Popular Bible Verses from OO MEYO ACHIMOOWIN ST JOHN 15

Share

Neya meenisa̔tik, keyawaw ke wuti̔kwunewinawaw: Una ka sukumooskowit, mena neya ka sukumooskowuk, āwuko ne̔taweke̔taw me̔chāt meenisa: chikāma keespin āka neya o̔che numoweya kākwi ke ga ke̔ kuske̔tanawaw.

Sukumooskowik neya, ākose neesta ke ga sukumooskatinawaw. Tapiskooch wuti̔kwun āka nisi̔kā ka ke̔ ne̔taweke̔tamuku̔k meenisa, patima sākumooke meenisa̔tikoo̔k; keyawaw mena numoweya ke ga ke̔ kuske̔tanawaw, patima sukumooskoweyāko.

Keespin wechāweyāko, mena net ayumewina wechāwikooyākwawe, ke ga nutotānawaw piko ā isse itāye̔tumāk, ākose ke ga totumakowinawaw.

Numoweya keyawaw ke ke̔ nowusooninawaw, maka neya ke ke̔ nowusoonitinawaw, mena ke ke̔ ooyukimitinawaw, kitta ke̔ nutowe ne̔taweke̔tayāk kistekan, mena ke kistekanimewaw kitta ke̔ e̔tukwu̔k: piko kākwi kā nutootumowayāk O̔tawemaw ne we̔yoowini̔k isse, kitta ke̔ meeyikooyāk.

Numoweya owusimā sakehewāwin oweyuk kitta ke̔ ayaw ispee̔ch oma, napāo kitta pukitinu̔k oo pimatissewin oo’ totāma o̔che.

Tu̔to wuti̔kwun ka sukumooskakooyan āka ka ne̔taweke̔tamuku̔k meenisa otinum: mena tu̔to wuti̔kwun ka ne̔taweke̔tamuku̔k meenisa, wawāse̔taw, owusimā kitta ke̔ ne̔taweke̔tamukuneyik meenisa.

Āwuko oma n’ooyussoowāwin, Kitta sakehitooyāk, tapiskooch ka ke̔ isse sakehitukook.

Ākota oma wā̔che kistukimee̔t n’ O̔tawe, keespin ne̔taweke̔tayāko mistahā kistekan; ākose kā ookiskino̔humowakunimimitukook.

Neya tapwā meenisa̔tik, n’ O̔tawe maka kistekāwe eyinewew.

Keespin āka oweyuk sukumooskowitche, wāpinaw tapiskooch wuti̔kwun, ākose nippoowissew; ākose ayiseyinewuk moosu̔kināwuk, mena mutchoostāwāpināwuk, ākose iskwasoowuk.

Ohoo kākwia ke ke̔ we̔tumatinawaw, ne muma̔takoosewin kitta ke̔ kunooskakooyāk, mena ke mama̔takoosewinewaw kitta ke̔ sakuskināk.

Keespin ke kunowāye̔tānawaw n’ ooyussoowāwina, ke ga ayanawaw ne sakehewāwini̔k; moyam ka ke̔ isse kunowāye̔tuman n’ O̔tawe oo’yussoowāwina, mena ka ke̔ isse ayawuk oo sakehewāwini̔k.

Ohoo kākwia ket itussoowatitinawaw, kitta sakehitooyāk.

Keespin uskee̔k o̔cheeyāk, uske kitta sake̔tamukunopun oot ayan: maka chikāma numoweya uskee̔k k’ o̔cheenawaw, maka ke ke̔ nowusoonitinawaw uskee̔k o̔che, āwuk’ o̔che uske ke pukwatikoonawaw.