WANGEELA MAATEWOS 6
6
Waa'ee Arjummaa
1Yesus, ?Namootatti mul'achuudhaaf jettanii tola keessan nama duratti akka hin goone of eeggadhaa! Kana yoo gootan garuu, abbaa keessan isa waaqa irraa biraa gatii hin argattan*.#1 23:5
2?Egaa akka warri of argisiiftuun namoota biratti galateeffamuudhaaf jedhanii, manneen sagadaa fi karaa keessatti godhan, ati yeroodhuma arjoomtu hundumaatti kana of duratti hin odeessifatin! Dhuguman isinitti hima, isaan kun gatii isaanii argataniiru. 3Ati garuu yeroo arjoomtu, waan harki kee mirgaa godhu harki kee bitaa iyyuu hin beekin*! 4Arjummaan kee dhoksaatti haa ta'u malee; abbaan kee inni dhoksaatti argu immoo gatii kee siif in kenna? jedhe.#3 Rom 12:8
Waa'ee Kadhataa
(Luq 11:2-4)
5Yesus itti fufee, ?Yeroodhuma kadhattanis akka warra of argisiisanii hin ta'inaa! Isaan namootatti mul'achuudhaaf manneen sagadaa keessaa fi wal ga'ii karaa gurguddaa irra dhaabatanii kadhachuu in jaallatu; ani dhuguman isinitti hima, isaan gatii isaanii fudhataniiru*. 6Ati garuu yeroodhuma kadhattu mana keetti ol gali, balbala cufadhu, abbaa kee isa iddoo dhoksaa sana jiru kadhadhu! Abbaan kee inni dhoksaatti argus gatii kee siif in kenna*.#5 Luq 18:10-14 6 2Mot 4:33
7?Yeroo kadhattanis akka warra saba Waaqayyoo hin ta'inii, dubbii waa'ee hin baafne keessa hin deddeebi'inaa! Baay'ina dubbii isaaniitiif waan isaaniif dhaga'amu isaanitti fakkaata*. 8Akka isaanii hin ta'inaa! Abbaan keessan, utuudhuma isin hin himatin iyyuu waan isiniif barbaachisu in beeka*.#7 1Mot 18:26 8 6:32; Luq 12:30
9?Egaa yommuu kadhattan,
?Yaa isa waaqa irra jirtu abbaa keenyaa!
Maqaan kee qulqulluu ta'ee haa eegamu;
10mootummaan kee haa dhufu,
jaalalli kee waaqa irratti akka ta'u,
akkasuma immoo lafa irratti haa ta'u*!
11Soora har'aa bor nu barbaachisu
har'a nuuf kenni!
12Akkuma nuyi warra nu yakkaniif dhiifne,
yakka keenyas nuuf dhiisi*!
13Qoramattis nu hin galchin,
hamaa nu oolchi malee;
[mootummaan, humni, ulfinnis
baruma baraan kan kee ti. Ameen*!]? jedhaa!#10 26:42 12 18:32-33 13 26:41; Yoh 17:15; 2Tas 3:3; 2Xim 4:18
14?Namootaaf irra-daddarbaa isaanii yoo dhiiftaniif, abbaan keessan inni waaqa irraa immoo isiniif in dhiisa*. 15Garuu isin namootaaf yoo dhiisuufii baattan, abbaan keessan immoo irra-daddarbaa keessan isiniif hin dhiisu? jedhe*.#14 Mar 11:25-26; Efe 4:32; Qol 3:13 15 18:35
Waa'ee Soomii
16Yesus, ?Yeroodhuma soomtanitti immoo, akka warra of argisiiftuu nyaara keessan hin guurinaa! Isaan soomuun isaanii namootatti akka mul'atutti, fuula isaanii in boosomsu; dhuguman isinitti hima, isaan gatii isaanii fudhataniiru*. 17Ati garuu yeroodhuma soomtutti, mataa kee dibadhu, fuula kees dhiqadhu! 18Soomuun kee abbaa kee isa wanta dhoksaatti hojjetamu hundumaa argutti malee, namoota duratti akka hin mul'anne godhi! Abbaan kee inni wanta dhoksaatti hojjetamu hundumaa argu immoo gatii siif in kenna? jedhe*.#16 Isa 58:5 18 6:4,6
Badhaadhummaa Waaqa Irraa
(Luq 12:33-34)
