Aromduma PƆHEGA
PƆHEGA
Pɔɔl gɔŋɔ wa en gulehɛ bo' Aromduma wa, gulehɛ ti ku maahum la sore bo' ti Pɔɔl nyaŋɛ kiŋɛ sore ti a maahum ti a kiŋɛ ta kaaɛ Arome tiŋa lageŋɔ la. Pɔɔl maaheŋɔ dela a kiŋɛ ta lagum tum la Arome tiŋa lageŋɔ la dabeha ayi', ti ba suŋɛ en ti a tole Sipeen tiŋa. A gulehɛ pa'ala ba la eŋa bɔkɛ Yezu dɔlega sakerɛ la en de se'em, la dinɛ en tari daaŋɔ seko bo' Yezu dɔleba la vom puan. Gɔŋɔ wa tari la Pɔɔl en tɔgeri yelehum yɛta yele sɛ'a la za'a.
En pu'uhɛ Arome lageŋɔ la nɛreba ba'ahɛ la, yele ba en pu'uhi bɔ'ɔra ba se'em la, Pɔɔl nyaa purɛ la a gɔŋɔ yu'urɛ yeti, “Yinɛ yelehum la en pa'ali eŋa en dikeri nɛreba naara a mɛŋa se'em. La dela sakerɛ de pi'ileŋo puan na, paara ba'ahegɔ.”
Pɔɔl ze'ele la yu'urɛ dina zuo nyaa nyaara a yetɔgum la yeti, Nɛra woo, Yuuduma la sɛba en dagi Yuuduma dela ba dikɛ ba mɛhi naaɛ la Yinɛ, se'ere en sɔi la, ba se'em en ka nyani a tadaana la, ba za'a boi la be'em paŋa puan. Ti nɛra me en dole zi'an naara la Yinɛ dela a nam bo' Yezu Kiresta. Sɛla en tagelɛ dela, Pɔɔl pa'alɛ vom paalemɔ sebo en boi nɛra en naa la Kiresta, nyaa naaɛ la Yinɛ se'em. Gee tari suma'ahum la Yinɛ, ti Fa'a Sia la faaɛ en be'em paŋa la kum paŋa puan bahɛ fai. Arome gɔŋɔ 5-8, Pɔɔl sɔhɛ la Yinɛ ze'elego la vuurɛ en de sɛla, la Yinɛ Sia la paŋa en ani se'em sakereba vom puan. Ti Pɔɔl soke sokere nyaa Yuuduma, la sɛba en dagi Yuuduma yeti ba iŋɛ la ŋwani bɔna Yinɛ n maahum se'em bo' asaala woo la puan. A ba'ahɛ yeti, Yuuduma zagehegɔ la ti ba zagehɛ Yezu la dela Yinɛ mɛŋa n maahum de bala, ti la bahɛ ti nɛra woo lagum paaɛ Yinɛ zu'uhegɔ la doohe Yezu Kiresta puan, gee me sakɛ ti Yuuduma kɔ'ɔm kan zageha Yezu. Ba'ahegɔ, Pɔɔl gulehɛ pa'ala la Kiresta bia en de a vɔna a vom se'em, yele yele wuu en de a nɔŋɛ sɛba se'em. Pɔɔl le tɔgɛ yɛla asɛ'a zuo en de fum tuna bɔ'ɔra Yinɛ, Kiresta bia woo tuunɛ en de se'ere bɔ'ɔra tiŋa la, la nɛreba, la puti'irɛ sɔgeha. A ba'ahɛ a gɔŋɔ la mɛ la pɛka yɛla bo' Yinɛ.
Yele sɛ'a en boi gɔŋɔ wa puan
Pɔhega, la yu'ura Arome 1.1-17
Timpaberɛ wa za'a boti la faarɛ Arome 1.18—3.20
Yinɛ faarɛ sore Arome 3.21—4.25
Kiresta puan vom paalum Arome 5.1—8.39
Izirale boi Yinɛ maaheŋɔ la puan mɛ Arome 9.1—11.36
Kiresta bia vom 12.1—15.13
Ba'ahegɔ la nɛreba pu'uhegɔ 15.14—16.27
Currently Selected:
Aromduma PƆHEGA: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.