1 GARA WARRA QORONTOS 5

Halalummaa Waldaa Keessa Jirutti Faraduu Isaa

1Amma immoo halalummaan warra saba Waaqayyoo hin ta'in keessatti illee salphaatti hin ilaalamne, isin gidduu akka jiru dhaga'ameera; namni haadha buddeenaa isaa akka haadha manaatti wajjin jiraatu isin gidduu jira*. 2Isinis of bokoksitanii jirtu, namni waan akkasii godhe kun isin keessaa akka baafamuuf boo'uun isiniif ta'a ture mitii ree*? 3Fooniin yoon isin irraa fagaadhe iyyuu, hafuuraan isin biran jira; akka waanan isin bira jiruttis, namicha waan akkasii hojjete irratti yakka mureera*. 4Kanas ani maqaa gooftaa keenya Yesusiin godheera, yommuu walitti qabamtan, hafuurri koos humna gooftaa keenya Yesusii wajjin yeroo isin biratti argamu, isinis irratti walii galaa*! 5Guyyaa gooftaa Yesusitti, hafuurri isaa fayyuu akka danda'uuf, foon isaa balleessuudhaaf amma namichi kun harka Seexanaatti akka kennamu godhaa*!#1 1Tas 4:3-5; Lew 18:7-8; Kes 22:30 2 4:6-8 3 Qol 2:5 4 Mat 16:19; 18:18; 2Qor 13:10 5 1Xim 1:20; 1Phe 4:6

6Of jajuun keessan gaarii miti; raacitiin xinnoon ishee guutummaa bukichaa akka bokoksu hin beektanii ree*? 7Raacitii moofaa isin keessa jiru baasaa gataa! Raacitii of keessaa hin qabdan erga ta'ee, isin bukoo haaraa in taatu; Kristos hoolaan faasiikaa keenya aarsaa nuuf ta'eera*. 8Kanaafis kottaa, buddeena raacitii hin qabneen, kana jechuunis jireenya qullaa'aadhaa fi dhugaadhaan ayyaanicha ayyaaneffanna malee, raacitii moofaa yookiis raacitii jal'inaa fi hamminaa of keessaa qabaachuudhaan hin ayyaaneffannu*.#6 Gal 5:9 7 Bau 12:3-20; 13:7; Isa 53:7; 1Phe 1:18-19 8 Kes 16:3

9Namoota halalummaatti jiraatanii wajjin hidhata akka hin taane ergaa koo kanaan duraa keessatti isiniif caafeera*. 10Ergaa koo keessatti namoota halalummaatti jiraatanii wajjin hidhata akka hin taane jechuun koo, walitti qabaatti warra biyya lafaa kana keessa halalummaatti jiraatan yookiis warra sassatan yookiis warra saaman yookiis warra waaqayyolii tolfamaniif sagadan baqadhaa jechuu koo miti; kanaa achi raawwattanii biyya lafaa keessaa ba'uutu isin barbaachisa ture*. 11Wanti ani isiniif caafe, ?Ani amaneera? jedhe nama halalummaatti jiraatu yookiis nama sassatu yookiis nama waaqayyo tolfamaadhaaf sagadu yookiis nama maqaa nama balleessu yookiis nama machaa'u yookiis nama nama saamuu wajjin walitti hin hidhatinaa! Isaa wajjin illee hin nyaatinaa kan jedhu ture*.#9 Efe 5:5; 2Tas 3:14 10 1 Yoh 5:19 11 6:9-10; Mat 18:15-17; 2Tas 3:6

12Namoota waldaa kristiiyaanaa keessa hin jirretti faraduun hojii koo tii ree? Warra waldaa kristiiyaanaa keessa jiranitti immoo isin hin faraddanii ree*? 13Caaffanni qulqullaa'aan, ?Isa hamaa hojjetu of keessaa baasaa!? in jedha; warra waldaa keessa hin jirretti garuu Waaqayyotu farada*.#12 Qol 4:5 13 Kes 13:5; 17:7

Currently Selected:

1 GARA WARRA QORONTOS 5: MacQul

Highlight

Copy