WANGEELA MAATEWOS 5
5
Waa'ee Warra Gammadanii
(Luq 6:20-23)
1Yesus namoota baay'ee sana argee gaaratti ol ba'e; erga inni taa'ees bartoonni isaa gara isaatti walitti qabaman. 2Inni barsiisuma kanaan afaan isaa saaqqate;
3?Karaa hafuuraatti hiyyeessota warri ta'an haa gammadan,
mootummaan waaqaa kan isaanii ti*.
4Warri garaan isaanii gadde haa gammadan,
isaan jajjabina in argatu*.
5Warri garraamiin haa gammadan,
isaan biyya isa abdachiifame in argatu*.
6Warri waan qajeelaa akka midhaanii beela'anii,
akka bishaanii dheebotan haa gammadan,
isaan geessifachuuf jiru*.
7Warri namaaf oo'an haa gammadan,
isaan oo'a in argatu*.
8Warri yaadni garaa isaanii qullaa'oo haa gammadan,
isaan Waaqayyoon in argu*;
9Warri nagaa buusan haa gammadan,
isaan ijoollee Waaqayyoo in jedhamu*.
10Warri qajeelummaadhaaf jedhanii ari'ataman haa gammadan,
mootummaan waaqaa kan isaanii ti*.#3 Isa 57:15 4 Isa 61:2 5 Far 37:11 6 Isa 55:1-2 7 25:35-46; Yaq 2:13 8 Far 24:3-4 9 Ibr 12:14 10 1Phe 3:14
11?Anaaf jedhanii namoonni yommuu isin arrabsan, yommuu isin ari'atan, (sobaan) waan hundumaa yommuu isin irratti dudubbatanis gammadaa*! 12Isaan raajota warra isin duraa akkasuma ari'achaa turan; egaa yeroo hundumaa gammadaa ililchaa waaqa irratti gatiin keessan guddaa in ta'a? isaaniin jedhe*.#11 1Phe 4:14 12 2Sen 36:16; HoE 7:52; Ibr 11:32-38
Isin Soogidda, Ifas Jechuu Isaa
(Mar 9:50; Luq 14:34-35)
13Yesus itti fufee, ?Isin soogidda lafaa ti, soogiddi garuu miyaa yoo of keessaa dhabe maaliin deebi'ee miyeeffama ree? Gad baafamee gatamee namni irra ejjetee balleessa malee, homaa tokkoofuu waa'ee hin baasu. 14Isin ifa biyya lafaa ti, mandarri tulluu gubbaatti ijaarame dhokachuu hin danda'u*. 15Homtinuu ibsaa qabsiisee guuboo jala hin kaa'u, baattuu ibsaa irra kaa'a malee; ibsichis mana keessa kan jiran hundumaaf in ibsa*. 16Namoonni hojii keessan isa gaarii arganii, abbaa keessan isa waaqa irraaf ulfina akka kennaniif ifni keessan akkuma kanaatti namoota duratti haa ifu!? jedheen*.#14 Yoh 8:12; 9:5; Filp 2:5 15 Mar 4:21; Luq 8:16; 11:33 16 Efe 5:8-9; 1Phe 2:12
Waa'ee Seera Isa Karaa Musee Kennamee Barsiisuu Isaa
17Yesus, ?Seeraa fi barsiisa raajotaa diiguudhaaf waanan dhufe hin se'inaa, ani isaan raawwachuudhaafan dhufe malee, diiguudhaaf hin dhufne*. 18Ani dhuguman isinitti hima, hamma waaqnii fi lafti badanitti seericha keessaa fidalli xinnaan tokko yookiis gar tokkoon fidalaa utuu fiixaan hin ba'in hin badu*. 19Kanaafis namni abboommota hundumaa irra xinnaatan keessaa tokko diigee, diigamuu isaas namoota barsiisu, mootummaa waaqaa keessatti isa hundumaa irra xinnaatu in jedhama; namni abboommota kana eegee barsiisu garuu mootummaa waaqaa keessatti guddaa in jedhama*. 20Ani isinittan hima, qajeelummaan keessan qajeelummaa warra barsiisota seeraatii fi Fariisotaa irra guddaa yoo caaluu dhabaate, mootummaa waaqaatti gonkumaa hin galtan? isaaniin jedhe.#17 3:15; Rom 3:31 18 Luq 16:17 19 Yaq 2:10
Waa'ee Dheekkamsaa
21Yesus itti fufee, ? ?Hin ajjeesin, namni yoo nama ajjeese abboota firdii duratti itti in faradama? jedhamee warra duriitti akka himame dhageessaniittu*. 22Ani garuu isinittan hima, eenyu illee obboleessa isaatti yoo dheekkame abboota firdii duratti itti in faradama; obboleessa isaatiin ?Doofaa? yoo jedhe yaa'ii biyya seerratu duratti itti in faradama; obboleessa isaatiin ?Raatuu? yoo jedhe ibidda qililleetti itti in faradama*.#21 Bau 20:13; Kes 5:17; 24:17 22 1Yoh 3:15
23?Kennaa aarsaa dhi'eessuudhaaf iddoo aarsaatti yoo fidde, iddoodhuma sanattis akka obboleessa kee waa yakkitee yaada isaa miite sitti in yaadatama ta'a*. 24Kennaa aarsaa kee achuma iddoo aarsaa duratti dhiisiitii dhaqi obboleessa keetti dura araarami; kana booddee deebi'ii kennaa aarsaa kee dhi'eessi!#23 Mar 11:25
