မၢတ်ႈထႄႇ ၵႂၢမ်းၼမ်း
ၵႂၢမ်းၼမ်း
ၶရိၸ်ႈဝၢင်ႇၸဝ်ႈမၢတ်ႈထႄႇလၢတ်ႈလွင်ႈတြႃးၸဝ်ႈယေႇသူႉၼႆႉ ၵေႃႉတႅမ်ႈမၼ်းၸိုဝ်ႈမၢတ်ႈထႄႇပဵၼ်လုၵ်ႈၸၢႆးဢႃႇလၽႄးလႄႈ ယင်းပဵၼ်တပႄးၸဝ်ႈယေႇသူႉၵေႃႉၼိုင်ႈၵႃႈၼႂ်းသိပ်းသွင်ၵေႃႉၼၼ်ႉဢေႃႈ။ မၼ်းမီးၸိုဝ်ႈထႅင်ႈဢၼ်ၼိုင်ႈႁွင်ႉဝႃႈ၊လေႇဝီႉၼၼ်ႉဢေႃႈ။ မၼ်းတႅမ်ႈၶၢဝ်ႇတြႃးသိူဝ်းပျေႃႇၼႆႉ မိူဝ်ႈပီႊၸဝ်ႈၶရိၸ်ႈ၊ 70 (A.D. 70) ၼၼ်ႉဢေႃႈ။ ၶၢဝ်ႇတြႃးသိူဝ်းပျေႃႇၼႆႉ လၢတ်ႈလွင်ႈၸဝ်ႈၶရိၸ်ႈပဵၼ်ၸဝ်ႈၵႄႇၶျွတ်ႈဢေႃႈ။ ၽြႃးပဵၼ်ၸဝ်ႈမီးၵတီႉဝႆႉဝႃႈ၊ မၼ်းၸဝ်ႈတေပွႆႇၸႂ်ႉၸဝ်ႈၵႄႇၶျွတ်ႈမႃးၵႃႈၼႂ်းလေႃးၵႃႉၼႆႉ ၼင်ႇႁိုဝ်ၵႂၢမ်းတြႃးၵျၢမ်းၵဝ်ႇတၵ်းပျေႉၸုမ်ႇၸိုင်၊ မၼ်းၸဝ်ႈပွႆႇၸႂ်ႉၸဝ်ႈယေႇသူႉမႃးယဝ်ႉ။ ပိူဝ်ႈၼႆလႄႈ ၶၢဝ်ႇတြႃးသိူဝ်းပျေႃႇၽိုၼ်ၼႆႉ ပဵၼ်ပုၼ်ႈတႃႇၵူၼ်းမဵဝ်း ယူႉတႃႉၶဝ်ၵူၺ်းဢမ်ႇၸႂ်ႈ။ ပဵၼ်ပုၼ်ႈတႃႇၵူၼ်းမိူင်းလေႃးၵႃႉတင်းသဵင်ႈတင်းမူတ်းဢေႃႈ။
တမၢၼ်ႇၸဝ်ႈမၢတ်ႈထႄႇတႅမ်ႈမၢႆပိုၼ်းၸဝ်ႈယေႇသူႉဝႆႉတႄႇၸႃႉဢဝ်လွင်ႈၸဝ်ႈယေႇသူႉၵိူတ်ႇလဵင်ႉမႃး၊ လွင်ႈမၼ်းၸဝ်ႈၶၢမ်ႇမင်ႇၵလႃႇပပ်ႉတီႉၸမ်ႇ၊ လွင်ႈတၢင်းဢၼ်လႆႈၶၢမ်ႇၸၢမ်းတူၺ်းယႃႉယူၵ်ႉၸိူဝ်းၼၼ်ႉဢေႃႈ။ သမ်ႉသိုပ်ႇလၢတ်ႈလွင်ႈတြႃးဢၼ်မၼ်းၸဝ်ႈသင်ႇသွၼ်ပၼ်ၸိူဝ်းၼၼ်ႉဢေႃႈ။ တြႃးၸဝ်ႈဢၼ်ႁေႃးလၢတ်ႈတီႈၼိူဝ်လွႆ (ၼႂ်းတွၼ်ႈ 5-7) ၼၼ်ႉ သွၼ်ပၼ်လွင်ႈတၢင်းၵမ်တၢင်းၵျၢင်ႉၶရိၸ်ႈယၢၼ်ႇဢေႃႈ။ မၼ်းၸဝ်ႈသမ်ႉသွၼ်ပၼ်တမၢၼ်ႇၸဝ်ႈသိပ်းသွင်ပႃး (ၼႂ်းတွၼ်ႈ 10) ၼၼ်ႉ တၵ်းတေလႆႈပွင်ၼႃႈၵၢၼ်သႃႇသၼႃႇၸိူဝ်ႉၼင်ႇႁိုဝ်ၼၼ်ႉဢေႃႈ။ မၼ်းၸဝ်ႈဢဝ်ၵႂၢမ်းဢူႉပမႃႇသွၼ်ပၼ်လွင်ႈမိူင်းၵၢင်ႁၢဝ် (ၼႂ်းတွၼ်ႈ 13) ဢေႃႈ။ တြႃးဢၼ်သွၼ်ပၼ်ႁႂ်ႈပဵၼ်တပႄးၸဝ်ႈၸႅတ်ႈၸႅတ်ႈ (ၼႂ်းတွၼ်ႈ 18) ၼၼ်ႉဢေႃႈ။ လိုၼ်းသုတ်း (ၼႂ်းတွၼ်ႈ 23-25) မၼ်းၸဝ်ႈသွၼ်ပၼ်လွင်ႈတီႈသုတ်းတီႈၵွႆၸၢတ်ႈၼႆႉ၊ ဢိၵ်ႇတင်းလွင်ႈမိူင်းၵၢင်ႁၢဝ်ၸၢတ်ႈၼႃႈၸိူဝ်းၼၼ်ႉဢေႃႈ။
ၶၢဝ်ႇတြႃးသိူဝ်းပျေႃႇၼႆႉ လၢတ်ႈၼႄလွင်ႈၸဝ်ႈယေႇသူႉပဵၼ်ၸဝ်ႈဢၼ်ယႂ်ႇမျၢတ်ႈၼႃႇၼၼ်ႉဢေႃႈ။ ၽိုၼ်လိၵ်ႈတြႃးၼႆႉၸိုင်၊ ၸိူဝ်းၸဝ်ႈၼမ်ၼႃႇဢွၼ်ၵၼ်ၽတ်းဢၢၼ်ႇႁေႃးလၢတ်ႈၵႃႈၼႂ်းၵျွင်းပိၵ်ႈမၢၼ်ႇၸဝ်ႈၼမ်ၼႃႇဢေႃႈ။ ပိူဝ်ႈၼႆၸင်ႇ ဢၼ်ၽိုၼ်လိၵ်ႈတြႃးၼႆႉလႆႈၶၢမ်ႇၸတ်းဝၢင်းဝႆႉဢွၼ်တၢင်းပိူၼ်ႈၵႃႈၼႂ်းၵျၢမ်းမႂ်ႇဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈၸိူဝ်ႉၶိူဝ်းၸဝ်ႈယေႇသူႉဢိၵ်ႇတင်းတၢင်းဢၼ်ၵိူတ်ႇလဵင်ႉမႃး1:1-2:2
လွင်ႈၵၢၼ်တၢင်းႁဵတ်းတမၢၼ်ႇၸဝ်ႈယူဝ်းႁၢၼ်ႇဢၼ်ပၼ်ပပ်ႉတီႉၸမ်ႇ3:1-12
လွင်ႈပပ်ႉတီႉၸမ်ႇတင်းတၢင်းဢၼ်ၸၢမ်းတူၺ်းဢၼ်ၸဝ်ႈယေႇသူႉလႆႈၶၢမ်ႇ3:13-4:11
လွင်ႈၵၢၼ်တၢင်းႁဵတ်းၸဝ်ႈယေႇသူႉၵႃႈၼႂ်းမိူင်းၵႃႇလီႉလႄး4:12-18:35
လုၵ်ႉသေမိူင်းၵႃႇလီႉလႄးၵႂႃႇၸူးဝဵင်းယေႇရူႉသလႅမ်ႇ19:1-20:34
လွင်ႈၸူဝ်ႈၶၢဝ်းဝၼ်းလိုၼ်းသုတ်းၸဝ်ႈၼႂ်းဝဵင်းယေႇရူႉသလႅမ်ႇ21:1-27:66
လွင်ႈလုၵ်ႉၶိုၼ်းလိပ်းတင်းလွင်ႈမၼ်းၸဝ်ႈၼႄတူဝ် 28:1-20
Currently Selected:
မၢတ်ႈထႄႇ ၵႂၢမ်းၼမ်း: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship