OO MEYO ACHIMOOWIN ST MATTHEW 12

PISKE̔TUSSINA̔HIKUN XII.

1Ākospe unne Jesus ā ayumehākesikayik pimoo̔tāo pu̔kwāsekuneska̔k; ākose kiskino̔humowakunuk we̔ mechesoowuk, ākose utte moosu̔kepitāwuk pu̔kwāsekuna, ā moowatchik. 2Maka ispe Phariseewuk weäpu̔tu̔kik, omisse itāwuk, Cheest, ke kiskino̔humowakunuk totumwuk unima āka kitta tochekatāpun ā ayumchākesikak. 3Maka omisse itāo, Numma na k’ o̔che ayume̔tanawaw ka itotu̔k David, ā we̔ mechesoot, mena unehee ka wechākoot; 4Ka isse pee̔tokwāt w’eekeeyi̔k Munetoowa, mena ā utte moowat ooyustwakoowe ayu̔koonawa, numoweya weya oo ga ke̔ moowa̔, mena unehee ka wechākoot, maka piko Ayumehāwekemawuk? 5Mena numma na k’ o̔che ayume̔tanawaw ooyussoowāwini̔k, ā ayumehākesikayik okoo Ayumehāwekemawuk ā peekoonu̔kik ayumehākesikak ayumehāwekumikoo̔k, ākose āka ā ukee̔tuma̔tchik. 6Maka ke we̔tumatinawaw, Ota ayaw pāuk ā kistāye̔takoosit ispee̔ch ayumehāwekumik. 7Maka keespin ke̔ kiskāye̔tumāk oma ā itwāmuku̔k, Ne ga ayan kissāwatisseewin, nowutch ispee̔ch isse̔twawina, numoweya ke ga oo̔chema̔tawawuk āka ā wune̔titchik. 8Weya Napāo oo Koosisan ā tipāye̔tu̔k a̔poo̔cheka ā ayumehākesikayik.

9Ākose ispe ka̔ nukutu̔k ākota, pee̔tokwāo oot ayumehāwekumikooyee̔k: 10Ākose, poote, itta ka ayat napāo ā nipoowemu uneyik oo’ chee̔chee. Ākose kukwāchimāwuk, omisse, Meywasin che kitta nunatowehee̔t oweyuk ayumehākesikake? Ā we̔ itta o̔che misimatchik. 11Maka omisse itāo, Kāko napāo e̔tawan ka itusseyāk, ayawat pāuk mayutchi̔kwa, keespin maka pee̔chepuyeyit watee̔kani̔k ā ayumehākesikayik, numma che oo ga otina̔, mena oo ga wuyowe oo̔pina̔? 12Tā̔ eyekoo̔k maka ayiseyinew owusimā ā itāye̔takoosit ispee̔ch mayutchi̔k? Āwuko o̔che maka meywasin kitta meyototumee̔k kākwi ayumehākesikake. 13Ākose ā itat unehee napāwa, Sooweniskāye. Ākose tapwā sooweniskāyew; ākose tapiskooch kotuk isse meyo ayaw.

14Ākose Phariseewuk ka wuyoweetchik, ooyussoowatāwuk, tanse kitta ke̔ isse nissewunachehatchik. 15Maka ispe Jesus kāskāye̔tu̔k, nukutum ākota: ākose ookistukāwe ayiseyinewa pimitissahook, ākose ka pimachehat ka̔keyow; 16Ākose kittahumowāo āka kitta achimikoot: 17Kitta ke̔ tipepuyik ā ke̔ itwāt omisse Esaias ookiskewāhikāo, 18Owa net utooskāyakun, ka ke̔ nowusoonuk; ka ke̔che sakehuk net a̔cha̔koo̔k: ne ga meeyaw net a̔cha̔kwa, ākose kitta wapu̔teyāo ooyussoowāwina ayu̔ch eyinewa. 19Numoweya kitta we̔ sakoochimewāo, a̔po kitta ta̔tāpwāo; mena numoweya eyinew kitta pā̔towāo māskuna̔k. 20Ā a̔chepuyeyik kistakunuskoose numoweya kitta peekoonum, mena ā moo̔che pepootāyik wastānumakunāyape numoweya kitta astowāhum, eyekoo̔k ooyussoowāwin kā sakoochehewāyik. 21Mena oo we̔yoowini̔k ayu̔ch eyinewuk kitta mumisseewuk.

