Luki 14

Yezu tibɛ buraa iŋa n pɔgelum

1Zi'an kayima ti Yezu ta yɛ'a, Farasiiduma nɛŋa daana ayima yire ti a ta di, vo'ohego dabeherɛ. Ti ba kɔ'ɔm pigera en nima nima. 2Bala ma'a la ti buraa iŋa za'a n pɔgelum en ze' Yezu nɛŋan. 3Ti Yezu ta soke yetɔge tɔgereba la la Farasiiduma la yeti, “La de sore ti fum tibɛ nɛreba vo'ohego dabeherɛ puan bii la dagi?” 4Ti ba sina. Bala ti Yezu yi' buraa la na, tibɛ ka gee bahɛ ti ka kiŋɛ. 5#Mat 12.11 Ti a nyaa yele ba yeti, “Ya se'em han tara bombila bii lɔlega ti ka lu bulega puan, ya kan yaaɛ ka kalam bulega la puan vo'ohego dabeherɛ la puan?” 6Ti ba ka ta'am wan lerege yele ana wa.

Sigehe mɛŋa, la itesuŋɔ

7Yezu en nyɛ ti saama la woo demehe nɛŋa duma kugehi la se'em la, ti a makɛ makerɛ dina wa bo' ba yeti, 8#Tɔg 25.6-7 “Nɛra han yi' fum a pɔgedire de'eŋo puan ti fum kiŋɛ, da paaɛ zi'ire nɛŋa duma kugehi la zuo, daanse'ere nɛrezure boi ha gana fum ti ba yi' en. 9Se'em daana en yi' yamam bayi' la ta'am ta wa'am me na yele fum yeti, ihege ka'lam gee dikɛ bahɛ ti ena tee zi'ire bini. Bala ma'a la, fum nyaa ihegere mɛ la fagehum, ta zi'ita zi'an en boi tiŋa. 10Gee ba han ni yi' ya zi'an ti fum ta paaɛ bini, kiŋɛ ta zi'ire kuge se'ehi en yeen zɛ'a bini la, ti se'em en yi' fum la han wa'am na, a wan yele fum yeti, n zɔ wa, ihege zom saazuo kugehi wa puan. Bala ti fum wan tara zuo sɛba woo en zi' la fum bimbine la zuo la. 11#Mat 23.12; Luk 18.14 Se'ere en sɔi la, sɛba woo en zɛkeri ba mɛhi, ba wan sige ba tiŋa, ti sɛba woo en sigehe ba mɛhi tiŋa, ba wan zɛkɛ ba.”

12Gee nyaa yele se'em en yi' en la me yeti, “Fum han yi'ira nɛreba ti ba wa'am fum yire na di wuntɛɛŋa, bii zaanuurɛ, da ni yi' fum zɔduma bii fum suurɔ bii fum nɛreba, bii kpɛ'ɛnduma sɛba en kɛ̃'ɛ̃ri lɛm fum ma'a, ti ba me wan ta yi' fum me lerege zuo, la ba lebehe yɔ hɔ 13Gee fum han yi'ira nɛreba ti ba wa'am na di la hɔ, yi' naheduma, kɔɔrenɔ, wɔbehi la fɔɔhi la na. 14Ŋwana ti fum wan nyɛ sum, se'ere en sɔi la, bamam kan ta'am lebehe yɔ hɔ. Fum wan ta to'e fum yɔɔrɛ la tuntɔɔduma vo'ore la.”

De'eŋo kãtɛ makerɛ

(Matu 22.1-10)

