OO MEYO ACHIMOOWIN ST JOHN 20

PISKE̔TUSSINA̔HIKUN XX.

1Ā nistum kesikak āwuko ā ispuyik weputch pā itoo̔tāo Mary Magdalene, kāyapitch ā wunetipiskayik, chepuyekumikoo̔k isse, ākose wapumāo ussineea ā ke̔ otinimee̔t chepuyekumikoo̔k o̔che. 2Ākose sipwāpu̔taw, mena otee̔tāo Simon Petera, ussitche unehee kotuka kiskino̔humowakuna, Jesus ka ke̔ sakeha̔pun, ākose omisse itāo, Ke̔ otināwuk ka Tipāye̔chekāyit chepuyekumikoo̔k o̔che, mena numoweya ne kiskāye̔tānan tantā ka̔ a̔yatchik. 3Peter maka wuyoweew, ussitche una kotuk kiskino̔humowakun, ākose pā itoo̔tāwuk chepuyekumikoo̔k isse. 4Ākose tapiskooch pimepu̔tawuk; ākose una kotuk kiskino̔humowakun nukutchepa̔hāo Petera, ākose weya nistum otee̔tum chepuyekumik. 5Ākose ā nowukeet, mena pee̔che ā itapit, wapu̔tum wapiske pupukewuyanākina ā ustāyikee; numoweya maka pee̔tokwāo. 6Ākose tukoosin Simon Peterā pimitissa̔wat, mena pee̔tokwāo pee̔che chepuyekumikoo̔k, mena wapu̔tum wapiske pupukewuyanākina āustāyikee, 7Ussitche unima wapiskākin, ka ke̔ o̔che wāwākistikwanā̔pissoot, āka ā ussitustāyik itta wapiske pupukewuyanākina ā ustāyikee, maka ā ke̔ wāwākinumoo̔t pāukwunoo̔k. 8Ākose weesta pee̔tokwāo una kotuk kiskino̔humowakun, una nistum ka ke̔ otee̔tu̔k chepuyekumik, mena ke̔ wapu̔tum, ākose ke̔ tapwā̔tum. 9Weya āka chāskwa ā kiskāye̔tu̔kik ke̔che mussina̔hikāwin, kitta wuniskayit mena nippoowini̔k o̔che. 10Ākose kewāwuk mena kiskino̔humowakunuk weyawaw kā̔chewakoot e̔tawinewa̔k isse.

11Maka Mary nepowew wuyoweetimik chepuyekumikoo̔k ā matoot: mena mākwach ā matoot, nowukeew, ākose pee̔che itapew chepuyekumikoo̔k, 12Ākose wapumāo nesoo ke̔che utooskāyakuna ā uppeyit ā wapiskehooyit, pāuk ā uppit oo’ stikwani̔k itā̔kā, ākose kotuk oo’ siteyee̔k itā̔kā, itta we’yow Jesus ka ke̔ pime̔tineyik. 13Ākose omisse itāwuk, Iskwāo, tanā̔kā wā̔che matooyun? Omisse maka itāo, Chikāma ā ke̔ otinatchik ka Tipāyimeyit, mena numoweya ne kiskāye̔tān tantā ka̔ a̔yatchik. 14Ākose oma ka̔ itwāt, kwāskekapowew, ākose wapumāo Jesusa ā nepoweyit, mena numoweya kiskāye̔tum āwukwune unehee Jesusa. 15Jesus omisse itāo, Iskwāo, tanā̔kā wā̔che matooyun? owāna nātoonowut? Āwuko owa ātokwā kistekāwe eyinew ā itāye̔tu̔k, omisse itāo, Ookemaw, keespin ka̔ otinawutā ota o̔che, we̔tumowin tantā ka̔ a̔yut, ākose ne ga sipwā̔tahaw. 16Jesus omisse itāo, Mary Kwāskekapowew maka, ākose omisse itāo, Rabboni; Ookemaw ā itwā̔k. 17Jesus omisse itāo, Ākaweya saminin; chikāma numoweya chāskwa ne ke̔ oo̔piskan n’ Otawe isse: maka nasik ne’ ckewamuk, ākose omisse issik, n’ oo̔piskan n’ Otawe isse, mena k’ O̔tawewaw isse; mena ne Munetoom isse, mena ke Munetoomewaw isse. 18Mary Magdalene pa itoo̔tāo mena we̔tumowāo kiskino̔humowakuna ā ke̔ wapumat ka Tipāye̔chekāyit, mena ā ke̔ we̔tumakoot ohoo kākwia.

