Aromduma 11
11
Yinɛ ka zagehɛ Izirale za'a za'a
1 #
Fil 3.5
Mam soke nyaa, Yinɛ zagehɛ a nɛreba la mɛ n bala bii? Sore ka boi la fii me. Mam mɛŋa dela Izirale buuri, Aberaham yaaŋa, yehe Benyamin yizuo puan na. 2Yinɛ ka zagehɛ a nɛreba sɛba ti a pun mina ba na la. Ya ka mi' Yinɛ gɔŋɔ la en tɔgɛ Elia yele se'em, en yuum ŋmɛ'ɛri nupu'ɔ Yinɛ nɛŋan Izirale yele se'em la? 3#1 Nad 19.10, 14 “Daana, ba ku fum nɔtɔgeheba la la za'a, ba gbirege kaabegɔ zi'ihi la mɛ, ti mam ma'a en gee, ti ba ɛɛra mam me ti ba ku.” 4#1 Nad 19.18 Gee Yinɛ lebehego yuum dela kuni bo' en? “Mina ti mam tari nɔtɔgeheba tuha ayopɔi en ka makɛ na'ahɛ Baal bagerɛ la.” 5Bala mɛa, saŋa kana wa puan, fii wa boi ti Yinɛ looe ba a zu'uhegɔ la zuo. 6Gee la yi han dɛna la zu'uhegɔ zuo, la le dagena tuuma, han dagena bala, zu'uhegɔ yi dagi zu'uhegɔ.
7Beni en nyaa boi? Izirale koŋe ba to'e sɛla ti ba ɛɛra la mɛ. Sɛba ti Yinɛ pun looe la ma'a en nyɛ dɛ, gee bana la woo kãbɛ la ba suya, 8#Tii 29.4; Aza 29.10wuu lan gulehɛ se'em yeti,
“Yinɛ bo' ba la sia sɛka en ka bɔkeri,
nini en ka nyɛti
la tuba en ka wuni
wa'am na paaɛ zina beere wa.”
9 #
Yoo 69.22-23
Naba Deviti yeti,
“Bahɛ ti ba dia zi'ihi ta lebege bɛregɔ nyɔgɛ ba,
gee dɛna pirega pita ba, gee dɛna namehegɔ, nameha ba.
10Bahɛ ti ba nini pãarum, ti ba da nyɛta,
bahɛ ti ba uma da malum ihegera.”
Sɛba en dagi Yuuduma faarɛ
11Ti mam soke yeti, bala ba gɛ̃rɛ mɛ ta lu? Sore ka boi la fii me. Gee ba gɛrega la bahɛ ti faarɛ la paaɛ la sɛba en dagi Yuda buuri la, ti la bo' Iziraleduma la nintɛrega. 12Bala, ba gɛrega la han bahɛ ti tarega paaɛ tiŋa wa zuo, ti ba tɔregɔ la bahɛ tarega paaɛ sɛba en dagi Yuuduma la, gee ba nyaa han lebehe ze'ele suŋa suŋa la nyaa wan ana la ŋwani?
