Macaafa Hose'a Raajichaa 11
11
Israa'el Utuma Diduu Waaqayyo Obsee Jaallachuu Isaa
1<<Israa'el ijoollee yeroo turetti
ani isa nan jaalladhe,
biyya Gibxii keessaas
ilma koo nan waame*.
2Hammuma ani isaan waame immoo
isaan caalchisanii
ana irraa in fagaatan;
isaan Ba'aaliif aarsaa dhi'eessuu,
bifa fakkeenyaafis ixaana aarsuu ittuma in fufan*.#1 Bau 4:22; Kes 7:8; Isa 63:16; Mat 2:15 2 2:15; 4:13
3<<Ani illee sanyii Efreem
daaddisuu nan barsiise,
kaasuuttis ol isaan nan fuudhe,
isaan garuu kan isaan fayyisu
ana akka ta'e hin beekne*.
4Ani lookoo gara-laafinaatiin
hidhaa jaalalaatiin isaan nan harkise;
akka isa waanjoo boquu isaanii irraa
itti laafisees isaaniif nan ta'e,
gara isaaniittis gad jedhee
isaan nan nyaachise.#3 Kes 1:31; 2:10; 13:6
5<<Isaan gara kootti deebi'uu
waan didaniif,
gara biyya Gibxiitti deebi'uuf jiru,
warri Asoris isaan irratti in mo'u.
6Billaan mandaroota isaanii keessatti
gad isaan in cira,
danqaraa karra dallaa isaaniis in kukkuta,
namoota isaanii warra koratanis in fixa.
Jaalalli Waaqayyoo Dheekkamsa Isaa Caalaa Jabaachuu Isaa
7<<Sabni koo ana irraa gara galuutti
liqimfamanii jiru,
yoo ol isaan waamanis,
isaan takkaa iyyuu ol hin ka'an.
8<<Yaa Efreem,
attamittan kan biraatti
si kennuu danda'a ree>>
Yaa Israa'el, ani attamitti garaa kutadhee si dhiisu ree>>
Ani attamittan akka mandara Aadimaa
dabarsee si kennuu danda'a ree>>
Yookiis attamittan
akka mandara Zebo'iim
si gochuu danda'a ree>>
Kana gochuuf garaan koo hin dandeenye,
oo'i koos ittuma caale*.
9Ani dheekkamsa koo isa boba'aa
gad hin dhiisu,
deebi'ee Efreemin hin balleessu;
ani Waaqayyoo dha malee, nama miti;
ani isa qulqulluu si gidduu jiruu dha,
ani ija aariitiin hin dhufu*.#8 Er 31:20; Isa 54:8; Kes 29:22-23 9 faaru 3:31-36
10<<Isaan ana Waaqayyo duukaa in bu'u,
ani sagalee koo
isa akka leencaa aadu nan dhageessisa,
eyyee, ani sagalee koo nan dhageessisa!
Ilmaan koos hollataa
gara lixa biiftuutii in dhufu*,
11wareeranii akka simbirrootaatti
biyya Gibxiitii,
akka gugeettis biyya Asorii in dhufu,
ani immoo mana isaaniitti isaan nan deebisa;
kana ana Waaqayyotu dubbate*.#10 Er 25:30 11 Isa 11:11-12
12<<Efreem sobaan,
manni Israa'elis gowwoomsaadhaan na marsaniiru;
Yihudaan immoo ana Waaqayyo irratti
ka'ee asii fi achi in naanna'a,
warra ofii qulqulluutti lakkaa'ateef immoo amanamaa dha.
Currently Selected:
Macaafa Hose'a Raajichaa 11: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
