Matu 27

Ba tari Yezu kiŋɛ Palete zi'an

(Maki 15.1; Luki 23.1, 2; Yɔn 18.28-32)

1Beere n ta nyiie la, ti malema kiinduma la za'a, la yizuto kiinduma pun sɔhɛ mɛ la taaba ba wan iŋɛ se'em ku Yezu. 2Ti ba ba' en, tari en kiŋɛ ta bo' timbihega nɛŋadaana Palete.

Yudasi Mi'ihi Pirega

(Tuuma 1.18, 19)

3 # Tuum 1.18-19 Yudasi, se'em n koohe Yezu la n ta wum ti ba gakɛ Yezu me la, la daam en mɛ, ti a tari salempɛɛla kila pihitã la lebe ta bo' malema kiinduma la yizuto kiinduma la. 4A yele ba yeti, “Mam tum la be'em la mam en koohe nɛra en ka mi' se'ere.” Gee ba lebehe yeti, “Dina pakɛ tumam la bɛ? Fum mɛŋa la fum yɛla.” 5Yudasi en dikɛ salempɛɛlega kila la lobe bahɛ pu'uhegɔ yire la puan la, a yehe mɛ, kiŋɛ ta yule la mi'ihi. 6Gee malema kiinduma la n pi'ihe salempɛɛlega kila la, ba yeti, “La dagi de sore ti tu dikɛ ba pa'ahɛ Yinɛ ligeri la puan, i dela ziim ligeri” 7Ban zi'ire sɔhɛ la taaba ba'ahɛ la, ba dikɛ ligeri la ta da' la yagumbaha daana zi'an ti ka dɛna saama pi'a zi'an. 8Dina wa zuo, samanɛ dinɛ yu'urɛ yi'ira la ziim samanɛ, wa'am na paaɛ zina. 9#Zɛk 11.12-13 La wa'am na tum doohe la nɔtɔgeha Yɛremiya n yuum purɛ se'em yeti, “Ba to'e la salempɛɛlega kila pihitã en de se'em ti ba pun di a da'a ba'ahɛ la yua ligeri la. Se'em ti Izirale nɛreba basɛba pun di a da'a ku la. 10Ba dikɛ ligeri wa ta da' la yagumbaha samanɛ wuu Daana la en tɔgɛ se'em bo' mam la.”

Palete soke Yezu yɛla

(Maki 15.2-5; Luki 23.3-5; Yɔn 18.33-38)

11Ti Yezu zɛ'a timbihega nɛŋadaana la nɛŋan, ti a sɔkera en yeti, “Fum en de Yuuduma naba la?” Ti Yezu lerege en yeti, “Fum yele la bala wa.” 12Gee malema kiinduma la, la yizuto kiinduma la en zuuheri en la, a ka lerege. 13Ti Palete soke en yeti, “Fum ka wuni ban tari yele sɛ'a zo'e zo'e zuuhera fum wa?” 14Gee Yezu ka lerege en se'ere, la yeleyinɛ me. Ti la iŋɛ naba la pakerɛ paaɛ paaɛ.

Yezu bii Barabase

(Maki 15.6-15; Luki 23.13-25; Yɔn 18.39—19.16)

15Azɔɛtole de'eŋo saŋa puan la, la dela ba malema ti timbihega nɛŋa daana la ni yu'ɛ nɛra paka deen puan bahɛ na, nɛrese'em ti nɛreba la bɔta ti ba yu'ɛ en bahɛ na. 16Sankana wa la, ba tari la tuunfi'iha daana ayima se'em yu'urɛ en yehe, ti ba yi'ira en Barabase, Diimen Diimen gulehɛgɔ la Yi'iri en Yezu Barabase. 17Ban lagehɛ na la, ti Palete soke ba yeti, “Ani ti ya bɔta ti en yu'ɛ bahɛ bo' ya, Barabase bii Yezu se'em en ti ba yi'ira Kiresta la?” 18Se'ere en sɔi la, a mi' ti nyuure zuo ti ba tari Yezu na bo' en la. 19Eŋa n zi' kuka la zuo ti a gakɛ la, ti a pɔga bo' en sɔɔleŋa yeti, “Da bahɛ ti fum nu'o lagum bɔna buraa wa en de tuuntɔɔ wa kua puan, se'ere n sɔi la, zina mam namehɛ en zaaheŋɔ puan mɛ a zuo.” 20Ti malema kiinduma la, la yizuto kiinduma la belum nɛreba la ti ba yeti, ba yu'ɛ Barabase bahɛ gee ku Yezu. 21Ti timbihega nɛŋadaana wa le soke ba yeti bana bayi' wa, “Ini ti ya bɔta ti n yu'ɛ bo' ya?” Ti ba lebehe yeti, “Barabase.” 22Ti Palete yele ba yeti, “Gee n wan iŋɛ Yezu la ti ba yi'ira Kiresta la la bem?” Ti nɛreba la za'a yeti, “Bahɛ ti ba kpa' en!” 23Ti a soke ba yeti, “Ŋwani, Beni be'em ti a tum?” Gee nɛreba la malum voole gaŋɛ la bala yeti, “Bahɛ ti ba kpa' en!”

