Popular Bible Verses from Aromduma 2

Share

Fum bihɛ de la ŋwani, fum de se'em za'a, ti fum gakera nɛreba en iti yele sɛ'a, gee ita yele aŋa mɛa fum mɛŋa, fum ti'ihɛ ti fum wan piiɛ Yinɛ gakerɛ la? Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

Bala zuo, fum ka tari fum yeti n ka baŋɛ mɛ, fum de nɛre se'em woo, fum han gakɛ basɛba. Fum n gakɛ ayima la, fum sagum la fum mɛŋa n bala. Beni zuo, fum se'em en de gakera la, iti la yele aŋa mɛa.

Se'ere en sɔi la, Yinɛ ka lugehe.

La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

Se'ere en sɔi la, a yeti a yɔ nɛra woo la en tum se'em.

Sɛba me en eere ba mɛhi en boti se'em la, ka nana yelemɛŋerɛ la, gee nana la tuunfi'iha la, Yinɛ sunsunyiim, la sunsunyiim tuulɛ en de ba dinɛ.

Gee fum sukãberɛ la, la fum n ka malum tɛɛra lagehɛ la sunsunyiim pagela fum zuo, gura sunsunyiim dabeherɛ la ti Yinɛ tuuntɔɔ gakerɛ la wan niiɛ fum zuo na.