Yɔn 20

Yezu ihigere

(Matu 28.1-8; Maki 16.1-8; Luki 24.1-12)

1Bulika yu'uŋɔ yu'uŋɔ,Dabeha ayopɔi pɔhega daarɛ, ti la nan ka yilegɛ ba'ahɛ, ti Mɛɛri Magedalin wa'am yɔɔ la puan, nyɛ ti ba yehe tansɛka n dikɛ yu' yɔɔ la nuurɛ la mɛ. 2Ti a zɔ kiŋɛ Simɔn Pita, la Yezu zahera ayima la, se'em ti Yezu ba' nɔŋɛ la, zi'an ta yele ba yeti, “Ba dikɛ Daana iŋa la yɔɔ la puan mɛ. Tu me ka mi' ban tari en ta biŋe zi'an.” 3Ti Pita la Yezu zahera ayima la yehe yɛ'ɛha yɔɔ la puan. 4Ti ba bayi' la zɔta, ti a yima la zɔ gaŋɛ Pita wa'am na paaɛ yɔɔ la puan yia. 5Paaɛ suure bihɛ yɔɔ la puan ha, nyɛ ti tanɛ pɛɛlega la n dikɛ ni pɔ̃bɛ kum la, ga' yɔɔ la puan ha, gee a ka kɛ̃ yɔɔ la puan. 6Ti Simɔn Pita me paaɛ pooren na, tole kɛ̃ yɔɔ la puan, nyɛ ti tanɛ pɛɛlega la ga' mɛ, 7Ti tanɛ se'ere n dikɛ vile Yezu zuo la me ka gã'a lɛm tanpɛɛlega la, gee de me kilum de mɛŋa gã'a la kinkɛleŋa ha. 8Pooren ti Yezu zahera se'em n zɔ paaɛ yɔɔ la puan yia na la, me kɛ̃ yɔɔ la puan ha, me nyɛ bala mɛa, gee nam. 9Gee ŋwana ma'a wa la, ti ba ka bɔkɛ gulehegɔ la n yeti, a wan ihige a kum puan la. 10Ti zahereba wa lebe kule ba yiya.

Yezu Niiɛ a mɛŋa pa'alɛ Mɛɛri Magedalin

(Matu 28.9-10; Maki 16.9-11)

11Gee Mɛɛri Magedalin yee zɛ'a la yɔɔ la yiŋa kɛla. En kele la, ta suure bihɛ yɔɔ la puan ha, 12nyɛ ti suŋereba bayi' yɛ fupɛɛla, zi'an zi'an ti Yezu iŋa ga' ni la, ayima zi'an a zuin bɔba, ti ayima zi'an a nama bɔba 13Ti ba yele en yeti, “Pɔka wa, beni ti fum kɛla?” Ti a yele ba yeti, “Ba dikɛ n Daana iŋa la mɛ, n me ka mi' ban dikɛ ka ta biŋe zi'an.” 14En yele ŋwana ba'ahɛ la, a ŋmɛregɛ mɛ, ti Yezu n bala zɛ'a bini, gee a ka baŋɛ ti Yezu n bala. 15Ti Yezu soke en yeti, “Pɔka wa, beni ti fum kɛla? Fum eere la ani?” Ti pɔka la ti'ihɛ ti a dela va'am la daana, nyaa yele en yeti, “Naa, la han dɛna la fum n dikɛ iŋa la, pa'alɛ mam fum malum biŋe ka zi'an, ti n kiŋɛ ta dikɛ ka kiŋɛ.” 16Ti Yezu lerege en yeti, “Mɛɛri” Ti a ŋmɛregɛ yele en Heburu yetɔgum puan yeti, “Araboni!” (De vuurɛ dela pa'ala). 17Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ” 18Ti Mɛɛri Magedalin zɔ kiŋɛ ta muulɛ bo' Yezu zahereba la yeti, “Mam nyɛ Daana la.” Gee yele ba en yele en sɛla woo la.

Yezu niiɛ a mɛŋa bo' a zahereba

(Matu 28.16-20; Maki 16.14-18; Luki 24.36-49)

19Dabeha ayopɔi pɔhega daarɛ zaanuurɛ, ti Yezu zahereba la lagehɛ bɔna yire deyima puan, gee yu' yire la nayahi za'a, dabeem n tari ba Yuuduma la zuo. Ba ta yeti ba bihɛ ti Yezu kɛ̃ na zɛ'a la ba, pu'uhɛ ba yeti, “Suma'ahum bɔna la ya.” 20En pu'uhɛ ba ŋwana ba'ahɛ la, a tiɛ la a nu'uhi pa'alɛ ba, gee pa'alɛ ba a lugerɛ la me. Ti a dɔleba la nyɛɛna la ban le nyɛ Daana la. 21Ti Yezu yele ba yeti, “Suma'ahum bɔna la ya. Wuu sɔ la n tum mam na se'em la, bala mɛa ti mam me tuna ya.” 22En yele ba ŋwana ba'ahɛ la, a pebele la sabeeo tuule ba, gee yele ba yeti, “To'e ya Fa'a Sia la. 23#Mat 16.19; 18.18 Ya han bahɛ se'em woo be'em bo' en, la dela bala bo' a daana. Ya han ka bahɛ se'em be'em bo' en, la dela bala mɛa bo' a daana.”

Yezu la Tɔmasi

24Gee ŋwana woo la, ti Tɔmasi (se'em ti ba yi'ira liiberɛ la), dɛna Yezu zahereba la ayima la, daa ka boi la ba, Yezu wa'an ba zi'an na la. 25Bala zuo, zahereba bana la en ta yele en yeti, “Tumam nyɛ Daana la mɛ la.” A yele ba yeti, “Han dagena ti mam nyɛ la kpa'ahi yiha la a nu'uhen, la n dikɛ n nu'dibila doohe kpa'ahi la yiha la, gee le dikɛ n nu'dibila sa'abɛ a lugerɛ la ti kanɛ la daa lu' la, Mam kan nam.”

26Ti la le paaɛ dabeha ayopɔi, ti Yezu zahereba la le lagehɛ yire la puan, ti Tɔmasi bɔna bini. Ti ba yu' yire la kulehi la za'a. La ban yu' kulehi, Yezu wa'am me na, zɛ'a la ba, gee yele ba yeti, “Suma'ahum bɔna la ya.” 27Gee nyaa yele Tɔmasi yeti, “Dikɛ fum nu'dibila doohe n nu'o wa puan bihɛ, gee tiɛ fum nu'o doohe n lugerɛ wa. Da bu'ura, gee nam.” 28Ti Tɔmasi lerege en yeti, “Mam Daana la mam Yinɛ.” 29Ti Yezu yele en yeti, “Fum nyaa nam ya la fum nyɛ mam la zuo?” “Sum boi mɛ la sɛba n ka nyɛ gee kelum nam.”

Gɔŋɔ kuna wa tuunɛ.

30Yezu tum nyalema mɛ kekeko a zahereba la ninin, ti ba ka gulehɛ yele aŋa pa'ahɛ gɔŋɔ wa puan. 31Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Currently Selected:

Yɔn 20: GBTP

Highlight

Copy