FAARSO 34
34
ABEMELEEKI ALBAANNI MACHARAARINOHU GEDE IKKE FULE HA'RI YANNARA DAAWITI FAARSO
KAALIIQI ASSINO KAA'LORA QOLLOONNI GALATA
1Kaaliiqa wo'manka woyite galateemmosi;
galatisino wo'manka woyite afii'yanni dibaxxanno.
2Loosisi daafira Kaaliiqa wo'mu wodani'yanni galaxxeemmo;
gadadaammuno tenne macciishshite hagiidhito.
3Amme, ane ledo Kaaliiqi lowimma kulle;
mittimmatenni su'masi ayirrinso.
4Kaaliiqa huucci'rummo, isino dawarie;
waajjishannori baalunkunnino gatisie.
5Isiwa shiqqannorira albinsa xawanno;
horonta di"irraabbanno.
6Ani qarraataamu Kaaliiqiwa hige raarummo;
isino macciishshie, qarri'ya baalunkunni gatisie.
7Kaaliiqi sokkaasinchi Kaaliiqa waajjitannori ledo hee're agarannonsa;
bushu coyi baalunkunnino gatisannonsa.
8Kaaliiqi shaqqado ikkinota shiqqine la'e;
iso golosi assi'rino manchi ba'raa'rinoho.
9Waajjitannosiri mittoreno dihooggannona,
mannisi baalu Kaaliiqa waajje!
10Doobbiyu nafa sagale hooge hudi'rara dandaannona,
Kaaliiqa hasidhannori kayinni danchare dihoogganno.
11Ooso'ya amme macciishshe"e!
Kaaliiqa waajja rosiiseemmo'nena.
12Heeshsho baxannohunna,
dancha seeda diro halchannohu,
13arrawosi bunshetenni,
suumesi dogatenni eemadho.
14Bunshetewiinni xooqi; danchumma assi;
keere hasi'ri; hoodesino ha'ri.
15Kaaliiqi ille keeraano towattanno;
maccasino raarensa macciishshitanno.
16Baattote aaninni tajensa hunara yee,
Kaaliiqi bunshe assitannore giwanno.
17Keeraano raartu; Kaaliiqino macciishshinsa;
qarrinsa baalunkunnino gatisinsa.
18Kaaliiqi dadillunni hiiqqantinorira mule noonsa;
hexxo hoogginore gatisannonsa.
19Keeraanchu manchi qarri batinyeho;
Kaaliiqi kayinni kunni baalunkunni gatisannosi.
20Kaaliiqi miqqasi baala agaranno;
miqqasi giddonni mittu nafa dihiiqqamanno.
21Bushuulle bunshensa shitannonsa;
keeraano gibbannorino ba'anno.
22Soqqamaanosi lubbo Kaaliiqi wodanno;
isiwa eeggo eannohu mittu nafa diba"anno.
Currently Selected:
FAARSO 34: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
