Aromduma 2

Yinɛ tuuntɔɔ gakerɛ

1 # Mat 7.1; Luk 6.37 Bala zuo, fum ka tari fum yeti n ka baŋɛ mɛ, fum de nɛre se'em woo, fum han gakɛ basɛba. Fum n gakɛ ayima la, fum sagum la fum mɛŋa n bala. Beni zuo, fum se'em en de gakera la, iti la yele aŋa mɛa. 2Gee tu mi' ti, “Yinɛ en gakeri nɛre sɛba en iti yele aŋa la, dole la yelemɛŋerɛ suŋa suŋa.” 3Fum bihɛ de la ŋwani, fum de se'em za'a, ti fum gakera nɛreba en iti yele sɛ'a, gee ita yele aŋa mɛa fum mɛŋa, fum ti'ihɛ ti fum wan piiɛ Yinɛ gakerɛ la? 4Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee? 5Gee fum sukãberɛ la, la fum n ka malum tɛɛra lagehɛ la sunsunyiim pagela fum zuo, gura sunsunyiim dabeherɛ la ti Yinɛ tuuntɔɔ gakerɛ la wan niiɛ fum zuo na. 6#Yoo 62.12; Tɔg 24.12Se'ere en sɔi la, a yeti a yɔ nɛra woo la en tum se'em. 7Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ. 8Sɛba me en eere ba mɛhi en boti se'em la, ka nana yelemɛŋerɛ la, gee nana la tuunfi'iha la, Yinɛ sunsunyiim, la sunsunyiim tuulɛ en de ba dinɛ. 9Yelemɛŋerɛ, wuŋerɛ en ka tari makerɛ la susageŋɔ wan bɔna bo' se'em woo n tuni be'em, pɔhera Yuuduma, gee nyaa paara Girikiduma. 10Gee suŋa la na'ahegɔ, la suma'ahum wan bɔna bo' se'em woo en tuni sum la, pɔhera Yuuduma, gee nyaa paara Girikiduma me. 11#Tii 10.17Se'ere en sɔi la, Yinɛ ka lugehe.

12Sɛba woo en tum be'em gee ka mina ze'elego la, ba wan bɔregɛ ti ze'elego la ka pa'ahɛ, ti sɛba woo me en tum be'em gee mina ze'elego la, ba wan gakɛ ba mɛ la ze'elego. 13La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ. 14Sɛba n dagi Yuda nɛreba la, ka mina Yinɛ ze'elego la han tuna ze'elego la en boti se'em la ma'a ma'a, la ban pun ka mina ze'elego la, ba mɛhi en de ze'elego bo' ba mɛhi. 15Yelemɛŋerɛ ba pa'alɛ yeti, ze'elego la en boti se'em la, gulehɛ iŋɛ la bamam suya puan, ti ba mɛhi puti'ira dɛna ba aze'nyɛduma, ti ba mɛhi itegɔ la me wan ta zuuhe ba, bii bahɛ ba fai, 16daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

Yuuduma, la Ze'elego la

17Gee fum han yi'ira fum mɛŋa Yuda nɛra, dɛla Ze'elego la, ŋmɛ'ɛra fum nyu'ɔ la fum en lɛm Yinɛ se'em, 18gee mina Yinɛ sumboolum se'em, gee mina sɛla en de ma'a se'em, doohe la ban pa'alɛ hɔ Ze'elego la puan yɛla la zuo, 19gee han mina ti fum pa'ali la fɔɔhi, dɛna niihum bo' sɛba en boi lika puan, 20dɛna se'em n pa'ali geto, dɛna se'em n pa'ali kɔmbilɛɛhi, bi'ihɛ fum mɛŋa la mi'ilum la yelemɛŋerɛ se'ere n boi Ze'elego la puan, 21Bala la, fum se'em n pa'ali basɛba la, fum ka pa'ali fum mɛŋa? Fum han muula ti zua ka ani suŋa, gee ti fum mɛŋa la zuura? 22Fum se'em n yeti kabohi dela kihere la, gee ti fum mɛŋa la tuna kabohi? Fum se'em n yaaɛ baga paaɛ paaɛ la la, gee tara kunkoma'ahum la pu'uhegɔ yire lɔgerɔ? 23Fum se'em n ŋmɛ'ɛri fum nyu'ɔ la Ze'elego la, gee nyaa diihe Yinɛ vi la fum galum ze'elego la? 24#Aza 52.5Wuu lan pun gulehɛ se'em yeti, “Yamam zuo, ti nɛreba basɛba tuura Yinɛ yu'urɛ la.”

25Buraahi ŋmaa tari tuulum dela, fum nane Ze'elego la. Gee fum han galena Ze'elego la, fum ŋmaa la lebe ta dɛna la se'em n ka ŋma. 26Bala, sɛba n ka ŋma la han dɔla Ze'elego la n boti se'em la, la bamam pun ka ŋma la, ba kan biha nyɛta ba ti ba dɛna sɛba n ŋma? 27Ŋwana ti sɛba n pun ka ŋma ba inganɛ, gee nana Ze'elego la, wan zɛregɛ yamam sɛba n ŋma, zãli Ze'elego la ti ba gulehɛ la, gee galena ku yɛla la. 28Nɛra dagi Yuda buuri doohe la a yiŋa, bii yelemɛŋerɛ ŋmaa dɛna yiŋa bii ingɔŋɔ yele. 29#Tii 30.6 Gee yelemɛŋerɛ se'em n de Yuda buuri paaɛ paaɛ dela puan ha. Ŋmaa yelemɛŋerɛ dela suure puan. La dela Sia puan, dagi inganɛ. Nɛre-ina taaba ka to'ore pɛka nɛreba zi'an, gee Yinɛ mɛŋa zi'an.

Currently Selected:

Aromduma 2: GBTP

Highlight

Copy