Luki 5

Yezu yi' a yia zahereba

1 # Mat 13.1, 2; Mak 3.9, 10; 4.1 Saŋa kayima ti Yezu zɛ'a lɛm Genesarete ateko la ti nɛrekuuŋɔ mike za'ara en na ti ba wum Yinɛ yelehum la, 2ti Yezu nyɛ ti uurenɔ tuyi' boi mɔgerɛ la ko'om la nɔgbene. Bala ma'a ti zim nyɔgereba la bahɛ uurenɔ la mɛ, gee pɛɛra ba yugehi. 3Ti Yezu zom uureŋɔ la kuyima n de Simɔn dinɛ, gee nyaa yele Simɔn yeti, za'ɛ uureŋɔ wa ti ku kiŋɛ nɛŋa fii ha. Ti a nyaa zi'a uureŋɔ la zuo gee pa'ala nɛrekuuŋɔ la. 4En tɔgɛ ba'ahɛ la, a yele Simɔn yeti, “Za'ɛ fum uureŋɔ la bahɛ ko'kɔ'ɔlum la ha, lobe fum yuka la bilam, gee fum wan nyɔgɛ zim.” 5#Yɔn 21.3 Ti Simɔn yele en yeti, “Naa, tumam zaam tum la bala yu'uŋɔ na, gee ka nyɔkɛ la biileŋa me, gee fum han yele bala, n wan lobe yuka la.” 6#Yɔn 21.6 Ban iŋɛ bala la, ba nyɔgɛ la zim zo'e zo'e, ti ba yuka la pɔhɛ aaheŋɔ. 7Ti ba nyaa yi' ba taaba n me boi ba uureŋɔ puan ti ba wa'am na suŋɛ ba, ti ba wa'am na pirɛ uurenɔ tuyi' la za'a, ti uurenɔ la pɔhɛ muhera. 8Gee Simɔn Pita n nyɛ ŋwana la, a lu la Yezu nama tiŋa yɛta ti, “Kiŋɛ gee bahɛ mam n Daana, mam dela be'em Daana.” 9Se'ere en sɔi la, Pita la sɛba woo n boi la en la, la iŋɛ ba la pakerɛ paaɛ paaɛ la zim la n ba' zo'e se'em ti ba nyɔgɛ la. 10Bala mɛa ti la iŋɛ Yemesi la Yɔn n de Zebedii dayɔɔhi, gee dɛna taaba la Simɔn la. Ti Yezu yele Simɔn yeti, “Da zɔta dabeem, yehe nananawa yɛ'a ha, fum yeti fum tara la nɛreba kina na bɔ'ɔra mam.” 11Ban tari ba uurenɔ la dooe doone na la, ba bahɛ sɛlawoo mɛ, gee dɔla Yezu.

Yezu tibɛ insageŋɔ daana

(Matu 8.1-4; Maki 1.40-45)

12Saŋa kayima, ti Yezu bɔna tiŋa kayima puan, ti insageŋɔ kɔ'ɔm to'e buraa kayima iŋa za'a. En nyɛ Yezu la, a suure la tiŋa paaɛ paaɛ, gee belum Yezu yeti, “Daana, fum han bɔta, fum tibɛ mam.” 13Ti Yezu tiɛ a nu'o kalum en gee yeti, “Mam boti. Nyɛ fum tibegɔ.” Bilam bilam ti insageŋɔ la bahɛ en. 14#Malm 14.1-32 Ti Yezu bo' en nuurɛ ti a da yele nɛra nɛra se'ere. “Kiŋɛ, la fum dikɛ fum mɛŋa ta pa'alɛ malema daana la, gee bo' tibegɔ bo'olum la wuu Moose n bo' ya nuurɛ se'em la, ti la dɛna aze' nyɛ daana bo' ba.” 15Gee saŋa kana wa la ti Yezu yele pun malum yiregɛ mɛ zi'an woo gana dinɛ n tabelɛ yiregɛ se'em. Nɛreba kekeko ni lagehɛ mɛ ti ba kelehe en, gee nyɛ ba bã'ahi tibega. 16Gee a ni yehe mɛ, kiŋɛ zi'an ti nɛra ka bɔna bini a ma'a ta pu'uhɛ.

