Macaafa Lallabaa 11
11
Wanti Si'achi Ta'uuf Jiru Akka Hin Beekamne Himuu Isaa
1Bara baay'ee booddee deebitee waan argattuuf,
midhaan kee bishaan irra ceesisii
nama biyya fagoo jiruun ga'i!
2Wanti hamaan attamii
lafa irratti akka dhufu
waan hin beekneef,
nama torbaaf yookiis saddeetiif
isa hiri!
3Bokkaan duumessa keessa yommuu guutu lafa irratti in rooba;
mukti gara mirgaatti yookiis
gara bitaatti yoo jige,
iddoodhuma itti jige sana in ciisa.
4Namni yeroo hundumaa qilleensa
gaarii eeggatu
sanyii facaasuu hin danda'u;
namni yeroo hundumaa
gara duumessaa ilaalus
midhaan isaa makarachuu hin danda'u.
5Karaa qilleensi irra adeemu
yookiis gadameessa keessatti
baanaan attamitti mucaa akka ta'u
akkuma beekuu hin dandeenye,
akkasuma Waaqayyo
inni waan hundumaa hojjetu
kan godhu beekuu hin dandeessu*.
6Waan ati facaafte keessaa
inni kam akka tolu
waan hin beekneef,
sanyii midhaanii kee ganamaan facaasi,
galgalas harki kee facaasuuttii hin boqotin!
Inni kun yookiis inni sun
yookiis immoo lachanuu in tolu ta'a.#5 8:16-17; Yoh 3:8
Namootaaf Gorsa Kennuu Isaa
7Ifni ba'eessa,
aduu ilaaluunis ijatti in tola;
8namni bara itti jiraatu hundumaatti haa gammadu!
Garuu barri dukkanaa baay'achuuf
akka jiru haa yaadatu!
Wanti dhufu hundinuu
waa'ee hin baasu.
9Yaa dargaggeessaa, dargagummaa keetti gammadi!
Bara dargagummaa keettis
garaan kee haa gammadu,
gara yaadni kee si geessutti adeemi,
wanta iji kee argu duukaas bu'i!
Garuu Waaqayyo wanta kana hundumaaf
gara firdiitti akka si dhi'eessu beeki*!
10Mucummaanii fi dargagummaan
waan darbaniif,
yaaddoon si irraa haa fagaatu,
dhagna kee keessaas dhibeen haa badu!#9 2:24-25
Currently Selected:
Macaafa Lallabaa 11: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