19Yesus ammoo, ?Badhaadhummaa ofii keessaniif lafa irratti iddoo bilii fi daana'oon nyaatutti, hattuunis cabsitee iddoo hattutti, walitti hin qabatinaa*! 20Garuu badhaadhummaa ofii keessaniif waaqa irratti iddoo biliin yookiis daana'oon hin nyaannetti, hattuunis cabsitee iddoo hin hannetti walitti qabadhaa*! 21Garaan kee lafa badhaadhummaan kee jirutti hidhama? jedhe.#19 Yaq 5:2-3 20 19:21; Qol 3:1-2
Ibsaa Dhagnaa
(Luq 11:34-36)
22Yesus, ?Iji ibsaa dhagnaa ti; iji kee fayyaa guutuu yoo ta'e, dhagni kee hundinuu ifaa in ta'a. 23Iji kee dhukkubsataa yoo ta'e garuu dhagni kee hundinuu dukkanaa'aa in ta'a; egaa ibsaan sitti jiru dukkana erga ta'ee, dukkanichi hammam haa guddatu ree!? jedhe*.#23 20:15; Mar 7:22
Waaqayyoo Fi Qabeenya Namaa
(Luq 12:22-31; 16:13)
24Yesus itti fufee, ?Eenyu illee gooftolii lamaaf hojjechuu hin danda'u, isa tokko jibbee isa kaan jaallachuu, isa tokkoof of kennee isa kaan tuffachuu dha malee; isinis akkasuma Waaqayyoo fi horiidhaaf hojjechuu hin dandeessan.
25?Kanaafis ani isinittan hima; waa'ee jireenya keessanitti, waan nyaattanii fi [waan dhugdaniif] yookiis dhagna keessaniif waan uffattaniif hin yaadda'inaa! Jireenyi nyaata irra, dhagnis uffata irra guddaa in caala mitii ree*? 26Simbirroota qilleensa keessa balali'an ilaalaa! Isaan hin facaasan hin haamanis gombisaattis hin galchan; garuu abbaan keessan inni waaqa irraa isaan in soora. Egaa isin immoo isaan irra guddaa hin caaltanii ree*? 27Isin keessaa namni tokko hammam yaadda'u illee, bara jireenya isaatiitti yeroo gabaabaa#Mat 6:27 Yeroo gabaabaa yookiis ?Hojjaa isaa irratti dhundhuma tokko?. dabalachuu kan danda'u jiraa ree? 28Waa'ee uffataa immoo maaliif yaaddoftu ree? Mee daraaronni bakkee attamitti akka biqilanii guddatan ilaalaa! Isaan hin soqan hin fo'anis. 29Haa ta'u iyyuu malee, Solomoon mootichi inni ulfina guddaa qaba ture illee, isaan kana keessaa hamma isa tokkoo akka hin uffatin isinittan hima*. 30Egaa Waaqayyo biqiltuu har'a bakkeetti argamee, bor ibiddatti naqamutti akkana bareechee itti uffisa erga ta'ee, isinitti guddaa caalchisee hin uffisuu ree? Isin warra amantiin itti hir'atuu dha malee.#25 Filp 4:6; 1Phe 4:7 26 10:29-31 29 1Mot 10:4-7; 2Sen 9:3-6
31?Kanaafis isin ?Maal nyaanna?? yookiis ?Maal dhugna?? yookiis ?Maal uffanna?? jettanii hin yaadda'inaa*! 32Warri saba Waaqayyoo hin ta'in yaada isaanii isaan kanatti hidhanii jiru'o; isaan kun hundinuu isiniif barbaachisoo akka ta'an garuu abbaan keessan inni waaqa irraa in beeka. 33Duraan dursitanii yaada keessan mootummaa Waaqayyoo fi qajeelummaa isaa barbaaduutti hidhaa! Kana malees kan barbaachisu hundinuu immoo isiniif in kennama*. 34Waa'ee boriifis hin yaadda'inaa, guyyaan borii ofii isaatiif iyyuu in yaadda'atao; rakkinni guyyaa sanaa duwwaan iyyuu guyyichaaf in ga'a? jedhe.#31 Rom 14:17 33 1Mot 3:13; Far 37:4; Luq 10:42
Currently Selected:
WANGEELA MAATEWOS 6: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