Palete Dikɛ Yezu Tihɛ

24 # Tii 21.6-9 Bala, Palete n ta baŋɛ ti a kan ta'am iŋɛ sɛla, gbiregeri n tugum yɛ'a na la, ti a dikɛ ko'om pee a nu'uhi nɛrekuuŋɔ la nɛŋan yeti, “Mam ka mi' se'ere buraa wa ziim ka'arɛ puan. Ya mɛhi la ya yɛla.” 25Ti nɛreba la za'a yeti, “A ziim taala dɔla tumam la tu kɔma!” 26Ti a yu'ɛ Barabase bo' ba, gee ti ban ŋmɛ' Yezu ba'ahɛ la, ti a nyaa bo' ba nuurɛ ti ba tari en ta kpa'.

Pɛntiireba ɛregɛ Yezu

(Maki 15.16-20; Yɔn 19.2, 3)

27Ti timbihega nɛŋa daana wa pɛntiireba tari Yezu ta kɛ̃ timbihega daana yikãtɛ la puan, ti ba kã'ahɛ tiŋa la pɛntiireba woo na mum en kaaɛ. 28Ti ba yɛɛhɛ a lɔgerɔ, gee dikɛ fumɔlegɔ yɛ en. 29Ban pa'am gu'uhi muŋa la ba'ahɛ la, ba dikɛ vuge la a zuo, dikɛ dibega zãlɛ a zuɔ nu'o gee nyaa dɔbeta a nɛŋan ɛregera en yeti, “Yuuduma naba wa, bɔna wuuha!” 30Ti ba tubihɛ nɔtuurum ma' en, gee to'e doore la ŋmɛ a zuo. 31Ban ɛregɛ en ba'ahɛ la, ba yɛɛhɛ a lɔgerɔ la mɛ, gee tee dikɛ a mɛŋa lɔgerɔ la yɛ en, gee tari en kiŋɛ ti ba ta kpa.

Yezu kpa'a

(Maki 15.21-32; Luki 23.26-43; Yɔn 19.17-27)

32Ban kiŋɛ yehe ha la, ba paaɛ la buraa n yehe Saarin tiŋa ti ka yu'urɛ yi'ira Simɔn, ti ba pɛregɛ buraa wa ti ka zɛ pumpuuredɔɔ la. 33Ti ban kiŋɛ na paaɛ zi'an ti ba yi'ira Gɔlegɔta la, (di vuurɛ dela zuwama zi'an), 34#Yoo 69.21 ti ba bo' en daam ti a nyu, ti ya'am gɛregɛ bini, gee n lem la, a zagehɛ mɛ. 35#Yoo 22.18 Ban kpa' en ba'ahɛ la, ba ŋmɛ' la gbaŋa tɔrɛ a futo la. [Ŋwana iŋɛ ti sɛla ti nɔtɔgeha la tɔgɛ la wa'am sira na. Ba tɔrɛ la mam futo la ba mɛhi, gee ŋmɛ gbaŋa futo zuo.]#27.35 Diimen diimen gulehɛgɔ tuseto tari ka'lam. 36Ti ba nyaa zi'a bilam mɛa bihera en. 37A zuin, ba gulehɛ la gulehɛgɔ yagelɛ ti gulehɛgɔ la yeti, “Yezu en ŋwana, Yuuduma naba la.”

38Nageyigehi siyi ti ba lagum kpa' la Yezu, ayima a zuɔ nu'o, ayima a gɔbega nu'o. 39#Yoo 22.7; 109.25 Sɛba woo n dole bilam bɔba tɔla, kɔ'ɔm tuura mɛ gee lɔbera ba zuto, 40#Mat 26.61; Yɔn 2.19 gee yɛta yeti, “Fum se'em n wan gbirege pu'uhegɔ yire la bahɛ gee mɛ dɛ dabeha atã puan la n bala, faaɛ fum mɛŋa. Fum han sirum dɛna Yinɛ dayua la, ze'ele pumpuuredɔɔ wa zuo sige na.” 41Bala mɛa ti malema kiinduma, gɔnmi'ineba, la yizuto kiinduma la ɛregera yeti, 42“A faaɛ sɛba mɛ, gee kan ta'am faaɛ amɛŋa. Eŋa en de Izirale naba. A ze'ele pumpuuredɔɔ la zuo sige nananawa na, gee tu wan sakɛ bo' en. 43#Yoo 22.8 A dele la Yinɛ. Yinɛ la yi faaɛ en bahɛ nananawa na, wuu a han bɔta, se'ere en sɔi la, a yeti eŋa dela Yinɛ Dayua.” 44Ti Nageyigehi la ti ba kpa' la Yezu la me lagum woole Yezu bala mɛa.