13Nananawa mam tɔgeri bɔ'ɔra la yamam sɛba en dagi Yuda buuri wa, se'ere en sɔi la, mam de Yinɛ tuntuna bo' yamam. Mam na'aheri n tuunɛ la mɛ, 14ti daanse'ere n bahɛ ti nyuure kɛ̃ mam mɛŋa nɛreba la, ti n ta'am faaɛ ba basɛba bahɛ. 15Bama en zagehɛ Yinɛ la han bahɛ ti naarɛ wa'am tiŋa wa zuo, la Yinɛ tiŋa suka na, gee ba Yinɛ to'ore nyaa wan ana la ŋwani, gana kum vo'ore. 16Zom sebo en dikɛ kaabera yia, dɛna yia wala bo'olum la, han dɛna tuulum bunɔ, zom la za'a yi dela tuulum bunɔ. Nyɛga la han dɛna tuulum bunɔ, yila la me dela tuulum bunɔ. 17Gee yila la a sɛ'a daa han kɔ' mɛ, ti ba dikɛ yamam en de olive tiyɛɛhɛ tubera na wa wa'am na toŋe yila la zi'ihi la, ti ya lagum nyuura olive nyɛga la ko'sumɔ la, 18ya da ŋmɛ'ɛra ya nyu'urɔ la yila sɛ'a en kɔ' la. Ya han ŋmɛ'ɛra ya nyu'urɔ, ya tɛra ti, dagi yamam en suŋeri nyɛgerɛ la, gee tile la en tugum suŋera yamam. 19Ya ta'am yeti, “Yila en aahum, ti ba ta'am dikɛ fum toŋe.” 20Bala dela asira. Gee yila la kɔ' doohe la ba bumbu'um zuo, gee yamam ze' doohe la sakerɛ zuo. Bala, da ŋmɛ'ɛra ya nyu'urɔ gee tum ze' ya la dabeem. 21Se'ere en sɔi la, Yinɛ daa han ka bahɛ bo' yelemɛŋerɛ yila la, daanse'ere a kan bahɛ bo' yamam me. 22Bala, mini ya Yinɛ itesuŋɔ, la a kpe'eŋo seko ti a tara la. A nini mu'ɛ mɛ la sɛba en lu la, gee tara Yinɛ itesuŋɔ dɔla yamam, wuu ya han bɔna a sum la puan, bii a ŋmaaɛ yamam me bahɛ. 23Izirale nɛreba la han ka kelum bɔna ba bumbu'um la puan, Yinɛ wan dikɛ ba naaɛ le yɛ'ɛha. Se'ere en sɔi la,Yinɛ tari paŋa ti a le dikɛ ba naaɛ le yɛ'ɛha. 24Se'ere en sɔi la, ba daa han ŋmaaɛ yamam olive tiyɛa puan na naaɛ la timɛnka puan, ŋwani ti bana en tugum dɛna timɛnka yila wa kan le ta'am dikɛ naaɛ ba mɛŋa olive mɛnka yila la puan yɛ'ɛha.
Izirale za'a wan nyɛ faarɛ
25Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa. 26#Aza 59.20 Bilam ti Izirale za'a nyaa wan nyɛ faarɛ wuu lan gulehɛ yele se'em ti,
“Zaayɔn puan, ti Faara la wan yehe na,
A wan sagum tuunfi'iha za'a Yakɔbe buuri la puan.”
27 #
Aza 27.9; Yɛr 31.33-34 “Mam nɔnaarɛ en ŋwana ti en naaɛ la ba wa,
en han ta saalum ba be'em la za'a bahɛ.”
28Han dɛna la yelehum la, ba dela Yinɛ dinduma yamam zuo. Gee han dɛna loohego, bamam ti Yinɛ nɔŋɛ, ba yaabeduma zuo. 29Se'ere en sɔi la, Yinɛ bo'olum, la a yi'a ka lukere. 30Wuu yamam en daa nan ka nane Yinɛ, gee nananawa nyaa nyɛ Yinɛ nimbɔ'zɔrɛ bamam ka nane la zuo la, 31bala mɛa ti bamam me ka nana, ti la bahɛ ti Yinɛ en zɔ yamam nimbu'ɔ se'em la, bamam me to'e nimbɔ'zɔrɛ dinɛ mɛa. 32Se'ere en sɔi la, Yinɛ pagɛ ba za'a la akanane puan, ti a ta'am zɔ ba za'a nimbu'ɔ.
33 #
Aza 55.8
Bihɛ,Yinɛ tarega, la a yɛm la a mi'ilum pirɛ paaɛ mɛ ka tara tɛka. A gakerɛ gaŋɛ bɔkerɛ mɛ, ti a sɔya la ba' dɛna nyalema gaŋɛ bɔkerɛ!
34 #
Aza 40.13
“Ani en tabelɛ mina Daana la puti'irɛ?
Bii ani en de a ka'ana?”
35 #
Yob 41.11
Bii ani en tabelɛ bo' Yinɛ bo'olum,
“Bii tabelɛ bo' en sɛla, ti a to'e gee lebehe en?”
36 #
1 Kor 8.6
Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.
Currently Selected:
Aromduma 11: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.