19Ākose āwuko ā kesikak ā ootakoosik nistum ā kesikak āwuko ā ispuyik, ispe iskwa̔tāma ā ke̔ kipāhikatākee itta kiskino̔humowakunuk ā ke̔ mawutchehitootchik weya ā koostatchik Jewa, pā itoo̔tāo Jesus mena nepowew tātawitch, ākose omisse itāo, Pāu̔tukāyimoowin ke ga we̔ ayanawaw. 20Mena ispe ākose ka̔ itwāt, wapu̔teyāo oo’ chee̔cheeä mena oo’ spikuy. Ākose kiskino̔humowakunuk muma̔takoosewuk, ispe weäpumātchik ka Tipāye̔chekāyit. 21Ākose mena Jesus omisse itāo, Pāu̔tukāyimoowin ke ga we̔ ayanawaw: tapiskooch n’ O̔tawe ka ke̔ isse isitissa̔hoot, ākose neesta ā isse isitissa̔hootukook. 22Ākose ispe oma ka̔ itwāt, yā̔yātotowāo, ākose omisse itāo, O̔tinee̔k ka Kunatissit A̔cha̔k. 23Piko oweyuk oo muche̔tewina kā usānumwāk, usānumakoowisewuk; mena piko oweyuk oo muche̔tewina kā kipinumāk, kipinikatāyewa.

24Maka Thomas, pāuk unekee metatu̔t nesoosap ka i̔tusseyit, Didymus ā isseni̔kasoot, numoweya ke̔ wechāwāoispe Jesusa tākoosineyit. 25Kotukuk kiskino̔humowakunuk maka omisse itāwuk, Ne ke̔ wapumanan ka Tipāye̔chekāt. Maka omisse itāo, Patima wapu̔tumwuke oo’ chee̔chee̔k ayāsee̔tineyikee cheestahaskwana, mena ustayane ne’ chee̔chee pee̔che itta ā ayāsee̔tineyikee cheestahaskwana, mena kootawinumane ne’ chee̔chee oo’ spika̔k, numoweya ne ga tapwā̔tān.

26Ākose ka̔ poone ayānanāo kesikak oo kiskino̔humowakuna mena pee̔che ayayewa, mena Thomas ā wechāwat: ākose pā itoo̔tāo Jesus, iskwa̔tāma ā kipa̔hikatāyikee, ākose nepowew tātawitch, mena omisse itwāo, Pāu̔tukāyimoowin ke ga we̔ ayanawaw. 27Ākose omisse itāo Thomasa, Ota issechee̔chāye, mena wapu̔ta ne’ chee̔cheeä; mena ota issechee̔chāye, mena kootawina n’ ispika̔k: mena ākaweya anwā̔ta, maka tapwā̔ta. 28Ākose Thomas nuskwāwusehāo mena omisse itāo, Ne Tiyāye̔chekām mena ne Munetoom. 29Jesus omisse itāo, Thomas, chikāma ā ke̔ wapumeyun, ke ke̔ tapwā̔tān: sowāye̔takoosewuk unekee āka ka ke̔ wapu̔tu̔kik, maka āyewā̔k ka tapwā̔tu̔kik.

30Mena me̔chāt kotuka kiska̔hikuna kā̔chenach ke̔ totum Jesus ā wapumikoot oo kiskino̔humowakuna, āka ā mussina̔hikatākee ota mussina̔hikuni̔k: 31Maka ohoo mussina̔hikatāwa, kitta ke̔ tapwā̔tumāk Jesus ā Christewit, oo’ Koosisa Muneto; mena ā tapwā̔tumāk o̔che kitta ke̔ ayayāk pimatissewin oo we̔yoowin o̔che.

Currently Selected:

OO MEYO ACHIMOOWIN ST JOHN 20: CSW

Highlight

Copy