Luki 6

Vo'ohego Dabeherɛ Sokere

(Matu 12.1-8; Maki 2.23-28)

1 # Tii 23.25 Vo'ohego dabeherɛ deyima, ti Yezu dɔla ki va'am puan tɔla, ti a zahereba la kɔ'ɔra ki la ŋmiina pɛbeha ɔbera. 2Ti Farasiiduma la basɛba nyɛ yeti, “Ŋwani ti ya ita sɛla n dagi ma'a vo'ohego dabeherɛ puan?” 3#1 Sam 21.1-6 Ti Yezu lerege ba yeti, “Yamam ka kãalɛ sɛla ti Deviti yuum iŋɛ, eŋa la a taaba la ti kom yuum tara ba la? 4#Malm 24.9 Deviti yuum kɛ̃ la Yinɛ yire la puan ta dikɛ Tuulum boroboro la n pa'ali ti Yinɛ boi la tu la, dɛna kihere ti nɛra nɛra ka ɔbera, han dagena malema daana la ma'a la? Deviti yuum obe de mɛ, gee bo' a taaba la.” 5Gee nyaa yele ba yeti, “Asaala Dayua la n de vo'ohego dabeherɛ la Daana.”

Buraa nu'o n ki

(Matu 12.9-14; Maki 3.1-6)

6Vo'ohego dabeherɛ deyima ti Yezu kɛ̃' zamehegɔ yire la puan ta pa'ala, ti buraa bɔna bini ti ka zuɔ nu'o ki. 7Ti gɔnmi'ineba la, la Farasiiduma la ana kɛli gee biha nyaa a wan tibɛ en vo'ohego dabeherɛ la puan ti ba ta'am nyɛ se'ere zuuhe en. 8La Yezu n pun mina ban ti'ihɛ se'em la, a yele buraa la nu'o n ki la yeti, “Wa'ana ze'ele ka'lam.” Ti buraa la ihege ze'ele. 9Ti Yezu yele nɛreba la n boi bini la yeti. “N soke ya, la de ma'a ti nɛra tum sum vo'ohego dabeherɛ puan bii a tum be'em? A faaɛ vom bahɛ bii a sagum vom?” 10Ti Yezu bihɛ nɛreba la kaaɛ, gee yele buraa la yeti, “Tiɛ fum nu'o la.” Ti a tiɛ a nu'o la, ti nu'o la iŋɛ sum. 11Gee lan iŋɛ bala la, la daam ba mɛ, ti ba suure nyiie, ti ba tɔgera la taaba ban wan iŋɛ Yezu se'em.

Yezu looe a zahereba pia la bayi'

(Matu 10.1-4; Maki 3.13-19)

12Dabeha aŋa mɛa puan ti Yezu yehe kiŋɛ zoore zuo ha ti a ta pu'uhɛ, ta bɔna bini ha yu'uŋɔ la za'a pu'uha Yinɛ. 13Ti beere en ta yilegɛ la, ti a yi' a zahereba la za'a na, nyaa looe ba pia la bayi' sigɛ ba yu'urɛ tuntuneba. 14Simɔn ti a sigɛ en Pita, la a suuɔ Anduru, Yemesi, Yɔn, Filipi, Batolomi, 15Matu, Tɔmasi, Yemesi dayua Alifeyusi Simɔn ti ba yi'ira Zɛlɔti la, 16la Yudasi en de Yemesi dayua, la Yudasi Isikariyɔte se'em en ŋma'ara la.

Yezu pa'ali gee tibera

(Matu 4.23-25)

17Ti a sige na la ba, ze'ele zi'an en naaɛ taaba la a zahereba la zo'e zo'e, la nɛrekuuŋɔ en ze'ele Yuda tiŋa bɔberɛ woo na, la Yerusalɛm bɔberɛ woo, ta ta' la Taai la Sidɔn tihi ateko nɔgbɛma tihi la. 18Ba woo wa'am na ti ba kelehe la Yezu pa'alegɔ, gee ti a tibɛ ba bã'ahi, ti sɛba ti kulekpa'bɛ'ɛhi daana ba me nyɛ ba tibegɔ. 19Ti nɛrekuuŋɔ la za'a zigera ti ba kalum Yezu zi'an se'ere en sɔi la, se'em woo en kalum en, paŋa en ni ze'ele a puan yehe na tibɛ a daana.

