WANGEELA YOHANNIS 19

Yesusitti Du'i Faradamuu Isaa

(Mat 27:22-31; Mar 15:13-20; Luq 23:20-25)

1Yommus Philaaxos Yesusin achii fuudhee reebsise. 2Warri loltuu gonfoo qoraattii hojjetanii, mataa isaa irra kaa'an; uffata dhiilgees itti uffisan*. 3Gara isaatti deddeebi'aniis, ?Attami ree, yaa mootii Yihudootaa!? jedhanii isa in kabalu turan*. 4Philaaxos ammas gad ba'ee, ?Dabaa tokko illee akkan isa irratti hin argine akka beektaniif, kunoo gara keessanittan gad isa baasa? isaaniin jedhe*. 5Yesus immoo gonfoo qoraattii kaa'atee, uffata dhiilgees uffatee gad ba'e; yommus Philaaxos, ?Namichi kunoo ti ilaalaa!? isaaniin jedhe*. 6Luboonni warri angafoonnii fi eegdonni yeroo isa argan, ?Fannisi! Fannisi!? jedhanii iyyan. Philaaxos immoo, ?Isin ofii keessanii fuudhaatii isa fannisaa, ani dabaa tokko illee isa irratti hin argine? isaaniin jedhe*. 7Warri Yihudootaa deebisanii, ?Nuyi seera tokko qabna; inni immoo ilma Waaqayyoo of godheera, kanaaf akka seera keenyaa sanatti du'uutu isa irra jira? jedhan*.#2 Luq 23:11 3 18:22 4 18:29,38; Luq 23:4 5 Far 22:6; Isa 53:3 6 18:31 7 5:18; 10:33; Lew 24:16; Mat 26:63-66

8Philaaxos dubbii kana yommuu dhaga'e caalchisee in sodaate. 9Deebi'ees manichatti ol lixee, Yesusiin, ?Ati eessaa dhufte?? jedhe; Yesus garuu deebii hin deebifneef*. 10Philaaxos kana irratti, ?Anatti hin himtuu? Gad si dhiisuudhaaf akka ani humna qabu akkasumas si fannisuudhaaf akka ani humna qabu hin beektu moo?? jedheen. 11Yesus garuu deebisee, ?Utuu olii siif kennamuu dhabaatee, ati humna tokko illee ana irratti hin qabdu turte; kanaafis inni dabarsee sitti na kenne, cubbuu caalaa qaba? ittiin jedhe*.#9 Mat 27:12-14; Mar 14:61; Luq 23:9 11 3:27; 10:18; HoE 2:23; Rom 13:1

12Kana irraa kan ka'es Philaaxos isa gad dhiisuuf in dhama'e. Warri Yihudootaa garuu, ?Namicha kana yoo gad dhiifte, ati fira mootii warra Roomaa miti; namni ofii isaa mootii of godhu hundinuu, mootii warra Roomaatiin morkata'o? jedhanii itti iyyan*. 13Philaaxos dubbii kana dhaga'ee Yesusin gad baasee, iddoo dhagaa buufamaa isa afaan Ibraayisxiitti ?Gabataa? jedhamutti, barcuma firdii irra taa'e. 14Kunis guyyaa qophee Faasiikaa gara sa'aatii ja'affaatti ture; Philaaxos yommus Yihudootaan, ?Ilaa mootii keessan? jedhe*. 15Isaanis iyyanii, ?Balleessi, balleessi, isa fannisi!? jedhan. Philaaxos immoo, ?Mootii keessan fannisuu ree?? ittiin jedhe. Luboonni warri angafoonni immoo deebisanii, ?Nuyi Qeesaar mootii warra Roomaa malee mootii hin qabnu? jedhan*. 16Yommus akka inni fannifamuuf dabarsee isaanitti isa kenne; isaan akkasitti Yesusin fuudhanii adeeman.#12 18:37; Luq 23:2; HoE 17:7 14 Mar 15:42 15 18:37; 19:6; Luq 23:18; HoE 3:13

Yesus Fannifamuu Isaa

(Mat 27:32-44; Mar 15:21-32; Luq 23:26-43)

17Yesus fannoo isaa ofii baatee, gara iddoo ?Lafee mataa? yookiis afaan Ibraayisxiitti ?Golgootaa? jedhamutti ba'e*. 18Achitti isa fannisan; namoota kan biraa lama garasii fi garanaan, Yesusinis gidduutti fannisan. 19Philaaxos yommus waan ittiin beeksisu tokko caafee, mataa fannoo isaatiitti maxxanse; caaffatichis, ?Yesus nama biyya Naazireet, mooticha Yihudootaa? kan jedhu ture. 20Iddoon itti Yesus fannifame mandarichatti dhi'oo waan tureef, caaffata beeksisaa sana Yihudoota keessaa baay'eetu dubbise; inni afaan Ibraayisxiitti, afaan warra Roomaatti, afaan warra Griikiittis caafamee ture*. 21Yommus luboonni warri angafoonni Yihudootaa Philaaxosiin, ?Namicha kanatu ?Ani mootii Yihudootaa ti? jedhe, jedhi malee, ?Mooticha warra Yihudootaa? jettee hin caafin!? jedhan. 22Philaaxos garuu deebisee, ?Waanan caafe caafeera? jedhe.#17 Uma 22:6 20 Ibr 13:12-13

23Yesusin erga fannisaniis warri loltuu, wayyaa isaa fudhatanii, tokko tokko akka isaan ga'utti iddoo afuritti hirmaatan; kittaan isaa garuu olii hamma gadiitti dha'aa tokkichaan ba'e malee, hoddhaa hin qabu ture. 24Kanaafis, ?Kottaa kittaa kana hin tarsaafnu, muka itti buufannee abbaa inni ba'uuf ilaalla!? waliin jedhan. Kanaanis dubbiin macaafaa inni,

?Wayyaa koo hirmaatanii, uffata koottis

muka buufatan? jedhe in raawwatame.

