Popular Bible Verses from OO MEYO ACHIMOOWIN ST JOHN 16

Share

Ohoo kākwia ke ke̔ we̔tumatinawaw, kitta ke̔ ayayāk pāu̔tukāyimoowin neya o̔che. Ota uskee̔k ke ga mikooskache ayanawaw: maka muma̔takoosik; ne ke̔ sakooche̔tan uske.

Āyewā̔k maka ispe weya, A̔cha̔k ka tapwāwinewit, tukoosee̔ke, ke ga kiskinoo̔tahikoowaw ka̔keyow tapwāwini̔k isse: chikāma numoweya weya ka̔chewak kitta peekiskwāo; maka piko kākwi kā pā̔tu̔k, āwuko kā atotu̔k: mena ke ga wapu̔teyikoowaw kākwia kā ooche̔chepuyeyikee.

Unoo̔ch isko numoweya kākwi ke ke̔ nutootānawaw ne we̔yoowini̔k isse; nutootumak, ākose ke ga o̔tinānawaw, ke muma̔takoosewinewaw kitta ke̔ sakuskināk.

Āyewā̔k maka ke we̔tumatinawaw tapwāwin; Na̔hepuyew keyawaw o̔che kitta sipwā̔tāyan: chikāma keespin āka sipwā̔tāyane, Ookakeechehewāo numoweya ke ga pā otee̔tikoowaw; maka keespin sipwā̔tāyane, ke ga pā isitissa̔humatinawaw. Mena ispe tukoosee̔ke, kitta sakooche̔taw uske muche̔tewin o̔che, mena kwiusk itatissewin o̔che, mena ooyussoowāwin o̔che

Ākwa maka unoo̔ch ket ayanawaw kukwatukāyimoowin: maka ke ga wapumitinawaw mena, ākose ke’ tā̔ewaw kitta muma̔takoosemukun, mena ke muma̔takoosewinewaw numoweya oweyuk ke ga muskumikoowaw. Mena āwuko kesikake numoweya kākwi ke ga nutotumowinawaw. Tapwā, tapwā, k’ ititinawaw, Piko kākwi kā nutootumowayāk O̔tawemaw ne we̔yoowini̔k isse, ke ga meeyikoowaw.

Tapwā, tapwā, k’ ititinawaw, Keyawaw ke ga matoonawaw mena numma ke ga na̔āye̔tānawaw, maka uske kitta muma̔takoosemukun; mena keyawaw ke ga kukwatukayimoonawaw, maka ke kukwatukāyimoowinewaw kitta kwāskinikatāo muma̔takoosewini̔k isse.