OO MEYO ACHIMOOWIN ST MATTHEW 13

PISKE̔TUSSINA̔HIKUN XIII.

1Āwuko ā kesikak Jesus wuyowew waskahikuni̔k, ākose utte uppew chekepāk wenepākoo̔k. 2Ākose ookistukāwe ayiseyinewa pāche mawussukoonatik, ākose peyoosit, ā utte uppit; ākose ka̔keyow okoo ayiseyinewuk chekepāk nepowewuk. 3Ākose we̔tumowāo me̔chāt kākwia ā uspahakāmoot, omisse, pāuk una oopukitinikāo nutowe pukitinikāo; 4Ākose oma ā pukitinikāt, atee̔t kistekana pu̔kee̔tineyewa māskuna̔k, ākose peyāseesuk pāche kittawuk: 5Atee̔t pu̔kee̔tineyewa ussineeska̔k, itta āka mistahā ā uskeewu̔k: ākose tapwā sakuskeewa, weya āka ā kispukak uske: 6Maka ispe pesim ā sakoo̔tāt, ākose iskwatāwa; weya āka ā wuttupewu̔kee, weputch pastāwa. 7Atee̔t maka pu̔kee̔tinwa missekaweminukuseeska̔k; ākose missekaweminukuseesuk sakuskeewuk, mena kepiskumwuk: 8Maka kotuka pu̔kee̔tinwa meyo uskee̔k, ākose meyo ne̔tawekinwa, atee̔t meta̔to metunoo, atee̔t nikootwasoo metunoo, atee̔t nisto metunoo ya̔kepuyewa. 9Owāna wā̔towukat kitta ke̔ pā̔tu̔k, keyam kitta nutoo̔tum.

10Ākose kiskino̔humowakunuk, itāwuk, Tanā̔kā wā̔che ayumehutchik ā uspahakāmooyun? 11Ākose nuskwawusehāo omisse itāo, Chikāma ke ke̔ meeyikowinawaw keyawaw kitta kiskāye̔tumāk unima ka ke̔ katāk ke̔che kesikoowe otānowin, maka weyawaw numoweya isse meeyawuk. 12Keespin oweyuk ā ayat, a̔cheko kitta meeyaw, ākose owusimā kitta ayaw: maka oweyuk āka ka ayat, āwuko kā muskumee̔t unima ka ata ayat. 13Āwuk’ o̔che ka uspahakāmoowuk: chikāma ā ata wapu̔tu̔kik numma nissetowinumwuk; mena ā ata pā̔tu̔kik numma nutoo̔tumwuk, mena numoweya nisseto̔tumwuk. 14Ākose itta wā̔che tipepuyeyik ookiskewāhikāwin Esaias, ka ke̔ itwāt, ā nutoo̔tumāk ke ga pā̔tānawaw, maka numoweya ke ga nisseto̔tānawaw; mena ā kunowapu̔tumāk ke ga wapu̔tānawaw, maka numoweya ke ga nissetowinānawaw: 15Weya okoo eyinewuk oo tā̔ewawa nayā̔tawustāyewa, mena oo̔towukawawa numma na̔hee̔tumomukuneyewa, mena kipahumwuk oo’ skesikoowawa; āka kitta wapu̔tu̔kik oo’ skesikoowa̔k o̔che, mena āka kitta pā̔tumakātchik oo̔towukawa̔k o̔che, ākose nisseto̔tu̔kik oo tā̔ewa̔k, mena kitta kwāskeetchik, ākose kitta pimachehukik. 16Maka sowāye̔takwunwa ke skesikoowawa, weya ā wapu̔chekakāyāk: mena k’ e̔towukawawa, weya ā pā̔tumakāyāk. 17Ne tapwan ka isse we̔tumatukook, me̔chāt ookiskewāhikāwuk mena kwiusk ootitatissewuk ke̔ ukawatumwuk kitta wapu̔tu̔kik ohoo kākwia ka wapu̔tumāk, maka numoweya o̔che wapu̔tumwuk; mena kitta pā̔tu̔kik unehee kākwia ka pā̔tumāk, maka numoweya o̔che pā̔tumwuk.

