Macaafa Isaayaas Raajichaa 28
28
Samaariyaa Ishee Kan Efreemiif Boo'uu Isaa
1Gonfoo isa namoota Efreem
warra machooftuudhaa fi
of jajuu ta'eef,
isa daraaraan isaa inni miidhagaan
irraa coollageef,
isa gubbee dachaa midhaan baasu
gara irraa jiruuf,
isa warri daadhiin waynii mo'ate
ittiin of jajaniif wayyoo!
2Waaqayyo kunoo! Diina isa jabaa fi aango-qabeessa,
isa akka cabbii irratti gad bu'u,
isa akka qilleensaa jigsee balleessu,
isa akka bokkaa yandoo lolaadhaan
haree fageessu,
isa si'a tokkichaan lafatti isa naqu
itti in erga*.
3Yommus gonfoon inni namoonni Efreem
warri machooftuun
ittiin of jajaa turan,
miillaan lafatti in dhidhiitama;
4inni daraaraan isaa miidhagaa ture,
inni gubbee dachaa midhaan baasu
gara irraa sun
amma immoo in coollaga;
akka harbuu yeroo malee ija godhatuu,
isa namni dura argee
ija isaa irraa nyaatee fixuu in ta'a.#2 2Mot 17:5-6
5Guyyaa sanatti Waaqayyo gooftaan maccaa,
saba isaa warra hafaniif,
gonfoo ulfinaa fi
mi'a miidhaginaa in ta'aaf;
6isa faraduuf,
hafuura ittiin firdii qajeelaa
kennu in laataaf,
warra karaa karra mandaraa
diina ari'anii baasaniifis
humna in kenna.
7Isaan kun iyyuu daadhii waynii
quufanii gatantaraniiru,
dhugaatiin cimaanis
isaan joonjesseera;
luboonnii fi raajonni
dhugaatii cimaa dhuganii gatantaraniiru,
daadhiin wayniis isaan wallaalchiseera;
raajonni yommuu mul'ata argan
in gatantaru,
luboonnis yommuu firdii kennan in dogoggoru*.
8Maaddiin isaanii hundinuu
balaqamaan guutuu dha,
iddoon inni itti hin bu'in
tokko iyyuu hin hafne.#7 5:11-12
9Yommus isaan,
<<Inni eenyuun barsiisuu yaala>>
Ergaa isaas eenyuuf ibsa>>
Ijoollota harma gad dhiisan,
warra reefuu harma gu'an barsiisaa>>
10Inni maaliif akkasumaan nutti loqode,
abboommii abboommii irratti,
abboommii abboommii irratti,
seerrata seerrata irratti,
seerrata seerrata irratti,
asii xinnoo, achii xinnoo
nutti dabala?>> in jedhu.
11Waaqayyo si'achi sagalee giingeetiin,
afaan ormaatiinis
saba kanatti in dubbata*;
12inni isaaniin,
<<Iddoon kun iddoo itti
aara galfatan,
warra dadhabaniif boqonnaa kennaa!
Iddoon kun iddoo boqonnaa ti>> in jedha;
isaan garuu kana dhaga'uu hin barbaanne*.
13Kanaaf dubbiin Waaqayyoo
inni isaan raajichaan,
<<Abboommii abboommii irratti,
abboommii abboommii irratti,
seerrata seerrata irratti,
seerrata seerrata irratti,
asii xinnoo, achii xinnoo
nutti in dabala>>
jedhan sun ammas
isaanitti in dubbatama;
yommus isaan dugdaan adeemanii,
kufanii in caccabu;
kiyyoodhaan qabamaniis booji'amanii in adeemu.#11 33:19; Kes 28:49; Er 5:15 12 1Qor 14:21; Isa 30:15; Mat 11:28-29
Dhagaa Golee Isa Xiyoon Keessa Jiru
14Kanaaf isin warri ga'iftuun,
warri Yerusaalem keessa jiraattanii saba bulchitan,
dubbii Waaqayyoo dhaga'aa!
