1 GARA WARRA QORONTOS 6

Wal Hadheessuu Amantootaattiin Mormuu Isaa

1Isin keessaa namni tokko obboleessa tokko irraa hadheessa yoo qabaate, namoota Waaqayyoof qulqullaa'an duratti dubbicha ilaalchisuu irra, attamitti yaa'ii warra qajeelota hin ta'iniitti geessuuf ija jabaata ree? 2Warri Waaqayyoof qulqullaa'an biyya lafaatti akka faradan isin hin beektanii ree? Isin biyya lafaatti in faraddu erga ta'ee immoo, dubbii xixinnaa ilaaluudhaaf hin taatanii ree*? 3Nuyi ergamoota Waaqayyootti faraduuf akka jirru hin beektanii? Hammam caalaa dhimma jireenya biyya lafaatti hin farannu ree*! 4Egaa dubbii akkasii erga qabaattanii, attamitti warra waldaa keessatti dubbiin isaanii hin fudhatamne itti lakkooftu ree? 5Kanas isin qaanessuufan caafe; dhuguma, namni beekaan dubbii obboloota gidduu jiruuf firdii kennuu danda'u tokkichi illee isin keessa hin jiruu ree? 6Kanumaa iyyuu obboleessi obboleessa tokko yaa'iitti dhi'eesse, fuula warra hin amannetti hadheessuu dhaqaa ree?#2 Mat 19:28; Dan 7:22 3 2Phe 2:4

7Fuula yaa'iitti wal geessuun keessan iyyuu dadhabbii keessan argisiisa; dabaa yoo isin irratti hojjetan maaliif hin obsitan? Maaliifis hin miidhamtan*? 8Isinoo ofii keessanii obboloota keessan warra amanan irratti iyyuu dabaa hojjettu, isaan in miitus*. 9Egaa warri jal'oonni mootummaa Waaqayyootti akka hin galle hin beektanii ree? Hin gowwoominaa! Warri halaleen, warri waaqayyolii tolfaman waaqessan, warri ejjan, warri gadhaa'an, warri nama gadhoomsanis, 10warri hatan, warri sassatan, warri machaa'an, warri maqaa namaa balleessan, warri nama saamanis matumaa mootummaa Waaqayyootti hin galan*. 11Isin keessaa kaan warra akkasii turan, garuu maqaa gooftaa Yesus Kristosiin, hafuura Waaqayyo keenyaatiinis cubbuuttii dhiqattaniittu, warra Waaqayyoof qulqullaa'an taataniittu, Waaqayyo durattis qajeelota taataniittu*.#7 Mat 5:38-41; 1Tas 5:15; 1Phe 3:9 8 1Tas 4:6 9-10 Gal 5:19-21; Efe 5:5; Mul 21:8; 22:15 11 Tit 3:3-7; Ibr 9:14; 1Phe 4:3-4; 1Yoh 2:12; Mul 1:5

Dhagna Ofii Galata Waaqayyoof Hojjechiisuu

12Namni, ?Anaaf wanti hundinuu dhowwaa hin qabu? jedhu jira; garuu wanti hundinuu immoo isa hin gargaaru; anis, ?Wanti hundinuu dhowwaa hin qabu? nan jedha, garuu waan tokko ana irratti gooftummaa hin godhatu*. 13Namni tokkos, ?Nyaanni garaachaaf kenname, garaachis nyaataaf kenname? in jedha; Waaqayyo immoo isa kanas isa sanas, lafatti in dabala. Dhagni garuu hojii halalummaatiif namaaf hin kennamne; inni gooftaadhaaf hojjechuuf kenname, gooftaanis dhagna namaatiif in yaada*. 14Waaqayyo immoo goofticha kana du'aa kaaseera; nus akkasuma humna isaatiin du'aa nu kaasa*.#12 10:23 13 Mat 15:17; 1Tas 4:3-5 14 15:20-21; Rom 8:11; 2Qor 4:14

15Dhagni keessan bu'aa dhagna Kristos akka ta'an hin beektanii ree? Egaa bu'aa dhagna Kristos fuudhee bu'aa dhagna gaalamootaa godhuu ree? Matumaa kun hin ta'u*. 16Yookiis namni gaalamootaa wajjin walitti maxxane, ishee wajjin dhagna tokko akka ta'u hin beektanii ree? Akkuma caafamee jiru, ?Isaan lachanuu foon tokko in ta'u? jedha*. 17Inni gooftaa wajjin walitti maxxane immoo hafuuraan isaa wajjin tokko in ta'a*.#15 12:27 16 Uma 2:24 17 Yoh 17:21-23

18Halalummaa baqadhaa! Cubbuu namni hojjetu keessaa warri kaan hundinuu dhagna namaa hin tuqan; namni halaleen garuu dhagna isaatti cubbuu hojjeta*. 19Dhagni keessan mana qulqullummaa hafuura qulqulluu isa isin keessa jiru ta'uu isaa hin beektanii ree? Hafuura kanas Waaqayyo biraa argattan; mana qulqullummaa hafuura isaas erga taatanii, isin kan ofii keessanii miti*. 20Waaqayyo gatiidhaan isin bitate; kanaaf guutummaa dhagna keessaniin waan inni ittiin galateeffamu hojjedhaa*!#18 10:8 19 3:16; 2Qor 6:16 20 7:23; 1Phe 1:18-19; Filp 1:20

Currently Selected:

1 GARA WARRA QORONTOS 6: MacQul

Highlight

Copy