Seera Ba'uu 7

Waaqayyo Waan Biyya Gibxiitti Fiduuf Jiru Dubbachuu Isaa

1Waaqayyo yommus Museedhaan,<<Kunoo! Ati mootii Gibxii biratti ana Waaqayyoof afaan akka taatu si godheera; Aaron obbooleessi kee immoo afaan kee ta'ee in dubbata. 2Ati waan ani si abboomu hundumaa in dubbatta; Aaron obbooleessi kee immoo mootichatti in hima; yommus inni Israa'eloota biyya isaatii gad in dhiisa*. 3Ani mooticha mata-jabeessa nan godha; milikkita koo fi dinqii koo biyya Gibxii keessatti nan baay'isa*. 4Mootichi isiniif hin dhaga'u; kanaafis biyya Gibxii irra ciqlee koo nan dhaabadha, firdii gurguddaadhaanis macca saba koo, Israa'eloota biyya Gibxii keessaa nan baasa. 5Ani harka koo biyya Gibxii irratti ol fudhadhee, Israa'eloota isaan gidduudhaa yommuun baasu, warri Gibxii ani Waaqayyo akkan ta'e in beeku>> jedhe*. 6Museenii fi Aaron akkuma Waaqayyo isaan abboome sana in godhan. 7Yeroo mootichatti dubbatan, Museen nama waggaa saddeettamaa, Aaron immoo nama waggaa saddeettamii sadii turan.#1-2 4:15-16 3 4:21; Far 135:9 5 7:17; 9:29; 1Sam 17:46; 1Mot 20:28; 2Mot 19:19; His 29:6

Mootii Gibxii Duratti Dinqiin Hojjetamuu Isaa

8Waaqayyo ammas Museedhaa fi Aaroniin, 9<<Amma mootiin Gibxii,<<Milikkita dhugaa keessan mul'isu argisiisaa!>> yoo isiniin jedhe, yaa Musee, ati Aaroniin,<<Ulee kee fuudhii mooticha dura buusi!>> jedhi, ulichis bofa in ta'a>> jedhe*. 10Museenii fi Aaron mooticha bira dhaqanii akkuma Waaqayyo isaan abboome godhan; Aaronis mootichaa fi hojjetoota isaa duratti ulee isaa lafa buuse, ulichis bofa ta'e. 11Kana irratti mootichis beektotaa fi warra qoricha namatti godhan in waamsise; warri ayyaana hedanis ogummaa isaanii isa dhokataadhaan akkasuma godhan*. 12Jarris adduma addaan ulee isaanii lafa in bubbuusan, uleewwan isaaniis bofa ta'an; uleen Aaron garuu uleewwan jaraa in lilliqimse. 13Haa ta'u iyyuu malee, mootichi akkuma mata-jabeessa ta'etti in hafe; akkuma Waaqayyo dubbatee ture isaaniif hin dhageenye*.#9 4:3 11 7:22; 8:7; Uma 41:8 13 4:21

Dha'icha Tokkoffaa, Bishaan Dhiigatti Geddaramuu Isaa

14Kana booddees Waaqayyo Museedhaan,<<Garaan mootichaa hadoodee saba sana gad dhiisuu dide. 15Kunoo mootichi laga Abbayyaatti gad bu'a; ganamaan isa bira dhaqi, ulicha bofa ta'u sana harkatti qabadhuutii lagicha qarqaratti isa eegi! 16Yommuu isa argitu,<<Waaqayyo gooftaan inni kan Ibrootaa sitti na erge:- Sabni koo gara lafa onaa dhaqee anaaf haa hojjetuu gad dhiisi! siin jedheera; ati garuu hamma ammaatti dhaga'uu in didde*. 17Waaqayyo ammas:- Ani Waaqayyo akkan ta'e beekuuf jirta siin jedha; ani immoo kunoo, ulee harka koo keessa jiru kanaan bishaan laga Abbayyaa nan rukuta, bishaanichis dhiiga in ta'a*; 18qurxummiin bishaanicha keessaas in duddu'u, lagichis in ajaa'a; warri Gibxii immoo bishaan lagichaa dhuguu in dadhabu>> jedhiin!>> jedhe.#16 5:1 17 4:9; Mul 16:4

19Waaqayyo Museedhaan,<<Dhaqii Aaroniin,<<Ulee kee harkatti qabadhuu, bishaan biyya Gibxii hundumaa, lagoota isaanii, yaa'ota isaanii, bishaan ciisu, kuufama bishaanii irrattis harka kee ol fudhadhu! Isaanis dhiiga haa ta'an! Guutummaa biyya Gibxiitti qodaa mukaa isaanii fi qodaa dhagaa isaanii keessa kan jiru iyyuu dhiiga haa ta'u!>> jedhiin>> jedhe*. 20Museenii fi Aaron akkuma Waaqayyo isaan abboome godhan; Aaron ija mootichaa fi hojjetoota isaa duratti ulee isaa ol fuudhee bishaan laga Abbayyaa rukute; bishaan lagicha keessa jiru hundinuus dhiiga ta'e. 21Qurxummiin Abbayya keessa jiran in duddu'an, lagichi in ajaa'e, warri Gibxiis bishaan lagichaa dhuguu hin dandeenye; biyya Gibxii keessaa lafa dhaqan hundumaatti dhiigatu argame. 22Biyya Gibxii keessaas warri ayyaana hedan ogummaa isaanii isa dhokataadhaan, akkasuma in godhan; mootichi akkuma mata-jabeessa ta'etti hafe malee, akkuma Waaqayyo dubbatee ture isaaniif hin dhageenye*. 23Yommus mootichi gara mana isaatti in deebi'e, wanti ta'e kunis garaa isaa hin rukunne. 24Warri Gibxiis bishaan laga Abbayyaa dhuguu waan hin dandeenyeef, hundumti isaanii bishaan dhugaatii baafachuudhaaf qarqara bishaan Abbayyaa irra boolla qoqqotan. 25Waaqayyo erga bishaan Abbayyaa rukutee, guyyaa torba guuteera.#19 Mul 11:6 22 4:21

Currently Selected:

Seera Ba'uu 7: MacQul

Highlight

Copy