15Saama la ayima n lagum bɔna dia la puan la n wum ŋwana la, ti a yele Yezu yeti, “Sum wan bɔna la sɛba n wan ta bɔna Yinɛ sɔ'ɔlum la puan dita la!” 16Ti Yezu yele en yeti, “Nɛra ayima en daa iŋɛ de'eŋo kãtɛ nyaa yi' nɛreba zo'e zo'e. 17Ti dia la saŋa ta paaɛ ti a tum a da'aba ti a kiŋɛ ta yele sɛba woo ti a yi' la yeti, ‘Wa'ana gee sɛla woo maahum ba'ahɛ.’ 18Gee ti nɛreba la za'a pɔhɛ suhera sore. Yia daana la yeti, ‘Mam nan kɔ'ɔm da' la samanɛ, ti la dɛna n kiŋɛ de puan zina wa. Bala n beleni fum mɛ ti n kan ta'am wa'am na.’ 19Ti a yima me yeti, ‘Mam nan kɔ'ɔm da' la n nii kɔɔri i kɔɔhum bunuu, bɔta ti n dikɛ i kɔ bihɛ zina, bala n beleni fum mɛ, ti n kan ta'am wa'am na.’ 20Ti ayima me yeti, ‘Mam nan kɔ'ɔm di la pɔgesaaŋa bala zuo n kan ta'am wa'am na.’ 21Ŋwana ti da'aberɛ wa lebe ta yele a kpɛ'ɛma wa sɛla en iŋɛ. Ti kpɛ'ɛma wa suure nyiie, ti a yele a da'aberɛ wa yeti, ‘Yehe kiŋɛ sadɔkãra la sadɔbibehi woo zuto, la fum yi' naheduma, kɔɔrenɔ, fɔɔhi la wɔbehi woo ti ba la fum tari ba ka'lam na.’ 22Ti Da'aberɛ wa ta lebena yele ka daana wa yeti, ‘Fum yeti n iŋɛ se'em la tum ya, gee fole kelum bɔna.’ 23Ti kpɛ'ɛma wa le yele da'aberɛ wa yeti, ‘Le yehe sadɔkãra la, la sadɔbibehi la zuto, la fum darɛ nɛreba wa'am na pirɛ n yire wa. 24N yeti fum mɛ wa, ti sɛba woo ti mam yi' ba yia la, ba se'em nuurɛ kan vɛkɛ mam dia wa la fii me.’ ”

Yezu poore dɔlega sanɛ

(Matu 10.37-38)

25Nɛrekuuŋɔ n kini la Yezu, ti a ta ŋmɛregɛ yele ba yeti, 26#Mat 10.37 “Se'em woo en wa'am mam zi'an na gee ka yaaɛ a sɔ la ma, a pɔga la a kɔma, a kiinduma la a tapa, Ɛ̃ɛ, pun ta ta' la a mɛŋa vom, kan ta'am dɛna mam zahera. 27#Mat 10.38; 16.24; Mak 8.34; Luk 9.23 Se'em woo n ka zi a pumpuuredɔɔ dɔla mam, kan ta'am dɛna mam zahera. 28Ya ani en wan yeti ya mɛ dewoko, ka zi'ire yia bihɛ sanɛ se'ere n boi bini la a baŋɛ nyaa a tari zo'e wan mɛ deo la ba'ahɛ yoi? 29Han dagena bala, a han iibɛ biŋe gee ka ba'ahɛ, se'em woo en nyɛ ɛberɛ la wan ɛregera en 30yeti, de bɛɛ, ‘Nɛra wa daa pɔhɛ la mɛa, gee ka nyaŋɛ ba'ahɛ.’ 31Bii beni naba n wan yɛ'a ti a ta tɛ' pɛɛma la naba kayima, kan zi'ire yia ti'ihɛ bihɛ nyaa a pɛntiireba tuha pia la wan ta'am nyaŋɛ naba kayima la n tari pɛntiireba tuha pihiyi' la? 32A han bihɛ ti a kan nyaŋɛ, bala ma'a ti naba kana la nan zaaɛ ha la, a wan tum a kima, ti ba tu'uhɛ ba lu en ti suma'ahum wa'am na. 33Bala zuo, ya se'em kan ta'am dɛna mam zahera han dagena ya zagehɛ la sɛla woo.

Yaarum yɛla

(Matu 5.13; Maki 9.50)

34“Yaarum ani suŋa mɛ, gee yaarum han bɔregɛ bu za'ahum bahɛ, bu za'ahum la wan le iŋɛ la ŋwani lebe bu puan na? 35Bo ka tari tuunɛ bo' samanɛ, bii tampugerɛ. Ba ni kɔ'ɔm lobe yaarum bumɔ bahɛ mɛ. Bahɛ ti se'em n tari tuba ti a wuna, kɛleha!”

Currently Selected:

Luki 14: GBTP

Highlight

Copy