18Nutoo̔tumook maka ā uspahakāmoo̔k oopukitinikāo. 19Oweyuk ka̔ pā̔tu̔ke otānowe ayumewin, āka maka nisseto̔tu̔ke, ākose pāche otinumeyewa muche aya unima ka ke̔ pukitinumoo̔t oo tā̔i̔k. Āwuko owa ka ke̔ pu̔kee̔tineyik kistekan māskuna̔k. 20Maka una ka pu̔kee̔tineyik kistekan ussineeska̔k, āwuko ka̔ pā̔tu̔ke ayumewin, ākose ā muma̔takoosit meyo otinum; 21Maka āka tapwā ā ke̔ wuttupewuneyik w’eyowi̔k, numoweya kinwās ke̔ kekeskak; ispe ayimissewin ayumehawin o̔che ā̔tukwuneyike ayumewin o̔che, ākose ke̔ke̔ka nayā̔tawāye̔tum. 22Una maka ka pu̔kee̔tineyik kistekan missekaweminukuseeska̔k āwuko ka pā̔tu̔ke ayumewin; ākose ā ootumāye̔tumehikoot uske, mena ā wuyāsehikoot wāyootissewin, kipiskum ayumewin, ākose neesta numma kākwi ne̔tawekineyew. 23Maka una ka pu̔kee̔tineyik kistekan meyo uskee̔k āwuko ā pā̔tu̔k ayumewin, maka ā nisseto̔tu̔k; mena ussitche ā nookoo̔tat, mena ā ne̔taweke̔tat, ate̔et meta̔to metunoo yu̔kepuyewa, atee̔t nikootwasoo metunoo, atee̔t nistoo metunoo.

24Kotuk uspahakāmoon we̔tumowāo, omisse, Ke̔che Kesikoowe otānow tapiskooch oweyuk ā pukitinu̔k meyo kistekan oo kistekani̔k: 25Maka mākwach napāwuk ā nippatchik, oo pukwachekuna pāche pukitinikāyewa muche muskooseä mākwach pu̔kwāsekuni̔k, ākose sipwā̔tāyewa. 26Maka ispe peä sakuskeet, mena ā utte ne̔tawekit, ākose neyookwu̔kee muche muskooseä ussitche. 27Ākose okoo oot utooskāyakuna tāpāye̔tu̔k waskahikun pāche omisse itik, Numma che meyo kistekan ke ke̔ pukitinān ke kistekani̔k? tantā maka ka o̔che muche muskoosewu̔k? 28Omisse itāo, pukwachekun una ka ke̔ totu̔k. Utooskāyakunuk omisse itāwuk, ne ga na maka nutowe munepitānan? 29Maka omisse itāo, Numoweya; maskooch munepitumākoo muche muskooseä, ke ga ussitchepitawaw pu̔kwāsekun. 30Keyam tapiskooch kitta ne̔tawekewuk eyekoo̔k kā munissekā̔ke: ākose munissekā̔ke ne ga itawuk oomunissekāwuk, Mawutche̔tak pitta nistum muche muskooseä ākose a̔ussa̔pitumook kitta poonekatākee: maka a̔yik pu̔kwāsekun ne tukwahikāwekumikoo̔k.

31Kotuk uspahakāmoon we̔tumowāo, omisse; Ke̔che Kesikoowe otānow tapiskooch pāukoomin kistekanis, ayiseyinew ā otinu̔k, ākose ā pukitinu̔k oo kistekani̔k: 32Āwuko chikāma mawutche upisasin ka itu̔ti̔kee kistekana: maka ispe ka ne̔tawekee̔kee, owusimā misaw ka itu̔ti̔kee oochāpikwa, ākose mistikoo̔k itāye̔takwun, peyāseesuk pāche ayawuk wuti̔kwuni̔k.

33Kotuk uspahakāmoon we̔tumowāo; Ke̔che Kesikoowe otānow tapiskooch oo̔pe̔che̔chekun, iskwāo ā oti̔nu̔k, ākose ā ustat nistoo ayuk pu̔kwāsekuni̔k, peyis missewā oo̔puyepuyew. 34Ka̔keyow ohoo kākwia we̔tumowao Jesus ookistukāwe ayiseyinewa ā uspahakāmoot; numoweya nantow o̔che itāo āka kitta uspahakāmoot: 35Kitta tipepuyeyik ā ke̔ itwāt ookiskewāhikāo, omisse, Ne ga we̔tumakan uspahakāmoona ne tooni̔k; ne ga we̔tān kākwia ka ke̔ kata̔k uspin nistum ā uskeewu̔k.

