Maki 8

Yezu diihe nɛreba tuha anaahi

(Matu 15.32-39)

1Dabeha aŋa mɛa puan daarɛ deyima ti nɛrekuuŋɔ le lagehɛ Yezu zi'an yuue, ti dia ka bɔna ti ba wan di. Ti a yi' a zahereba la yeti, 2“Nɛrekuuŋɔ wa tari mam la nimbu'ɔ, se'ere en sɔi la, ba boi ka'lam la mam la dabeha, ka tara sɛla wan di. 3N han bahɛ ba ti ba kule la kom buna wa, ba wan vibe sore. Basɛba me ze'ele la zi'an n ba' zaaɛ na.” 4Ti Yezu zahereba la lerege en yeti, “Nɛra yeti a iŋɛ la ŋwani ta'am nyɛ dia muɔ wa puan diihe nɛrekuuŋɔ wa?” 5Ti Yezu soke ba yeti, “Ya tari la boroboro ba lɛ?” Ti ba yeti, “Boroboro bayopɔi.” 6Ti a bo' ba nuurɛ ti ba bahɛ ti nɛreba la zi'ire timpaberɛ. Gee nyaa to'e boroboro bayopɔi la, bu Yinɛ fara ba'ahɛ, gee fige boroboro la bo' a zahereba la ti ba tɔrɛ. Ti ba tɔrɛ nɛrekuuŋɔ la za'a. 7Ba me tari zim fii, ti a pu'uhɛ bahɛ zim la me zuo, gee yele a zahereba ti ba tɔrɛ bamam me. 8Ti nɛrekuuŋɔ la di tigɛ, gee ti a zahereba la doohe va nɛreba la en di gee bahɛ sɛla la pirɛ pitɔ tuyopɔi. 9Nɛreba wa paaɛ wuu tuha anaahi. Ti Yezu nyaa keehe ba ti ba kiŋɛ. 10N keehe ba bã'ahi la, a kɔ'ɔm zom la uureŋɔ la a zahereba la ti ba kiŋɛ Dalemanuta timpaberɛ.

Ba eere la daalehum

(Matu 12.38-42; 16.1-4)

11 # Mat 12.38; Luk 11.16 Ti Farasiiduma wa'am Yezu zi'an na pɔhɛ ŋmɛ'ɛra nɔkpe'ene la en, sɔkera en ti, a iŋɛ daalehum sebo en ze'ele saazuo na, ti ba makɛ en bihɛ. 12#Mat 12.39; Luk 11.29 Ti Yezu si'im a suure puan paaɛ paaɛ, gee yeti, “Ŋwani ti zina beere nɛreba ɛɛra daalehum? N yeti ya la yelemɛŋerɛ ti, daalehum ka boi wan bo' zina beere nɛreba wa.” 13Gee bahɛ ba gee le zom uureŋɔ yakɛ yakenɛ deyima ha.

Farasiiduma la Hɛrɔd du'urɔ

(Matu 16.5-12)

14Yezu zahereba la tamɛ mɛ ka tari boroboro zo'e na, gee tara la boroboro deyima ma'a uureŋɔ la puan. 15#Luk 12.1 Ti Yezu ka'am ba yeti, “Tari ya ya mɛhi suŋa, mini ya Farasiiduma la Hɛrɔd du'urɔ la yele.” 16Ti ba yele taaba yeti, “Tumam en ka tari boroboro la zuo ti a yɛta ŋwana wa.” 17Ti Yezu baŋɛ ban tɔgeri sɛla la, yele ba yeti, “Ŋwani ti ya tɔgera ya ka tari boroboro yele? Yamam kelum ka nyɛta bii bɔkera? Ya puti'ira la ka lebegere? 18#Yɛr 5.21; Eze 12.2; Mak 4.12 Yamam tari la nini gee i ka nyɛta, yamam tari la tuba gee ti a ka wuna? Yamam ka tɛri? 19Mam daa fige boroboro banuu la bo' tuha anuu la, pitɔ tu lɛ ti ya daa doohe va pirɛ, ban daa di tigɛ gee bahɛ sɛla la?” Ti ba yele en yeti, “Pia la tuyi'.” 20“Gee mam daa le fige boroboro bayopɔi bo' tuha anaahi la,” pitɔ tu lɛ ti ya daa va pirɛ, ban daa di tigɛ gee bahɛ sɛla la? Ti ba yele en yeti, “Pitɔ tuyopɔi.” 21Ti a yele ba yeti, “Ti Yamam kelum ka bɔkɛ?”