Yezu Kum

(Maki 15.33-41; Luki 23.44-49; Yɔn 19.28-30)

45Ze'ele Wuntɛɛŋa yɛ'a ha, ti lika wa'am na pi' tiŋa la za'a tari ta paaɛ gogo kaareŋa butã bɔba. 46#Yoo 22.1 46 Ti gogo kaareŋa butã bɔba la, ti Yezu kaahɛ voole bahɛ na yeti, “Eli Eli lama sabakitani?” De vuurɛ dela, “N Yinɛ, N Yinɛ, ŋwani ti fum zagehɛ mam?” 47Nɛreba la n ze' bilam la basɛba n wum la, ba yeti, “Buraa wa yi'iri la Eliya.” 48#Yoo 69.21 Bilam bilam ti ba ayima zɔ ta dikɛ soosoo tum daam mi'ihego puan, dikɛ vile dibega dikɛ ta bɔ'ɔra en ti a nyu. 49Gee basɛba yeti, “Bahɛ ya ti tu gu'uhi ya bihɛ Elia wan wa'am na faaɛ en bahɛ.” 50Ti Yezu lebe kaahɛ supi, gee vo'ohe a vo'ohum za'a. 51#Yɛh 26.31-33 Sankaŋa ti pu'uhegɔ yire puan tanɛ la ze'ele saazuo ahegɛ buyi' na paaɛ tiŋa. Ti tiŋa miim, ti tahi wɔ̃rɛ. 52Ti Yɔɔrɔ be'ehe, ti nɛresunduma sɛba en pun ki la ihege ba kum la puan. 53Yezu en ta vo'e a kum la puan la, ti nɛresunduma wa nyaa yehe ba yɔɔrɔ la puan na kɛ̃ tuulum tiŋa la puan, dikɛ ba mɛhi pa'alɛ nɛreba zo'e zo'e. 54Pɛntiira la la sɛba n boi la en ti ba zɛ'a gura Yezu la en nyɛ sɛla woo en iŋɛ la, dabeem kãtɛ en kɛ̃ ba, ti ba yeti, “Yelemɛŋerɛ, buraa wa dela Yinɛ Dayua.”

55 # Luk 8.2-3 Pɔgehi zo'e zo'e me boi bini, zɛ'a kinkɛleŋa ha gee biha na. Si doohe Yezu la bala Galilii na tuna bɔ'ɔra en. 56Pɔgehi wa puan, Mɛɛri Magedalin, boi bini mɛ, la Mɛɛri se'em en de Yemesi la Yosefe ma la, la pɔge sɛka en me de Zebedii dayɔɔhi siyi la ma la.

Yezu laarɛ

(Maki 15.42-47; Luki 23.50-56; Yɔn 19.38-42)

57Zaanuurɛ n ta paaɛ la, ti buntata ayima en ze'ele Arimatiya, ti a yu'urɛ yi'ira Yosefe, me dɛna Yezu zaha. 58Eŋa n kiŋɛ Palete zi'an, ta suhɛ en ti a dikɛ Yezu iŋa la bo' en. Ti Palete bo' nuurɛ ti ba dikɛ iŋa la bo' en. 59Ti Yosefe to'e iŋa la, dikɛ fupɛɛlega n ani suŋa pɔbɛ iŋa la, 60nyaa tari ta laaɛ a mɛŋa yɔpɔɔlegɔ puan, a nyɔ yɔɔ wa la taŋa puan. Ti a nyaa bilege tankãtɛ lige yɔɔ la nuurɛ gee kule. 61Mɛɛri Magedalin la Mɛɛri ayima n daa boi bini, da yee zi'a tɔ yɔɔ la.

Gureba boi yɔɔ la zi'an

62Ti yimbeere la en de maaheŋɔ dabeherɛ la me yimbeere la, Ti malema kiinduma la, la Farasiiduma lagehɛ Palete zi'an, 63#Mat 16.21; 17.23; 20.19; Mak 8.31; 9.31; 10.33-34; Luk 9.22; 18.31-33 nyaa yele en yeti, “Naa, tu tɛri ti pumparuma la n daa nan vɔi la, a daa yeti, ‘Dabeha atã daarɛ n wan ihege.’ 64Bala zuo, bo' nuurɛ ti ba gura yɔɔ la ta paaɛ dabeha atã daarɛ la. Han dagena bala a zahereba la wan kiŋɛ ta zu en kiŋɛ gee yele nɛreba ti, ‘A vo'e a kum la puan.’ Ti pumpɔreŋɔ kuna wan gana yia pumpɔreŋɔ la.” 65Ti Palete yele ba yeti, “Ya tari pɛntiireba sɛba en de gureba kiŋɛ ya ya ta gura yɔɔ la suŋa suŋa wuu yan wan nyaŋɛ se'em.” 66Ŋwana ti ba kiŋɛ la gureba la, gee malum lɛ, yɔɔ la suŋa suŋa suŋa.

Currently Selected:

Matu 27: GBTP

Highlight

Copy