OO MEYO ACHIMOOWIN ST JOHN 15

PISKE̔TUSSINA̔HIKUN XV.

1Neya tapwā meenisa̔tik, n’ O̔tawe maka kistekāwe eyinewew. 2Tu̔to wuti̔kwun ka sukumooskakooyan āka ka ne̔taweke̔tamuku̔k meenisa otinum: mena tu̔to wuti̔kwun ka ne̔taweke̔tamuku̔k meenisa, wawāse̔taw, owusimā kitta ke̔ ne̔taweke̔tamukuneyik meenisa. 3Ākwa maka ke pā̔kissinawaw unima ayumewin o̔che ka ke̔ we̔tumatukook. 4Sukumooskowik neya, ākose neesta ke ga sukumooskatinawaw. Tapiskooch wuti̔kwun āka nisi̔kā ka ke̔ ne̔taweke̔tamuku̔k meenisa, patima sākumooke meenisa̔tikoo̔k; keyawaw mena numoweya ke ga ke̔ kuske̔tanawaw, patima sukumooskoweyāko. 5Neya meenisa̔tik, keyawaw ke wuti̔kwunewinawaw: Una ka sukumooskowit, mena neya ka sukumooskowuk, āwuko ne̔taweke̔taw me̔chāt meenisa: chikāma keespin āka neya o̔che numoweya kākwi ke ga ke̔ kuske̔tanawaw. 6Keespin āka oweyuk sukumooskowitche, wāpinaw tapiskooch wuti̔kwun, ākose nippoowissew; ākose ayiseyinewuk moosu̔kināwuk, mena mutchoostāwāpināwuk, ākose iskwasoowuk. 7Keespin wechāweyāko, mena net ayumewina wechāwikooyākwawe, ke ga nutotānawaw piko ā isse itāye̔tumāk, ākose ke ga totumakowinawaw. 8Ākota oma wā̔che kistukimee̔t n’ O̔tawe, keespin ne̔taweke̔tayāko mistahā kistekan; ākose kā ookiskino̔humowakunimimitukook. 9O̔tawemaw ka ke̔ isse sakehit, ākose ka̔ isse sakehitukook: ayak ne sakehewāwini̔k. 10Keespin ke kunowāye̔tānawaw n’ ooyussoowāwina, ke ga ayanawaw ne sakehewāwini̔k; moyam ka ke̔ isse kunowāye̔tuman n’ O̔tawe oo’yussoowāwina, mena ka ke̔ isse ayawuk oo sakehewāwini̔k. 11Ohoo kākwia ke ke̔ we̔tumatinawaw, ne muma̔takoosewin kitta ke̔ kunooskakooyāk, mena ke mama̔takoosewinewaw kitta ke̔ sakuskināk.

12Āwuko oma n’ooyussoowāwin, Kitta sakehitooyāk, tapiskooch ka ke̔ isse sakehitukook. 13Numoweya owusimā sakehewāwin oweyuk kitta ke̔ ayaw ispee̔ch oma, napāo kitta pukitinu̔k oo pimatissewin oo’ totāma o̔che. 14Ket oototāmimitinawaw, keespin ket i̔totānawaw piko isse itussoowatitukook. 15Unoo̔ch o̔che numoweya utooskāyakunuk k’ ititinawaw; chikāma numoweya utooskāyakun kiskāye̔tum kākwan oot ookemama teyotumeyit: maka ne’ totāmuk ke ke̔ ititinawaw; chikāma ka̔keyow kākwia ka ke̔ pā̔tuman n’ O̔tawe o̔che ke ke̔ kiskāye̔tumohitinawaw. 16Numoweya keyawaw ke ke̔ nowusooninawaw, maka neya ke ke̔ nowusoonitinawaw, mena ke ke̔ ooyukimitinawaw, kitta ke̔ nutowe ne̔taweke̔tayāk kistekan, mena ke kistekanimewaw kitta ke̔ e̔tukwu̔k: piko kākwi kā nutootumowayāk O̔tawemaw ne we̔yoowini̔k isse, kitta ke̔ meeyikooyāk. 17Ohoo kākwia ket itussoowatitinawaw, kitta sakehitooyāk.

18Keespin uske pukwatikooyāko, ke kiskāye̔tānawaw ā ke̔ pukwatikooyan ā moyā pukwatikooyāk keyawaw. 19Keespin uskee̔k o̔cheeyāk, uske kitta sake̔tamukunopun oot ayan: maka chikāma numoweya uskee̔k k’ o̔cheenawaw, maka ke ke̔ nowusoonitinawaw uskee̔k o̔che, āwuk’ o̔che uske ke pukwatikoonawaw. 20Kunookiskissik unima ayumewin ka ke̔ ititukook, Utooskāyakun numoweya owusimā itāye̔takoosew ispee̔ch oo’ kemama. Keespin neya ne ke̔ ayimehikwuk, keyawaw ussitche ke ga ayimehikoowawuk; keespin ka̔ kunowāye̔tumoowakwā net itwāwin, ket itwāwinewaw ussitche kitta kunowāye̔tumwuk. 21Maka ka̔keyow ohoo kākwia ke ga totakoowawuk ne we̔yoowineyew o̔che. Chikāma numoweya kiskāyimāwuk unehee ka ke̔ pā isitissa̔hooyit. 22Keespin āka ke̔ pā ayumehukik, numoweya oo ga ke̔ aya̔tawaw muche̔tewin: maka ākwa numoweya ayawuk ukwuna̔hikun oo muche̔tewinewaw o̔che. 23Una ka pukwasit pukwatāo n’ O̔taweya ussitche. 24Keespin āka ke̔ totuman keyekow weyawaw unehee utooskāwina āka petoos oweyuk ā ke̔ totu̔k, numoweya oo ga ke̔ aya̔tawaw muche̔tewin: maka ākwa ke̔ wapu̔tumawuk mena neya ne pukwatikwuk ussitche n’ O̔taweya. 25Maka oma e̔kin, unima ayumewin ka mussina̔hikatāk oo’yussoowāwinewa̔k kitta ke̔ tipepuyik, Ne ke̔ pukwatikwuk numma kākwan o̔che.

26Maka ispe Ookakeechehewāo tukoosee̔ke, kā pā isitissa̔humatukook O̔tawemaw o̔che, tapwāwe A̔cha̔k ote, ka o̔cheet O̔tawemawi̔k o̔che, āwuko kā achimit: 27Mena keyawaw ussitche ke ga achimoonawaw, chikāma ke ke̔ wechāwinawaw mitchimach o̔che.

Currently Selected:

OO MEYO ACHIMOOWIN ST JOHN 15: CSW

Highlight

Copy