Popular Bible Verses from Aromduma 1

Share

Vi ka tari mam la faarɛ yelehum wa. Beni zuo, bu dela Yinɛ faarɛ paŋa, bo' se'em woo en tari sakerɛ, Yuuduma yia, gee nyaa bɔ'ɔra Girikiduma.

Bo puan ti Yinɛ tuntɔɔnɛ la niira, dɔla sakerɛ puan, wuu lan pun gulehɛ se'em yeti, “Se'emdaana en de tuuntɔɔ wan vɔna mɛ la sakerɛ la.”

Pɔhɛ Yinɛ n naam tiŋa wa se'em, a paŋa la en ka tari ba'ahegɔ, la a naanɛ la, la ban pun sugɛ la, gee asaala bɔkɛ a mɛ, gee nyɛ ba kpaii, doohe sɛla woo ti Yinɛ naam la puan. Ŋwana zuo, asaala ka tari a yeti eŋa ka baŋɛ mɛ.

Se'ere en sɔi la, la ban pun mina Yinɛ wa la, ba ka na'aheri en wuu a dela Yinɛ, bii ba bɔ'ɔra en fara fara, gee ba tugum lebege la nɛrefɔgerɔ ba ti'ihegɔ puan. Ti ba putɛ'vɔya la en ti'ihɛ yele yaalehi la pirɛ la lika.

Se'ere en sɔi la, Ba tee Yinɛ yelemɛŋerɛ la en de se'em la mɛ bo' pumpɔreŋɔ, nyaa tugum na'aha gee malena malema bɔ'ɔra naanɛ, gee bahɛ naana la mɛŋa, se'em en nari pɛka saŋa woo la. Taari.

Yinɛ sunsunyiim ze'ele la saazuo ha niiɛ bahɛ nɛre sɛba be'em la ba tuunfi'iha en gu'uri yelemɛŋerɛ la.

Ŋwana zuo, ti Yinɛ dikɛ ba bo' zufagehum kunkoma'ahum, ti ba pɔgehi tee pɔka la buraa en naari taaba se'em la, bo' sadɔɔ seko en ka nari. Bala mɛa ti buraahi me tugum bahɛ ba naara la ba pɔgeba, gee tugum tara kunkoma'ahum la taaba, ti buraahi tuna zufagehum tuuma la ba burataaba, lageha namehegɔ kãtɛ biŋera ba mɛhi zuto ba tuure wa puan. Ban pun kelum ka bihɛ nyɛ ti la nari ba baŋɛ Yinɛ la, ti Yinɛ dikɛ ba bo' putɛ'ŋmɛlema dikɛ ba bo' yele yaalehi se'ehi en dagi ba tuna ma'a.

Ba yeti bamam dela yɛm duma, gee ba tugum lebege la geto, nyaa tugum tee dikɛ na'ahegɔ seko en de Yinɛ vua wa na'ahegɔ la bo' naanɛ sɛ'a en ŋwani la asaala en kiiri, bii niihe, bii duhi en tari nama anaahi, bii bunvuula.