Maki 9

1Ti Yezu yele ba yeti, “N yeti ya la yelemɛŋerɛ paaɛ paaɛ, ti yan ze' ka'lam wa, ya sɛba kan ki' gura ti ya nini ta nyɛ ti Yinɛ sɔ'ɔlum wa wa'am na la paŋa.”

Yezu iŋa teere

(Matu 17.1-13; Luki 9.28-36)

2 # 2 Pit 1.17-18 Dabeha ayoobe n tole, ti Yezu tari Pita, Yemesi, la Yɔn ti ba zom zoore zuo ha ba ma'a. Ba nyɛ la Yezu iŋa n tee ba nɛŋan, 3ti a futo la nyagera gee pelege yeri yeri pelegere se'ere taaba ti nɛra ka bɔna timpaberɛ wa zuo wan ta'am dikɛ sɛla pee lɔkɔ ti kɔ yehe paaɛ bala. 4Ti ba yeti ba bihɛ ti Elia la Moose n bala tɔgera la Yezu. 5Ti Pita yele Yezu yeti, “Pa'ala, ka'lam bɔŋa ani suŋa bo' tu. Bala bahɛ ti tu ti' suga atã ka'lam, fum deyima, Moose deyima, la Elia me deyima.” 6Pita yeen daa ɛ baarena mɛ ka mina n yeti sɛla se'ere en sɔi la, dabeem n ba' kɛ̃' ba. 7#Mak 3.11; Luk 3.22 Ti sagbanɛ zibege na pi' ba, ti kua ze'ele sagbanɛ la puan tɔgɛ bahɛ na yeti, “Mam mɛŋa Dayua n ŋwana, se'em ti mam nɔŋɛ, kelehe ya en!” 8Bilam bilam ti ba limehe kaaɛ, ka nyɛ nɛra nɛra gee gee la Yezu ma'a.

Elia lɛbega na

9 # Mak 8.30 Ban ze'ele zoore la zuo sigera na la, ti a ka'am ba, ti ba da yele nɛra nɛra sɛla ti ba nyɛ gura ti Asaala Dayua wa ta vo'e a kum la puan na. 10Bala ti ba tara yele wa ba ma'a, ba suya puan gee nyaa ti'iha a vo'e a kum la puan vuurɛ en de sɛla. 11#Mal 4.5; Mat 11.14 Ti ba soke en yeti, “Ŋwani ti gɔnmi'ineba la yeti, Elia wan wa'am yia na?”

12 # Sir 48.10 Ti Yezu lerege ba yeti, “Eliya en sirum wan wa'am yia na, la a malum ze'ele sɛla woo suŋa. Ŋwani ti ba ye gulehɛ yeti, Asaala Dayua la wan doohe namehegɔ zo'e zo'e puan tole ti ba zeem en? 13Gee mam yeti ya ti Elia pun wa'am mɛ na, ti nɛreba iŋɛ en ban boti se'em wuu ban pun gulehɛ a yele se'em la.”

Yezu tibɛ budibela n tari Kulekpa'bɛ'a

(Matu 17.14-21; Luki 9.37-43a)