22Ākose pātoowaw pāuk ā pee̔teskakooyit muche a̔cha̔kwa, āka ā wapit, mena āka ā ne̔tawāt: ākose pimachehāo, āka ka wapit ākose weäpu̔tumat mena āka ka ne̔tawāt ke̔ peekiskwāo. 23Ākose ka̔keyow eyinewuk mamuskatumwuk, omisse itwāwuk, Nummayāo che owa David oo koosisa?

24Maka ispe Phariseewuk pëā̔tu̔kik, omisse itwāwuk, Owa numoweya tapwā wuyowetissa̔wāo muche a̔cha̔kwa, maka nutuka Beelzebub ka Tipāyimat muche a̔cha̔kwa ā wechehikoot. 25Maka Jesus kiskāye̔tumwāo oo mitoonāye̔chekuneyewa, omisse itāo, Tu̔to otānowa ka nunanischehitoot oweyuk o̔chetow kitta nissewunatu̔kee; mena tu̔to ke̔che waskahikun a̔po waskahikun ka nunanischehitoot oweyuk numoweya kitta ke̔ e̔tukwun: 26Keespin maka muche A̔cha̔k wuyowetissa̔wāo muche A̔cha̔kwa, ākose āsakune kā nunanischehitoot; tantā maka oot otānowewin kā o̔che ayeetuneyik? 27Keespin maka Beelzebub o̔che ne wuyowetissa̔wawuk muche a̔cha̔kwuk, owāyewa maka weyechehikootchik ket owasimisewawuk kitta wuyowetissa̔watchik? Āwuk’ o̔che maka ke ga ooyussoowatikoowawuk. 28Maka keespin Kissā Muneto oot a̔cha̔kwa n’ o̔che wuyowetissa̔wawuk muche A̔cha̔kwuk, Ākose āsa kissā Muneto otānowewin wātee̔tikooyāk. 29A̔po tantā kā ke̔ isse pee̔tokowat oweyuk ā muskowisseyit napāwa, ākose kitta nissewunache̔tawat oot ayaneyewa, patima nistum ke̔ tu̔koopitat ka muskowisseyit napāwa? ākose kitta ke̔ nissewunache̔tawāo oo waskahikuneyew. 30Una āka ka wechāwit ne nunatoo̔koohik; mena, una āka ka wechehit ā moosu̔kinekāwuk wususwāwāpinikāo. 31Āwuk’ o̔che maka ka ititukook, ka̔keyow nunatoo̔k muche̔tewin mena pastamoowin kitta usanumowaw ayiseyinew: maka ā nayā̔tawe itee̔t ka Kunatissit A̔cha̔k numoweya kitta usānumowaw ayiseyinew. 32Mena oweyuk nayā̔tawe itatche napāo oo Koosisana, kitta usānumowaw: maka oweyuk nayā̔tawe itatche ka Kunatissit A̔cha̔kwa, numoweya kitta usānumowaw, ota uskee̔k, a̔po nāma uske kā ooche̔chepuyik. 33Nantow issehik mistik kitta meyosissit, mena meenisa kitta meywasikee; a̔po issehik mistik āka kitta meyosissit, mena meenisa āka kitta meywasikee: weya meenisi̔k ā o̔che kiskāye̔takoosit mistik. 34O uniskā nā̔tawekehitooyāk kināpitik, tanse, ā muchayeweyāk, kā ke̔ ayimootumāk meyo kākwi? weya ā isse peesakwustāk metā̔ ā itwāmuku̔k me’toon. 35Oomeywatissew ā isse meyo ustat oo tā̔ wapu̔teyewāo meyo kākwia: mena oomuchatissew ā isse muchustwat nookoo̔taw muche kākwia. 36Maka ke we̔tumatinawaw, Tu̔to ke̔timewe peekiskwāwin ayiseyinew kā isse peekiskwākwā, kitta mooskinum āwukwāyew ooyussoowāwe kesikayike. 37Ke peekiskwāwini̔k o̔che ke ga o̔che aputchehoon, mena ke peekiskwāwini̔k o̔che ke ga o̔che nissewunachehoon.