Yezu tibɛ kɔɔreŋɔ

(Matu 9.1-8; Maki 2.1-12)

17Daarɛ deyima ti Yezu pa'ala, ti Farasiiduma, la sɛba n pa'alɛ Moose ze'elego la zi'a bilam bɔba (Ba ze'ele la timbibehi n boi Galilii la Yuda la Yerusalɛm puan na), ti Daana la paŋa bɔna la en, ti a tibera. 18Sankaŋa mɛa puan ti buraahi sise'ehi ziira kɔɔreŋɔ suŋɔ puan kina na. Ba zigɛ mɛ ti ba tari ni en paaɛ Yezu nɛŋan biŋe, 19gee ban ka nyɛ fole wan tari en paaɛ Yezu nɛŋan nɛrekuuŋɔ la zuo la, ba zom la deo la zuin ha, ta ahegɛ fole bini, dikɛ en doohe bilam a suŋɔ la puan, wa'am na ze'ele nɛreba la tiŋasuka, Yezu nɛŋan. 20Yezu n nyɛ ba sakerɛ la, a yele kɔɔreŋɔ la yeti, “Asaala wa, ba bahɛ fum be'em la bo' fum.” 21Ti gɔnmineba la, la Farasiiduma la pɔhɛ sɔkera yeti, “Ani n de ena tɔgera tuura bala? Ani n wan ta'am bahɛ nɛra be'em han dagena Yinɛ ma'a?” 22Yezu n baŋɛ ban sokere se'ere ba suya puan la, ti a yele ba yeti, “Ŋwani ti ya sɔkera sokere dina taaba ya suya puan? 23De deni n de naana ti n yele, ‘N bahɛ fum be'em bahɛ la bii, ihege la fum kina’? 24Gee ŋwana n wan bahɛ ti ya baŋɛ ti, mam Asaala Dayua la tari paŋa tiŋa wa zuo, ti n bahɛ nɛra be'em bo' en.” Gee nyaa yele kɔɔreŋɔ la yeti, Mam yeti fum mɛ “Ihege, dikɛ fum suŋɔ kula.” 25Bilam bilam ti kɔɔreŋɔ wa ihege ze'ele ku nama zuo ba nɛŋan, vaaɛ a suŋɔ la ti a ni gã'a ku zuo la, kula gee pɛgera Yinɛ. 26Ti la pakɛ nɛra woo paaɛ paaɛ, ti ba pɛgera Yinɛ, gee ti dabeem kɛ̃ ba, ti ba yɛta yeti, “Tu nyɛ yɛla en boi a tɔka zina.”

Yezu yi' Levi

(Matu 9.9-13; Maki 2.13-17)

27Ŋwana pooren, ti a yehe ta nyɛ ti Kuba tɔ'ɔha ti a yu'urɛ yi'iri Levi, zi'a kuba to'ohego zi'an. Ti a yele en yeti, “Dɔla mam.” 28Ti a ihege, bahɛ sɛla woo gee dɔla en.

29Ti Levi wa ta maahum de'eŋo kãtɛ yi' Yezu, ti kuba tɔ'ɔha duma zo'e zo'e, la nɛreba basɛba, wa'am na lagum zi'a dɛla taaba la ba, dia zi'an la. 30#Luk 15.1, 2 Ti Farasiiduma, la gɔnmi'ineba la nyɔna bɔ'ɔra Yezu zahereba la yeti, “Ŋwani ti yamam dita gee nyuura la kubetɔ'ɔhereba, la be'em duma wa?” 31Ti Yezu lerege ba yeti, “Sɛba n ka bɛ̃'ɛri, ka eere tiba, gee sɛba n bɛ̃'ɛri. 32Mam ka wa'am na ti n yi' la tuntɔɔduma, gee be'em duma ti ba tee.”

Nɔlurɛ sokere

(Matu 9.14-17; Maki 2.18-22)

33Ti ba nyaa yele Yezu yeti, “Yɔn zahereba, la Farasiiduma zahereba la luti ba nuurɛ tabela mɛ, gee pu'uha, gee fum dɔleba wa kɔ'ɔm dita mɛ gee nyuura.” 34Ti Yezu yele ba yeti, “Fum kan ta'am iŋɛ ti pɔgedire saama lu' nuurɛ gee ti pɔgedita la nan bɔna la ba. Fum wan nyaŋɛ? 35Dabeha kini na, ti ba wan dikɛ pɔgedita la kiŋɛ gee bahɛ ba, bilam ti ba nyaa wa luta nɔya dabeha aŋa puan.” 36Ti Yezu tɔgɛ makerɛ bo' ba yeti, “Nɛra ka anhegere fupaalega tanɛ pɛ'ɛra ligera fukɛka yoko. A han iŋɛ bala, tanpaalɛ la wan ahegɛ gee bahɛ fukɛka la. Le yɛ'ɛha, tanɛ paalɛ la pun kan naaɛ la fukɛka la. 37Nɛra me ka boi dikeri daam n kele, su'ura laŋa kɛka puan. A han iŋɛ bala, daam la n kele la wan tahɛ laŋa la, gee ka'ɛ, ti laŋa la me sagum. 38Gee daam n nan kele, dela bu su' daam laŋa paalega puan. 39Nɛra me ka boi nyu zaam daam n kele ba'ahɛ, gee le bɔta zina daam n ka kele. A wan yeti, ‘Zaam daam la ani suŋa.’ ”

Currently Selected:

Luki 5: GBTP

Highlight

Copy