Luki PƆHEGA
PƆHEGA
Faarɛ yelehum la wuu Luki en gulehɛ bu se'em la, a dikɛ Yezu ti a dɛna la Izirale faara sɛka ti Yinɛ biŋe nuurɛ la, la saala woo faara. Luki gulehɛ yeti, Fa'a Sia la en yi' Yezu, ti a “Tari faarɛ na bo' naheduma” (Luki 4.18) ti faarɛ yelehum buna wa pirɛ mɛ la nimbɔ'zɔrɛ bɔ'ɔreba nɛra woo, la sumboolum woo. Nyɛɛma yele dela sɛla en boi Luki gɔŋɔ wa puan, yele yele wuu, ku pɔhega puan en muuli Yezu kinɛ na la, ta paaɛ ku ba'ahegɔ, zi'an ti Yezu zom saazuo la. Yezu sore dɔlega la en zo'ore se'em, Yezu en wa zom saazuo ba'ahɛ la, dela nɛre se'em en gulehɛ tuuma gɔŋɔ la. Nyɛɛma yetɔgum la Nɛre se'em en gulehɛ gɔŋɔ kuna wa la en pa'ali yele ana tuuma gɔŋɔ la puan.
Wila ayi en boi gɔŋɔ wa puan. (Lakerɛ buyina yɛ'a buyi', la lakerɛ buwai' yɛ'a pia la buwai'), tari la yɛla zo'e zo'e en boi gɔŋɔ kuna ma'a puan. Wuu suŋereba la yuunɛ la, la dunkiima la en kiŋɛ ta bihɛ Yezu dɔgum la, la Yezu en yee pu'uhegɔ yire la puan en daa nan de bia la, la Samariya nɛre sunkɔ la, la bia la en yehe gee lebe na la makerɛ la. Gɔŋɔ kuna wa puan, ku ninmu'urɛ yele ba' dɛna la, pu'uhegɔ, Fa'a Sia, la pɔgehi en daa tuni se'em Yezu tuuma la puan, Yinɛ en diti sugeri se'em bɔ'ɔra be'em.
Yele sɛ'a en boi gɔŋɔ wa puan
Pɔhega Luk 1.1-4
Yɔn ko'sɔɔra la dɔgum, la a biilemen, la Yezu me biilimen Luk 1.5—2.52
Yɔn ko'sɔɔra la tuuma Luk 3.1-20
Yezu ko'om sua, la a makerɛ Luk 3.21—4.13
Yezu en niiɛ nɛreba nɛŋan tuuma Galilii puan. Luk 4.14—9.50
Ta paara Yerusalɛm Luk 9.51—19.27
Yezu dabeha ayopɔi sɛ'a en ba'ahɛ za'a, ti a pɔra Yerusalɛm, gee iŋɛ sɛla, la en boi Yerusalɛm puan gee iŋɛ sɛla Luk 19.28—23.56
Daana la ihegere, en niiɛ a mɛŋa, la a saazuo lɛbega Luk 24.1-53
Currently Selected:
Luki PƆHEGA: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.