Sum la sageŋɔ

(Matu 5.1-12)

20Ti Yezu gorege bihɛ a zahereba la gee yeti,

Sum boi mɛ la yamam sɛba n nameheri wa,

Se'ere en sɔi la Yinɛ sɔ'ɔlum la dela ya dinɛ.

21Sum boi mɛ la yamam sɛba ti kom tara ya nananawa,

Se'ere en sɔi Ya wan ta tigɛ.

Sum boi mɛ la yamam sɛba en kele nananawa,

Se'ere en sɔi la Ya wan ta la'.

22 # 1 Pit 4.14 “Sum boi mɛ la ya, nɛreba han yaaɛ ya, ka dikera ya pa'ahɛ nɛreba puan, tuura ya gee Sagena ya yu'ura Asaala Dayua wa zuo, 23#2 Yel 36.16; Tuum 7.52 nyɛɛni ya dabeherɛ la puan, ɛgeri ya la nyɛɛma se'ere en sɔi la, yɔkãtɛ boi saazuo ha gura ya gee ba yaabeduma en yuum pun iŋɛ nɔtɔgeheba la se'em n bala.

24“Gee yele boi buntateba zuo,

se'ere en sɔi la, ya pun diŋɛ nyɛ ya sumbugehum mɛ.

25Yele boi yamam sɛba en tigɛ nananawa,

se'ere en sɔi la, kom wan ta nyɔkɛ ya.

Yele boi yamam sɛba en la'ari nananawa la,

se'ere en sɔi la, ya wan ta kɛla gee si'ina.

26“Yele boi fum se'em daana ti nɛra woo tɔgera fum sum yɛla ma'a, se'ere en sɔi la ba yaabeduma yuum iti pumpã'ahum nɔtɔgeheba la la bala.

Nɔŋɛ fum Dima

(Matu 5.39-48; 7.12a)

27“Gee mam yeti yamam sɛba en kelehere mam wa yeti, Nɔŋɛ ya dinduma, iti ya sum bɔ'ɔra sɛba en yaaɛ ya, 28ka'ari ya sum bɔ'ɔra sɛba n pɔti nɔya bɔ'ɔra ya, gee suha Yinɛ bɔ'ɔra sɛba en tuure ya. 29Se'em han lobe fum sapɛka, ŋmɛregɛ ka yima la bo' en ti a lobe pa'ahɛ. Se'em han dikɛ fum daansika , dikɛ banaa la pa'ahɛ en. 30Bo' se'em woo en suhɛ fum sɛla, ti se'em me han dikɛ fum lɔkɔ, da soke en ku yele. 31#Tɔb 4.15; Mat 7.12 Ita bɔ'ɔra sɛba wuu fum boti ba ita se'em bɔ'ɔra fum la.

32“Ya han nɔŋɛ sɛba en nɔŋɛ ya ma'a, beni nyuurɔ ti ya wan nyɛ? Be'em duma pun nɔŋɛ la sɛba en nɔŋɛ ba ma'a 33Ya han ita sum bɔ'ɔra sɛba n iti ya sum ma'a, beni nyuurɔ ti ya wan nyɛ? Be'em duma la pun iti bala me mɛ. 34Ya han suŋera la sɛba ti ya mina ti ba wan lebehe bo' ya ma'a, beni nyuurɔ n wan bɔna bo' ya? Be'emduma pun bɔ'ɔra la be'emduma, ti ba malum nyɛ pa'ahɛ. 35Gee nɔŋɛ ya dinduma, iti ya sum, gee bɔ'ɔra, gee da ti'ihɛ ya ti ya lebehe to'e sɛla. Ya yɔɔrɛ wan dɛna yɔkãtɛ, gee ti ya dɛna Gaŋɛ za'a Yinɛ wa kɔma. Se'ere en sɔi la, Yinɛ iti sum bɔ'ɔra sɛba en ka nane sɛla la putɔpa mɛ. 36Bala, tari ya nimbɔ'zɔrɛ wuu ya Sɔ en tari nimbɔ'zɔrɛ se'em la.