14Ban ze'ele zoore la zuo sige na paaɛ Yezu zahereba basɛba la zi'an la, ba nyɛ ti nɛrekuuŋɔ n kaaɛ ba mum, ti gɔnmi'ineba la basɛba ŋmɛ'ɛra nɔkpe'ene la ba. 15Nɛrekuuŋɔ la n nyɛ en la, la iŋɛ ba la pakerɛ, ti ba zɔ tu'uhɛ en, pu'uhɛ en. 16Ti Yezu soke ba yeti, “Beni nɔkpe'ene ti ya ŋmɛ'ɛra la ba?” 17Ti Nɛra ayima ze'ele nɛrekuuŋɔ la puan lerege en yeti, “Pa'ala, mam tari la n dayua wa wa'am fum zi'an na, se'ere en sɔi la, Kulekpa'bɛ'a n daani en ti a pun kan ta'am tɔgɛ. 18Kulekpa'bɛ'a wa han ni ta gbirege en, a ni zɛkɛ en mɛ fɔbɛ timpaberɛ, ti nɔtɔ-fulunfuka gala, ti a ɔbera nyɛna, gee kuhɛ kankaŋi. Ti mam yele fum zahereba wa ti ba sa'ɛ Kulekpa'bɛ'a wa, gee ba ka nyaŋɛ.” 19Ti Yezu lerege ba yeti, “Yamam akataresakerɛ saŋa-duma wa, mam wan bɔna la ya yuue la ŋwani? Mam wan doohe ya paaɛ la ŋwani beene? Tari ya en na bo' mam.” 20Ti ba tari bia la paaɛ a zi'an. Kulekpa'bɛ'a la en nyɛ Yezu la, a fɔbɛ bia la la timpaberɛ ti ka bilena kaara ti nɔtɔ-fulunfuka gala. 21Ti Yezu soke bia la sɔ yeti, “La daam bia wa yuue la ŋwani?” Ti a yeti, “La pɔhɛ en la a bumbilemen ha. 22Kulekpa'bɛ'a wa ni ta'am zɛ en mɛ lobe bugum bii ko'om puan, zigera a sagum en. Gee fum han wan nyaŋɛ iŋɛ sɛla, zɔ tu nimbu'ɔ gee suŋɛ tɔ.” 23Ti Yezu yele en yeti, “Fum han wan nyaŋɛ! Sɛla woo wan tum bo' se'em daana n tari sakerɛ.” 24Bilam bilam ti bia la sɔ la kaahɛ buki yeti, “N sakɛ ya, suŋɛ mam en bu'uri wa.” 25Yezu en nyɛ ti nɛrekuuŋɔ la zoti na la, ti a tahɛ Kulekpa'bɛ'a la yeti, “Fum Kulekpa'bɛ'a wa n bahɛ ti bia wa ka tɔgera gee me ka wuna wa, mam yeti fum ti fum yehe a puan gee da le malum kɛ̃' en yɛ'ɛha!” 26Ti Kulekpa'bɛ'a la kaahɛ supi gee zɛkɛ bia la fɔbɛ timpaberɛ, gee nyaa yehe, gee ti bia la gã'a wuu kum la, ti nɛreba la zo'e zo'e yeti, “Bia la ki mɛ.” 27Ti Yezu paaɛ gurɛ bia la nu'o, ve'e en ihege, ti a ta'am ze'ele. 28Yezu en ta kɛ̃' yire la, ti a zahereba la ba ma'a soke en yeti, “Ŋwani ti tumam ka ta'am sa'ɛ Kulekpa'bɛ'a la?” 29Ti Yezu yele ba yeti, “Kulekpa'bɛ'a kana taaba kan ta'am yehe han dagena pu'uhegɔ la nɔlurɛ.”

Yezu le tɔgɛ a kum la a vo'ore yele

(Matu 17.22, 23; Luki 9.43b-45)

30Ti ba yehe bilam yɛ'ɛha, dɔla Galilii tɔla. Ti Yezu ka bɔta ti nɛra baŋɛ, 31se'ere en sɔi la, a pa'ali la a zahereba la. A yele ba yeti, “Ba wan koohe Asaala Dayua wa bo' saaleba ti ba ku en, ba han ku en, dabeha atã daarɛ, a wan vo'e kum la puan.” 32Gee a zahereba la ka bɔkɛ pa'alegɔ kuna wa vuurɛ gee ti dabeem me tara ba la ba soke en.

Ani en gani za'a?

(Matu 18.1-5; Luki 9.46-48)