38Ākose atee̔t unekee ka mussinahu̔kik ooyussoowāwin mena unekee Phariseewuk nuskwāwusehāwuk, omisse itāwuk, Ookiskino̔humakāo, ne we̔ wapu̔tānan kitta mama̔tawe e̔teyun. 39Maka nuskwāwusehāo mena omisse itāo, oomuche pisikwatisseskuk uniskā peā o̔cheetchik nutoonumwuk mama̔tawe kākwi; maka numoweya mama̔tawe kākwi kitta ke̔ meeyee̔tchik, piko unima ka ke̔ isse mama̔tawe e̔tit ookiskewāhikāo Jonas: 40Jonas ka ke̔ ayat nistoo kesikaw mena nistoo tipiskaw wapumāk wuta̔k; ākose neesta napāo oo Koosisan nistoo kesikaw mena nistoo tapiskaw kā pimissi̔k uskee̔k. 41Ayiseyinewuk Nineveh ka o̔cheetchik kitta misimāwuk ohoo uniskā ka pā o̔cheeyit, ākose kitta pastamāwuk: chikāma ke me̔tatumwuk weyawaw ā we̔tumakootchik Jonas; maka owusimā ā itāye̔takoosit oweyuk ispee̔ch Jonas ota ayaw. 42Mawutche Ke̔che Ookemaskwāo sawunota̔k ka ke̔ o̔cheet kitta misimāo ohoo uniskā ka pā o̔cheeyit, ākose kitta pastamāo: maka che ā kissepak uske ke̔ pā o̔to̔tāo ā we̔ pā̔towat kitta isse kukā̔tawāye̔tumeyit Solomon; maka owusimā ā itāye̔takoosit oweyuk ispee̔ch Solomon ota ayaw. 43Keespin muche A̔cha̔k wuyowestowatche ayiseyinewa, pupamoo̔tāo itta ā pa̔kwu̔tchayik, ā nutoonu̔k kitta uywāpit, maka āka ā misku̔k. 44Ākose itwāo, ne ga keewan ne waskahikuni̔k itta ka ke̔ o̔che wuyoweyan; ākose tākoosee̔ke, miskum ā pisisikustāyik, ā ke̔ wāpa̔hikāwee̔t, mena wawāsetawee̔t. 45Ākose natāo, mena otinumasoo tāpukoo̔p kotuka a̔cha̔kwa owusimā ā muchatisseyit ispee̔ch weya, ākose itta pee̔tokwātchik itta ā ayatchik: ākose ākwa owusimā muchayewew āwuko ayiseyinew ispee̔ch nistum. Ākose makane kā isse ayatchik okoo muche ayiseyinewuk.

46Kāyapitch ā ayumehat ohoo ayiseyinewa, kāta̔towā oo Kaweä mena oo chewama wuyowetimi̔k nepoweyewa, ā nutowāye̔tumeyit kitta ayumehikoot. 47Ākose pāuk omisse itik, Ke Kawe mena ke chewamuk wuyowetimi̔k nepowewuk, ā nutowāye̔ta̔kik kitta ayumehiskik. 48Maka nuskwāwusehāo mena omisse itāo unehee ka we̔tumakoot, Owāna ne Kawe? mena owānekee ne chewamuk? 49Ākose itwā̔wāo oo kiskino̔humowakuna, omisse itwāo, makowa ne Kawe mena okoo ne chewamuk! 50Piko oweyuk kā totumokwā ā itāye̔tumeyit n’O̔taweä ke̔che kesikoo̔k ayat, āwuko ne chewam, mena net owāmaw, mena ne Kawe.

Currently Selected:

OO MEYO ACHIMOOWIN ST MATTHEW 12: CSW

Highlight

Copy