Taaba Gakerɛ

(Matu 7.1-5)

37“Da gakɛ, ti ba da gakɛ fum me, Da sagum ayima, ti ba da sagum fum me. Bahɛ ayima tuure bo' en, ti ba bahɛ fum me tuure bo' fum. 38Bo' gee ba me wan lebehe bo' fum. Ba wan bo' ti la zo'e, di'ihe, zugehe zugehe, ti la pirɛ suŋa, yabera, ti fum to'e ɔ̃belɛ nyu'ɔ. Fum n makɛ se'em tihɛ la, bala mɛa ti fum wan lebehe to'e.”

39 # Mat 15.14 Ti Yezu le dikɛ makerɛ tɔgɛ bo' ba yeti, “Fua wan ta'am tari fua ti ba kina? Ba za'a kan ta lu boko puan? 40#Mat 10.24-25; Yɔn 13.16; 15.20 Zahera ka gani a pa'ala. Gee se'em woo n zaŋɛ wan ana wuu a pa'ala la. 41Ŋwani ti fum nyɛta sɔkɔ n boi fum suuɔ niho puan, gee ka mina ti dibega boi fum niho puan? 42Bii fum wan iŋɛ la ŋwani yele fum suuɔ yeti, ‘N suuɔ, bahɛ ti n dikɛ sɔkɔ wa n boi fum niho wa puan bahɛ, gee ka nyɛta dibega la n boi fum mɛŋa niho la puan la.’ Birekɔgehi wa, dikɛ dibega la n boi fum mɛŋa niho puan la bahɛ yia, gee la fum nyɛta suŋa la fum ta'am dikɛ sɔkɔ la n boi fum suuɔ niho la puan la bahɛ.

Tia la ka wala

(Matu 7.16-20; 12.33-35)

43“Tisuŋa ka boi wuna wala pu'uha, bii tia n ka ani suŋa wuna walesuma. 44#Mat 12.33 Se'ere en sɔi la, Ba mi' tia woo doohe la ka wala puan. Ba ka pi'ihe mu'uro zaahi tiŋa, bii ba pi'iha ta'ama tuntuuro tiŋa. 45#Mat 12.34 Nɛresuŋɔ la en tari yelesuma a suure puan la yeheri la yelesuma ma'a, ti nɛre be'o la me en tari be'em a suure puan la, me yeheri la yelebe'ero ma'a a puan na. La dela sɛla en zo'e suure la puan la ti nuurɛ tɔgera.

Ɛ̃ba ayi'

(Matu 7.24-27)

46“Ŋwani ti ya yi'ira mam ‘Daana Daana,’ gee ka ita mam en yɛta? 47N wan pa'alɛ ya se'em daana n wa'am na mam zi'an na wum mam yelehum wa gee ita bu n ani se'em. 48Ena daana ani me wuu yire ti nɛra yeti a mɛ, tu' tiŋa sige nyaa iibɛ ɛ̃berɛ la yagelɛ taŋa zuo. Ko'om han ta ɔkɛ, ti kulaahi pirɛ di na, yire la ze' me kankaŋi ka miina, se'ere en sɔi la, de yage la ɛ̃berɛ sunɛ zuo. 49Gee se'em n wum mam yelehum wa gee ka ita bu n yeti se'em la ani me wuu nɛra n kɔ'ɔm mɛ a yire tiŋanpu'a zuo, gee ka tu' mɛ ɛ̃berɛ. Ti kulaahi ta pirɛ di na, ti yire la kɔ'ɔm lu bilam bilam wuregam kɔ'ɔm saalum za'a za'a.”

Currently Selected:

Luki 6: GBTP

Highlight

Copy