Luki 15

Pehego n bɔregɛ makerɛ

(Matu 18.12-14)

1 # Luk 5.29-30 Sɛba woo en to'ohe kuba la, la be'emduma za'a du'uri en mɛ ti ba kelehe en. 2Ti Farasiiduma la, la gɔnmi'ineba la gɔgena yeti, “Nɛre-ina wa to'ohe be'em duma mɛ, gee dita la ba.”

3Ti Yezu makɛ makerɛ dina wa bo' ba yeti, 4“Ya ani en boi, tara piihi kɔbega, ti kuyima bɔregɛ, ti a daana kan bahɛ piihi pihiwai' la siwai' la sɛkan la, gee ɛɛra peyiŋɔ seko en bɔregɛ la tara tara ta nyɛ kɔ? 5A han nyɛ kɔ, a wan nyɔkɛ ku buke, gee nyɛɛna. 6A han wa'am na paaɛ yire, a wan yi' a zɔduma, la sɛba en kɛ̃'ɛ̃ri lɛm en, yele ba yeti, ‘Wa'am ya na nyɛɛm la mam, se'ere en sɔi la, n nyɛ n pehego la n bɔregɛ la.’ 7Bala mɛa ti n yɛta ya wa, ti nyɛɛma kãtɛ en ni bɔna saazuo ha, be'em daana ayima han tee a puti'irɛ, nyana tuuntɔɔ duma pihiwai' la bawai' en pun tee gee ka le bɔta teere.

Lage kɔberɛ bɔregerɛ

8“Bii beni pɔka n tari ka lage kuba pia, ti bu buyima han bɔregɛ, ti ka kan laŋɛ butolela, piihɛ bɔ'ɔ la za'a, gee ma'ɛ a mɛŋa bihɛ suŋa ta nyɛ a lagehɔ la? 9A han ta nyɛ bɔ, a wan yi' a zɔduma, la a mabiihi woo n ki'ire la en la yeti, ‘Wa'am ya na nyɛɛm la mam, se'ere n sɔi la, n nyɛ n lagehɔ la n bɔregɛ la.’ 10Bala mɛa ti n yɛta ya wa, Ti nyɛɛma kãtɛ n ni bɔna Yinɛ suŋereba tiŋasuka, be'em daana ayima han ni tee a puti'irɛ.”

Bia yɛhega makerɛ

11Ti Yezu nyaa yeti, “Buraa n wa bɔna tara a dayɔɔhi siyi. 12Ti bɛ'a la ta yele ba sɔ la yeti, ‘N sɔ, bo' mam n tɔtɛ n de se'em fum lɔgerɔ wa puan.’ Ti sɔ wa tɔrɛ a lɔgerɔ la bo' ba bayi' la. 13Ti la iŋɛ dabeha fii wa, ti dayɔbila la kã'ahɛ a tɔtɛ la za'a nɔgɛ kiŋɛ tiŋa n zaaɛ, ta mɔgɛ a lɔgerɔ la za'a bilam bura bura. 14En ta di sɛla woo ti a tara la ba'ahɛ la, ti kom pɛɛlega me sige tiŋa la puan zi'an woo, ti la nyaa pɔhɛ wuna en. 15Ti a dikɛ a mɛŋa ta bo' tiŋa la puan buraa kayima, ti kaŋa me tari en kiŋɛ va'amen puan ha ti a ta biha a kurikuri. 16Ti a suure ba' boti ni ti a pita a puurɛ la tipɔgerɔ la ti kurikuri la dita la, gee nɛra ka bo' en sɛla. 17A puti'irɛ en ta lebe na la, a yele a mɛŋa yeti, ‘Mam sɔ tara ba tuna la za'a diti tigera mɛ gee zɛ'ɛta. Gee mam ŋwana ti kom kuura ma wa! 18N wan ihege lebe n sɔ wa zi'an, ta yele en yeti, “N sɔ, mam tum la be'em bo' saazuo, la fum. 19Mam ka le nara ti ba yi' mam fum bia. Ita mam wuu fum sɛba ti fum tara tuna wa ayima.” 20Gee nyaa ihege to'e sore yɛ'a lɛbera a sɔ la zi'an. Gee en nan ta bɔna zaaɛ zaarɛ ha kina na la, ti a sɔ la nyɛ en baŋɛ, ti la ve'e en, ti a ihege zɔ tu'uhɛ en, gi' en mɔra, mɔgɛ en. 21Ti a dayua la yele en yeti, ‘N sɔ, mam tum la be'em bo' saazuo, la fum nɛŋan. Mam ka le nara ti fum yi' mam fum dayua.’ 22Gee sɔ la yi' la a da'aba la yeti, ‘Iŋɛ ya kalam tari fuo na, fuseko en ani suŋa gana futo la za'a la na yɛɛlɛ en. Tari ya salema nu'tua na pire a nu'dibila, gee tari tagera na pire en. 23Gee la ya nyɔkɛ nagepole sebo en karegɛ gana nii la za'a la na ku, ti tu obe gee de'em. 24Se'ere en sɔi la, mam dayua wa daa ki mɛ gee le vo'e, ka daa bɔregɛ mɛ, gee lebe na!’ Bala ti ba pɔhɛ de'eŋo.

25“Bala ma'a la ti kiima la boi la va'amen ha, en ta kula na pɔra yire la, a wum la yuuma la wa'ahi. 26Ti a yi' da'aberɛ de yima na soke en yeti, “Beni en iti?” 27Ti da'aberɛ la lerege en yeti, ‘Fum suuɔ la n lebena, ti fum sɔ ku nagepole sebo en karegɛ gana nii la za'a la, se'ere en sɔi la, sɔ la to'e en mɛ la inma'ahum.’ 28Ti kiima wa iŋɛ suure, ti eŋa kan kɛ̃. Ti sɔ la wum, yehe na bɛlena en. 29Ti a me zagehɛ, gee yele a sɔ la yeti, ‘N sɔ, kɛleha. Yuuma kekeko ti mam tuni bɔ'ɔra fum me wuu da'aberɛ la, ka tabelɛ zagehɛ fum nuurɛ. Gee la bala za'a, fum ka tabelɛ bo' mam bubila, ti n me lagehɛ n taaba na ti tu de'em. 30Gee fum dayɔkana wa en to'e fum lɔgerɔ la kiŋɛ ta mɔgɛ la yalunduma ba'ahɛ gee lebe na la, fum nyɔkɛ la nagepole n karegɛ gana za'a ku bo' en!’ 31Ti a sɔ la yele en yeti, ‘N dayua, fum boi la mam saŋa woo, mam en tari sɛla woo wa dela fum bunɔ. 32Gee la dela tu de'em gee nyɛɛm, se'ere en sɔi la, fum suuɔ wa daa ki mɛ gee vo'e. A daa bɔregɛ mɛ gee ti tu nyɛ en.’ ”

Currently Selected:

Luki 15: GBTP

Highlight

Copy