33Ti ba wa'am Kapɛnum na, ti Yezu ta bɔna yire, soke zahereba la yeti, “Beni nɔkpe'ene ti ya ŋmɛ'ɛri ni sore la zuo?” 34#Luk 22.24 Gee ba yee la suram, se'ere en sɔi la, ban boni sore la zuo la, ba ŋmɛ'ɛri ni la nɔkpe'ene la taaba doohe la se'em en gani za'a ba puan. 35#Mat 20.26, 27; 23.11; Mak 10.43, 44; Luk 22.26 Ti Yezu zi'ire timpaberɛ, yi' a zahereba pia la bayi' la na yeti, “Fum se'em woo en boti fum dɛna yiadaana dela fum bɔna pooren gee dɛna yameŋa bo' nɛra woo.” 36Ti a yi' bia wa'am ba nɛŋan na, nyɔkɛ bia la zãla a nu'uhen, gee yele ba yeti, 37#Mat 10.40; Luk 10.16; Yɔn 13.20 “Fum se'em woo n to'e bia wuu kana wa mam yu'urɛ wa zuo, to'e la mam. Se'em woo n to'e mam me , ka to'e la mam ma'a, gee se'em daana n tum mam la na.”

Se'em n ka zaberɛ la tɔ, boi mɛ la tɔ

(Luki 9.49, 50)

38Yɔn yele Yezu yeti, “Pa'ala, tumam nyɛ la nɛra ayima ti a yi'ira fum yu'urɛ sa'aha Kulekpa'bɛ'ɛhi, ti tumam zigera ti tu gu' en, se'ere sɔi la, a ka dole tu.” 39Gee Yezu yele ba yeti, “La dagi ya gu' en, se'ere en sɔi la, nɛre se'em n yi' mam yu'urɛ wa tum kirega, kan ta'am kɔ'ɔm ŋmɛregɛ nananawa bii beere ha tɔgɛ mam yu'urɛ wa be'em. 40#Mat 12.30; Luk 11.23 Fum se'em woo n ka zaberɛ la tɔ, boi mɛ la tɔ. 41#Mat 10.42 Yelemɛŋerɛ ti yɛta ya wa, ti se'em n bo' ya ko'ma'ahega ti ya nyu, yan de Kiresta dinɛ la zuo, a daana yɔɔrɛ kan malum bɔregɛ la fii me.

Be'em pã'ahegɔ

(Matu 18.6-9; Luki 17.1, 2)

42“Ya se'em han dikɛ bɛregɔ biŋe mam kɔma wa ayima n sakɛ bo' mam wa ti a lu, la wan ani suŋa ti ba dikɛ nɛɛrɛ lu' a yugela za'aɛ en bahɛ ko'omen ti a muhi. 43#Mat 5.30 Fum nu'o han tara fum tuna be'em, ŋmaaɛ kɔ bahɛ. La ana suŋa ti fum ta kɛ̃' vom kamba'ahɛ la puan la nuyiŋɔ, la nyani fum ta kɛ̃' bugum timpaberɛ la nu'uhi siyi zi'an ti bugum la ka kiŋera la. 44#Aza 66.24 [Zi'an ti zunzuya sɛ'a n diti ba la ka kiira, ti bugum sebo n diti ba la ka malum kiŋera]. 45Fum na'arɛ han tara fum tuna be'em, ŋmaaɛ dɛ. La ani suŋa ti fum ta kɛ̃' vom kamba'ahɛ la puan la na'yinɛ, nyana fum ta kɛ̃' bugum timpaberɛ la puan la nama ayi', [zi'an ti bugum la ka kiŋera la], 46#Mak 9.44 [zi'an ti zunzuya sɛ'a n diti ba la ka kiira, ti bugum sebo n diti ba la me ka malum kiŋera]. 47#Mat 5.29 Fum niho han tara fum tuna be'em, kpikɛ bu bahɛ. La ani suŋa ti fum ta kɛ̃' Yinɛ sɔ'ɔlum la puan la ninyimɔ, nyana fum ta kɛ̃' bugum timpaberɛ la nini i yi'. 48#Aza 66.24 Zi'an ti zunzuya sɛ'a n diti ba la ka kiira, ti bugum sebo la me n diti ba ka malum kiŋera.

49“Ba wan magehɛ nɛreba la bugum bihɛ. 50#Mat 5.13; Luk 14.34, 35 Yaarum ani suŋa mɛ, gee bu za'ahum han yehe, fum wan iŋɛ bu la ŋwani ti bu le za'ahum? Bahɛ ya ti ya vom ana wuu yaarum sumɔ la, gee boni ya la taaba la suma'ahum.

Currently Selected:

Maki 9: GBTP

Highlight

Copy