Popular Bible Verses from Aromduma 11

Share

Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.

Bihɛ,Yinɛ tarega, la a yɛm la a mi'ilum pirɛ paaɛ mɛ ka tara tɛka. A gakerɛ gaŋɛ bɔkerɛ mɛ, ti a sɔya la ba' dɛna nyalema gaŋɛ bɔkerɛ!

“Ani en tabelɛ mina Daana la puti'irɛ? Bii ani en de a ka'ana?”

Bala mɛa, saŋa kana wa puan, fii wa boi ti Yinɛ looe ba a zu'uhegɔ la zuo. Gee la yi han dɛna la zu'uhegɔ zuo, la le dagena tuuma, han dagena bala, zu'uhegɔ yi dagi zu'uhegɔ.

Gee yila la a sɛ'a daa han kɔ' mɛ, ti ba dikɛ yamam en de olive tiyɛɛhɛ tubera na wa wa'am na toŋe yila la zi'ihi la, ti ya lagum nyuura olive nyɛga la ko'sumɔ la, ya da ŋmɛ'ɛra ya nyu'urɔ la yila sɛ'a en kɔ' la. Ya han ŋmɛ'ɛra ya nyu'urɔ, ya tɛra ti, dagi yamam en suŋeri nyɛgerɛ la, gee tile la en tugum suŋera yamam.