākose ka wuyoweetchik, utte ’se pee̔teskowāwuk koo̔koosa: ākose, maka, ka̔keyow ka isse ussāyutitchik koo̔koosuk matawisseputawuk wenepākoo̔k itta ā keeska̔chayik, ākose oosikoohoowuk. 33Unekee maka ka kunowāyimatchik oosimoowuk, utte kewāwuk Ke̔che Waskahikuni̔k, mena we̔tumwuk ka̔keyow kākwi, mena ā isse ayayit unehee ka ke̔ pee̔teskakooyit muche A̔cha̔kwa. 34Ākose, ka̔keyow tu̔to itta āyatchik pāche nukiskowāwuk Jesusa: ākose eyekoo̔k weäpumatchik, nutowāyimāwuk kitta nukutumeyit oot uskeewaw.

Currently Selected:

OO MEYO ACHIMOOWIN ST MATTHEW 8: CSW

Highlight

Copy