15Isin,<<Du'aa wajjin
waliif kakanneerra,
iddoo lafa jalaa wajjinis
waliif galleerra,
dha'ichi sodaachisaan yommuu dhufu
nuyi sobatti waan kooluu galleef,
gowwoomsaa jalas waan linneef,
inni nu bira hin ga'u>> in jettu.
16Kanaaf Waaqayyo gooftaan,
<<Kunoo! Ani dhagaa
hundeedhaaf ta'u,
Xiyoon keessa nan kaa'a,
inni dhagaa qoramee ilaalame
isa gati-jabeessa,
dhagaa isa golee qajeelchuu dha,
hundee amanamaa dhas;
namni isatti amanu hin raafamu*.
17Ani firdii ulee ittiin safaran,
qajeelummaas madaalii ittiin miijanan nan godhadha;
soba isa isin kooluu itti galtan sana
cabbiin in balleessa,
da'oo isin jalatti baqattanis
lolaan in jigsa*;
18kakuun isin du'aa wajjin
waliif kakattan in hafa,
inni isin iddoo lafa jalaa wajjin
waliif galtanis gatii hin qabu;
dha'ichi sodaachisaan yommuu dhufu,
ittiin rukutamtanii lafatti in dabalamtu.
19Inni yeroo dhufu hundumaatti
isin fuudhee in adeema,
ganama ganama in dhufa,
halkanii fi guyyaas in dhufa;
ergicha dhaga'uunis
isin in naasisa>> in jedha.
20Kunis akka mammaaksa isa,
<<Namni siree gabaabaa irra ciisu hin diriirfatu,
inni uffata garaa dhiphoo uffatus,
ofitti maree rafuu hin danda'u>> jedhame sanaa ti.
21Waaqayyo tulluu Pheraaziim irratti,
dachaa Giibe'on keessattis
akkuma hojjete,
ammas hojii isaa
isa takkaa hin beekamin hojjechuudhaaf,
gochaa isaa isa kanaan dura hin ta'in
raawwachuudhaaf in ka'a*.
22Waaqayyo gooftaan maccaa
guutummaa lafaa raawwatee akka balleessu anatti himeera;
kanaaf hidhaan akka isinitti hin jabeeffamnetti
ga'oo keessan dhiisaa*!#16 Far 118:22-23; Rom 9:33; 1Phe 2:6 17 Iyo 38:22-23 21 2Sam 5:20; Iya 10:10-11 22 10:22-23
Fakkeenya Warra Qottuutiin Isaan Barsiisuu Isaa
23Mee hubadhaa, sagalee koo dhaggeeffadhaa!
Wanta ani jedhus qalbifadhaa!
24Namni midhaan facaasuu yommuu barbaadu,
ittuma fufee lafa qotaa ree>>
Yookiis ittuma fufee bo'oo baasaa ree>>
25Erga meesee booddee immoo
gurraattii fi sunqoo
irra hin facaasuu ree,
qamadiis tarreetti bo'oo keessa hin bubbuusuu ree,
garbuu iddoo isaaf qophaa'e keessa hin facaasuu ree>>
Homboriis qarqara isaatti hin facaasuu ree>>
26Kana hundumaa akka ta'utti
akka inni hojjetuuf,
Waaqayyotu isa gorse,
isa barsiises.
27Gurraattiin ulee qal'oodhaan
rukutama malee,
ulee furdaadhaan hin cagadamu;
sunqoonis harcummeedhaan
iji isaa keessaa rukutama malee,
hin siribsiifamu;
28midhaan yommuu siribsiifamu
hamma iji isaa caccabutti siribsiifamaa ree>>
Lakkii! Miilli horii ija isaa
akka hin caccabsinetti
eeggatanii sirbisiisu malee,
hamma iji isaa caccabutti miti;
29kunis immoo Waaqayyo gooftaa maccaa
isa gorsi isaa dinqii,
isa ogummaan isaa guddaa biraa dhufe.
Currently Selected:
Macaafa Isaayaas Raajichaa 28: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