Yezu tibɛ fua Bɛtesaada

22Ti Yezu la a zahereba la wa'am Bɛtesaada. Ti nɛreba basɛba tari fua wa'am a zi'an na, belum en ti a kalum en la a nu'o. 23Ti Yezu gurɛ buraa wa nu'o, tari ka yehe ha timbila la puan nyaa ta tubehɛ nɔtuurum ma' fua la nini, gee dikɛ a nu'uhi pagelɛ ka zuo, gee soke en yeti, “Fum nyɛti sɛla?” 24Ti buraa la gorege bihɛ gee yeti, “N nyɛti nɛreba, gee ba ani mɛ wuu tiihi n kinɛ la.” 25Ti Yezu le dikɛ a nu'o kalum buraa la nini la, ti ka kpa biha zii ti ka fɔɔlum la bahɛ en, ti ka nyaa kɔ'ɔm nyɛta sɛla woo fa'a. 26Ti Yezu keehe en yeti, kula da pun le doohe timbila la puan.

Pita pa'alɛ Yezu en de se'em

(Matu 16.13-20; Luki 9.18-27)

27Ti Yezu ɛɛra la a zahereba la kiŋɛ Kasariya Filipi timbibehi puan, ti a ta soke a zahereba wa yeti, “Nɛreba yeti mam dela ani?” 28#Mak 6.14-15; Luk 9.7-8 Ti ba lerege en yeti, “Yɔn ko'sɔɔra la, ti sɛba me yeti, Elia, ti sɛba me kelum yeti, fum dela nɔtɔgeheba la ayima.” 29#Yɔn 6.68-69 Ti a soke ba yeti, “Gee yamam me yeti mam dela ani?” Ti Pita lerege en yeti, “Fum de Kiresta la.” 30Ti Yezu ka'am ba la ninmu'urɛ yeti, ba da yele nɛra nɛra eŋa en de se'em.

Yezu ti'ele tɔgɛ a kum la a vo'ore yele

(Matu 16.21-28; Luki 9.22-27)

31Ti Yezu pɔhɛ pa'ala a zahereba la yeti, Asaala Dayua wan doohe namehegɔ kãtɛ puan, ti pu'uhegɔ yire kiinduma, la malema kiinduma, la gɔnmi'ineba zagehɛ en, gee ti ba ku en. Gee dabeha atã daarɛ, a wan vo'e kum la puan. 32A tɔgɛ yele ana wa la peelumen, ŋwana ti Pita tari en lebe kinkɛleŋa ha, ta yele en la ninmu'urɛ yeti, “[Yinɛ gu'] ti yele ana da paaɛ hɔ.” 33Ti Yezu ŋmɛregɛ bihɛ a zahereba la gee tahɛ Pita yeti, “Lebe pooren ha Sagena wa. Fum puti'irɛ ka boi Yinɛ yɛla puan gee di boi la asaala yɛla puan.”

34 # Mat 10.38; Luk 14.27 Gee nyaa yi' nɛrekuuŋɔ la, la a zahereba la, yele ba yeti, ya han bɔta ti ya dɛna mam zahereba, ya zagehɛ ya mɛhi gee dikɛ ya pumpuuredɔɔ zi dɔla ma. 35#Mat 10.39; Luk 17.33; Yɔn 12.25 Se'ere en sɔi la, sɛba en boti ba faaɛ ba vom wan koŋe bu, sɛba en ka gagɛ ba koŋe ba vom mam la en faarɛ yelehum wa zuo wan nyɛ bɔ. 36Beni yɔɔrɛ ti ba wan nyɛ, ba han nyɛ timpaberɛ wa zuo lɔgerɔ za'a gee koŋe ba nyɔvore? 37Nɛra wan sirum dikɛ la bem tee a vom? 38Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Currently Selected:

Maki 8: GBTP

Highlight

Copy