Popular Bible Verses from Aromduma 10

Share

Beni zuo, ya han purɛ la ya nɔya, ti Yezu en de Daana, gee nam la ya suya ti Yinɛ vo'e en kum la puan mɛ, ya wan nyɛ faarɛ.

Se'ere en sɔi la, nɛra ni nam mɛ la a suure, ti Yinɛ bo' en buurɔ, gee me ni purɛ la a nuurɛ nyɛ faarɛ.

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Gɔŋɔ la puan yeti yaa, “Se'em ka boi nam Yezu, ti vi di a daana.” Yima yima ka boi Yuda la Girikiduma tiŋasuka. Daana ayima en de ba za'a Daana, gee me bɔ'ɔra ti la sɛkera se'em woo en yi' en. Se'ere en sɔi la, “Se'em woo en yi' Daana la yu'urɛ wan nyɛ faarɛ.”

Gee ba yeti ba iŋɛ la ŋwani muulɛ, han dagena ba tum ba mɛ? Wuu lan gulehɛ se'em yeti, “Bihɛ sɛba en tari faarɛ yelehum la kina na la nama en ani se'em suŋa suŋa.”

Gee nɛreba yeti ba iŋɛ la ŋwani yi' se'em ti ba ka nam en? Gee ba yeti ba iŋɛ la ŋwani nam se'em ti ba ka tabelɛ wum a yele? Gee ba yeti ba iŋɛ la ŋwani wum, se'em han ka muulɛ bo' ba?

Se'ere en sɔi la, Kiresta en de ze'elego la ba'ahegɔ, ti tuuntɔɔ vom la nyaa bɔna bo' se'em woo en nam en.