Warri loltuus kanuma godhan*.#24 Far 22:18

25Fannoo Yesus bukkees haati isaa, obboleettiin haadha isaa, Maariyaam haati manaa Qilophaa, Maariyaam isheen Magdalaas in dhaabatu turan*. 26Yesus yeroo sanatti haadha isaa, bartuu isa inni jaallates ishee bukkee utuu dhaabatuu argee, haadha isaatiin, ?Haadha ko, ilaa ilma kee!? jedhe*. 27Ergasii bartuu sanaan immoo, ?Ilaa haadha kee!? jedhe; bartichi yeroo sanaa jalqabee gara mana ofii isaatti ishee fudhate.#25 Luq 2:35; Mar 15:40-41 26 13:23; 20:2; 21:7; 2:4

Yesus Du'uu Isaa

(Mat 27:45-56; Mar 15:33-41; Luq 23:44-49)

28Yesus amma wanti hundinuu fiixaan ba'uu isaa beekee, dubbii macaafaa fiixaan baasuudhaaf, ?Nan dheebodhe? jedhe*. 29Qodaan daadhiin waynii dhangaggaa'aan keessa guute tokko achi in dhaabata ture; daadhii dhangaggaa'aa sanas, waan akka cumaa buqqee hadhaa'aa isa bishaan dhagnatti xuuxu tokkotti guutanii, hanxaxii hisoophitti kaa'anii afaan Yesusitti qaban*. 30Yesus daadhii dhangaggaa'aa sana erga afaaniin qabee booddee, ?Fiixaan ba'eera? jedhe; mataa isaas jal'isee hafuura isaa kenne*.#28 17:4; 18:4; Far 22:15 29 Far 69:21 30 Luq 12:50

Cinaachi Yesus Waraanamuu Isaa

31Guyyaan sun guyyaa itti qophaa'an; guyyaan Sanbata isatti aanus guyyaa guddaa ture. Kanaaf dhagna warra fannifamanii, guyyaa Sanbataatti fannoo irra akka hin oolle gochuudhaaf, lafeen miillan isaanii cabsamanii fannoo irraa akka gad buufamaniif, warri Yihudootaa Philaaxosin gaafatan*. 32Akkasitti warri loltuu dhufanii, miilla namicha isa duraa kan isa isaa wajjin fannifamees in cabsan. 33Gara Yesus dhufanii, kanaan dura du'uu isaa yommuu argan garuu miilla isaa hin cabsine. 34Haa ta'u iyyuu malee, warra loltuu keessaa inni tokko eeboodhaan cinaacha isaa waraannaan, yommusuma dhiignii fi bishaan keessaa lola'e*. 35Inni kana arge dhugaa ba'eera, wanti inni dhugaa ba'es amanamaa dha; isinis immoo akka amantanitti, inni isa dhugaa akka dubbatu in beeka*. 36Kunis inni macaafni, ?Lafeen isaa tokko illee hin cabsamu? jedhe haa raawwatamuuf, ta'e*. 37Macaafni iddoo biraatti immoo, ?Garuma isa waraananii in ilaalu? jedhe*.#31 Lew 23:7; Kes 21:22-23 34 20:25; 1Yoh 5:6,8 35 21:24 36 Bau 12:46; Lak 9:12; Far 34:20 37 Zak 12:10; Mul 1:7

Yesus Awwaalamuu Isaa

(Mat 27:57-61; Mar 15:42-47; Luq 23:50-56)

38Kana booddees Yoseef kan jedhamu namni Armaatiyaa tokko, reeffa Yesus fannoo irraa fudhachuudhaaf Philaaxosin kadhate; Philaaxos tole jennaan, namichi dhaqee reeffa Yesus fudhate. Namichi kun Yihudoota waan sodaateef, mul'inatti utuu hin ta'in dhoksaatti bartuu Yesus ture*. 39Niqoodemos immoo inni gaafa jalqabaa halkaniin Yesus bira dhufe, waliin makaa qumbii fi sabirii naxirii dhibba tokko kan ta'u fuudhee iddoo sana dhaqe*. 40Yommus reeffa Yesus fuudhanii akka amala awwaala Yihudootaatti, urgooftuu sanaa wajjin wayyaa quncee talbaa irraa hojjetameen kafanan. 41Lafa inni itti fannifame sana immoo iddoon dhaabaa tokko ture; iddoo dhaabaa sana keessas awwaalli haaraan, kanaan dura namni keessatti hin awwaalamin tokko ture. 42Guyyaa warri Yihudootaa itti qophaa'an ta'e, awwaalichi dhi'ootti waan argameef, Yesusin achi keessa kaa'an.#38 7:13; 12:42 39 3:1-2; 7:50-52; Mat 2:11

Currently Selected:

WANGEELA YOHANNIS 19: MacQul

Highlight

Copy