25?Nama waan ittiin si hadheessu qabuu wajjin gara yaa'iitti utuu adeemtuu dafii isa firoomfadhu; kanaa achi inni si hadheessu sun abbaa firdiitti si kennata, abbaan firdii immoo eegduu mana hidhaatti si kenna, mana hidhaattis in galfamta*. 26Egaa gatii si irra jiru hundumaa#Mat 5:26 Gatii si irra jiru hundumaa yookiis ?Saantiima tokkitti illee.? of irraa hamma badduu baaftutti, matumaa mana hidhaa sana keessaa akka ati hin baane dhuguman sitti hima? jedhe.#25 18:35; Luq 12:58-59
Waa'ee Ejjaa
(Mar 9:43-47)
27Yesus, ? ?Hin ejjin? jedhamee akka himame dhageessaniittu*. 28Ani garuu isinittan hima, namni ija hawwaatiin dubartii ilaale garaa isaatti isheetti ejjeera*. 29Iji kee mirgaa cubbuu yoo si hojjechiise, isa of keessaa baasii gati; guutummaan dhagna keetii qililleetti darbatamuu mannaa, bu'aa dhagna keetii keessaa tokko dhabuu siif wayya*. 30Harki kee mirgaa cubbuu yoo si hojjechiise, isa of irraa murii gati; guutummaan dhagna keetii qilillee dhaquu mannaa, bu'aa dhagna keetii keessaa tokko dhabuu siif wayya? jedhe*.#27 Bau 20:14; Kes 5:18 28 2Sam 11:2; Iyo 31:1 29 18:9; Mar 9:47 30 18:8; Mar 9:43
Waa'ee Wal Hiikuu Haadha Manaa Fi Abbaa Manaa
(Mat 19:9; Mar 10:11-12; Luq 16:18)
31Yesus itti fufee, ? ?Namni haadha manaa isaa baasu caaffata ittiin ishee baasu haa kennuuf? jedhamee himameera*. 32Ani garuu isinittan hima, yoo isheen ejjite malee namni haadha manaa isaa baasu, akka isheen ejjituu in godha; namni dubartii gad dhiifamte fuudhus in ejja? jedhe*.#31 19:7; Mar 10:4; Kes 24:1-4 32 19:9; Mar 10:11-12; Luq 16:18; 1Qor 7:10-11
Waa'ee Kakaa
33Yesus, ? ?Sobaan hin kakatin, waan gooftaadhaaf kakatte immoo fiixaan baasi!? jedhamee abbootatti akka himames immoo dhageessaniittu*. 34Ani garuu isinittan hima, raawwattanii hin kakatinaa! Waaqaan hin kakatinaa, innoo teessoo Waaqayyoo ti*. 35Lafaanis hin kakatinaa, innoo ejjeta miilla isaa ti; Yerusaalemiinis hin kakatinaa, innoo mandara mooticha guddichaa ti*. 36Mataa keetiinis hin kakatin, rifeensa tokko addeessuu yookiis gurraachessuu hin dandeessu. 37Dubbii keessan keessatti eyyeen keessan eyyee haa ta'u, waawuun keessanis waawuu haa ta'u! Kana irraa kan hafe kan isa hamaa ti? jedhe*.#33 Lew 19:12; Lak 30:2; Kes 23:21 34 23:22; HoE 7:49; Yaq 5:12; Isa 66:1 35 Far 48:2 37 Yaq 5:12; 2Qor 1:17
Waa'ee Ijaa Baafannaa
(Luq 6:29-30)
38Yesus itti fufee, ? ?Qooda ijaa, iji; qooda ilkaanii ilkaan haa kennamu!? jedhamee akka himame dhageessaniittu*. 39Ani garuu isinittan hima, isa hamaadhaan hin morkatinaa! Namni maddii kee isa mirgaa yoo si kabale, isa gara kaaniis itti qabi*! 40Namni yaa'ii si irraa qabaatee qomee kee yoo si irraa fudhachuu barbaade, kootii kees dhiisiif*. 41Namni tokko akka kiilo metrii tokkoo isa duukaa akka dhaqxuuf yoo si giddisiise, akka kiilo metrii lamaa duukaa dhaqi! 42Isa si kadhatuuf kenni, nama waa si irraa liqeeffachuu barbaaduttis dugda hin gatin!? jedhe*.#38 Bau 21:24; Lew 24:20; Kes 19:21 39 Yoh 18:22-23 40 1Qor 6:7 42 Kes 15:7-8
Waa'ee Diinota Jaallachuu
(Luq 6:27-28,32-36)
43Yesus, ? ?Fira kee jaalladhu, diina kees jibbi!? jedhamee akka himame dhageessaniittu*. 44Ani garuu isinittan hima, diinota keessan jaalladhaa, warra isin ari'ataniifis kadhadhaa*! 45Kana yoo gootan ijoollee abbaa keessanii isa waaqa irraa in taatu; innoo aduu isaa warra hamootaa fi warra gaggaariidhaaf in baasa, bokkaa isaas warra qajeelotaa fi warra jal'ootaaf in roobsa*. 46Warra isin jaallatan duwwaa yoo jaallattan gatii maalii argattu ree? Warri sodaa Waaqayyoo hin qabne iyyuu akkanuma in godhu mitii ree? 47Obboloota keessan duwwaa o'iftanii nagaa yoo gaafatan, warra kaan caalaa maalfaa gootu? Warri saba Waaqayyoo hin ta'in iyyuu akkanuma in godhu mitii ree? 48Egaa abbaan keessan inni waaqa irraa mudaa malee akkuma ta'e, isinis warra mudaa hin qabne ta'aa!? jedhe*.#43 Lew 19:18 44 Bau 23:4-5; Luq 23:34; HoE 7:59; Rom 12:14-20 45 Efe 5:1 48 Lew 19:2; Kes 18:13
Currently Selected:
WANGEELA MAATEWOS 5: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
