Macaafa Weedduu Weedduu Caalu 1
1
1Kun weedduu Solomoon isa weedduu hundumaa irra caaluu dha*.
Isheen durbaa,
2<<Jaalalli kee daadhii waynii irra
waan caaluuf,
afaan koo keessa na dhungadhu*!
3Fooliin urgooftuu dibataa kee
namatti tola,
maqaan kee dha'amuunis
akka urgooftuu dhangala'ee ti,
kanaafuu durboonni si jaallatu*;
4na fudhadhuu sokki! Dafnee in fiigna!
Gara diinqa keetti na geessi yaa mootii!
Nuyi durboonni sitti in gammanna,
in ililchinas;
jaalala kees daadhii waynii caalaa in jajanna;
durboonni hundinuu
dhuguma si jaallatu*.#1 1Mot 4:32 2 1:4; 4:10 3 1:12 4 1:2
5<<Ani gurraattii yoon ta'e iyyuu miidhagduu dha;
yaa intaloota Yerusaalem,
yaa warra akka godoo Qedaar,
yaa warra akka golgaa Solomoonis!
6Ani gurraattii waanan ta'eef,
aduun waan na gurraachesseefis
ija anatti hin baasinaa!
Obboloonni koo anatti dheekkamanii,
iddoo dhaabaa waynii isaanii na eegsifatan;
iddoo dhaabaa waynii kootii garuu
ani hin eegganne.
7Yaa isa garaan koo jaallatuu!
Bushaayee kee eessa tikfatta>>
Waareettis eessa boqochiifta>>
Ani maaliifan karra bushaayee firoota kee bira
asii fi achi joora?>> jette.
Dargaggeessichi,
8<<Yaa ishee durboota hundumaa irra miidhagduu!
Ati ofii keetii hin beektu yoo ta'e,
bushaayee faana dha'ii adeemi!
Ilmoolee kees
godoo warra tiksootaa bira dheechifadhu!
9Yaa hiriyee ko, ati akka farda
ishee konkolaataa Fara'oon harkiftuu ti;
10maddiin kee amartii gurraattiidhaan,
mormi kees dirata warqeetiin in miidhagfame;
11dirata warqee siif in tolchina,
guroo meetiis itti in rarraafna>> jedhe.
Isheen durbaa,
12<<Yeroo mootiin maaddiitti taa'u,
urgooftuun naardos
ana irraa isatti in urgaa'a*;
13jaalalleen koo akka qodaa qumbii ti,
inni harma koo gidduu in boqota;
14jaalalleen koo anaaf akka daraaraa urgaa'uu ti,
akka iddoo dhaabaa waynii
mandara En-Gedii keessaa tis>> jette.#12 1:3
Dargaggeessichi,
15<<Yaa hiriyee koo, kunoo
ati miidhagduu dha,
ati baay'ee miidhagduu dha!
Iji kees akka ija gugee kuullee dha>> jedhe.
Isheen durbaa,
16<<Yaa michuu ko,
atis baay'ee miidhagaa dha!
Ati dhuguma nama in mararta,
margi lalisaanis iddoo ciisicha keenyaa ti.
17Utubaan mana keenyaa muka gaattiraa ti,
qinaaxxiin isaas muka ejersaa ti>> in jetti.
Currently Selected:
Macaafa Weedduu Weedduu Caalu 1: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