36Ākose Jesus sipwātissawāo ookistukāwe ayiseyinewa, mena pee̔tokwāo waskahikuni̔k: oo kiskino̔humowakuna pāche natik, omisse itik, We̔tumowinan unima ka uspahakāmoo̔k muche muskooseä kistekani̔k. 37Nuskwāwusehāo omisse itāo, Una ka pukitinu̔k meyo kistekan āwuko Napāo oo Koosisan; 38Kistekan āwuko uske; meyo kistekan āwukwunik otānowi̔k o̔che owasisuk; maka muche muskooseä āwukwunik weya muche aya oot owasimisa; 39Una pukwachekun ka ke̔ pukitinu̔k āwuko muche a̔cha̔k; ā munissekā̔k āwuko ā poone uskeewu̔k; ākose ka munissekātchik āwukwunik ke̔che Utooskāyakunuk. 40Ka isse mawussukoonumee̔k muche muskooseä ākose ā suskahikatākee; ākose kā e̔ki̔k poone uskeewu̔ke. 41Napāo oo Koosisan kitta isitissa̔wāo oo ke̔che utooskāyakuna, ākose kitta mawussukoonumwuk kā̔keyow kākwi ka nayā̔tawehewāk oot otānowini̔k, mena unekee ka totu̔kik muche kākwi; 42Ākose kitta isse wāpinawuk muche iskootā̔k: ākota nunā̔kahchemoowin mena kecheeskapitāwin ā e̔tukwu̔k. 43Ākose oomeywatissewuk kitta ke̔che wasissoowuk tapiskooch pesim oot otānowini̔k o̔tawewawa. Owāna wā̔towukat kitta ke̔ pā̔tu̔k, keyam kitta nutoo̔tum.

44Mena, ke̔che Kesikoowe otānow tapiskooch ustwawin ā kata̔k kistekani̔k; ākose ayiseyinew ā misku̔k, kataw, ākose ā muma̔takoohikoot nutowe utawakāo tu̔to kākwi ā ayat, ā utawāt āwuko kistekan.

45Mena, Ke̔che Kesikoowe otānow tapiskooch utawāo eyinew, ā nutoonowat sooneyawapiskwa: 46Pāuk ka miskowat sooneyawapiskwa ā kistukimimee̔t, nutowe utawakāo tu̔to kākwi ā ayat, ākose utawāo.

47Mena, Ke̔che Kesikoowe otānow tapiskooch a̔yuppe, ā pukitawa̔k wenepākoo̔k, nuna̔kow kinoosāo ka oota̔watchik: 48Ispe seäkuskināt, a̔kwasipitāwuk, ka ooyuppitchik, mawussukoonāwuk ā meyosisseyit, maka wāpināwuk ā mayatisseyit. 49Ākose kā isse ayak poone uskeewu̔ke: Ke̔che utooskāyakunuk kitta pāche, tepana̔yāwuk oomuchatissewa mena oomeywatissewa, 50Ākose kitta isse wāpināwuk muche iskootā̔k: ākota nunā̔kachimoowin mena kecheeskapitāwin ā e̔tukwuk. 51Jesus omisse itāo, Ke ke̔ nisseto̔tānawaw na ka̔keyow ohoo kākwia? Omisse itāwuk, āhā, Muneto. 52Ākose omisse itāo, āwuk’ o̔che maka tu̔to ka mussinahu̔k ooyussoowāwin ā ke̔ kiskinoo̔huma̔t ke̔che kesikoowe otānowini̔k oo ga nuspitowa ka Tipāye̔tumeyit waskahikun, ka o̔che mooskinumakāt oot ayana ooske kākwia mena kuyas aya.

53Ākose ispe Jesus ka̔ keese̔tat ohoo uspahakāmoona, nukutum ākota. 54Ākose ispe wātee̔tat oot uske, kukāskimāo oot ayumehāwekumikooyee̔k, ā mamuskase̔towatchik maka, omisse itwāwuk, Tantä owa napāo wātinu̔k ka isse kukā̔tawāye̔tu̔k, mena ohoo mama̔tawe isse̔chekuna? 55Numayāo che owa Mistikoonapāo oo Koosisa? numma che oo’ Kaweä Mary isseni̔kasooyewa? mena oo chewama James, mena Joses, mena Simon, mena Judas? 56Mena oot owāmawa, numma che ke wechāwimanowa? Tantā maka wātinu̔k owa napāo ka̔keyow ohoo kākwia? 57Ākose ke̔ nayā̔tawāyimāwuk. Maka Jesus omisse itāo, Ookiskewāhikāo oot uskee̔k piko mena waskahikuni̔k āka ka kistukime̔et. 58Ākose numoweya o̔che totum me̔chāt oo mama̔tawe ose̔chekuna chikāma numoweya tapwā̔tumwuk.

Currently Selected:

OO MEYO ACHIMOOWIN ST MATTHEW 13: CSW

Highlight

Copy