മറ്‌ക്കോസ് 2
2
സപ്പെ ണോയിക്കാറാ്ന തെ്ള്‌സ്‌റാ്
1ലേസ ണാള് കളിന്ത പ്‌റ ഏസു കവറ്‌ണഗൂമിലിര്‌ന്ത് തിലിമ്പി ബന്താ്. ഏസു ഒരു കൂരേലിര്‌ക്കാദ്‌ണ ആള്‌ഗാക്ക് തെരിന്ത്‌ദ്. 2അച്ചെ അയ്യി കൂരേദ് ബയ്യി ബാസാത്തിലി ഗൂഡി കാല് ബെക്ക്യ എ്ഡെ ഇല്ലാദെ ആള്‌ഗ ബന്ത് തുമ്പികൊഡുത്താര്. ബന്ത ജനഗാക്കെ ഏസു ബുദ്ദിണായഗണ സൊല്ലികൊഡുത്താ്. 3അക്കുളെ ണാല് ആള് ഒരു സപ്പെ ണോയിക്കാറാന ഏസു പട്ട്‌ക്ക് സുമാന്ത് എ്ഡ്‌ത്ത് ബന്താര്. 4ആന ആള് കൂട്ടണാലെ സപ്പെ ണോയിക്കാറാ്ന ഏസു പട്ട്‌ക്കെ എ്ഡ്‌ത്ത് പോയ അവാര്‌ക്ക് മുഡ്യാലെ. അദ്‌ക്ക് അവാര് ഏസു ഇര്‌ന്താദ്‌ക്ക് ണേരെ കൂരെ മ്‌ഗാള്‌ണ ബായി ആക്കി അവാന ക്‌ഡാക്ക പായോഡെ ഇ്റാക്കിനാര്. 5ഏസു അവാര്‌ദ് ണമ്പിക്കേന കണ്ട് സപ്പെ ണോയിക്കാറാന്‌ക്കെ: <<മഗാനെ അയ്യ, ണിന്ന്‌ദ് പാവഗണെല്ല പൊറുത്തിര്‌ക്കെ>> എന്ത് സൊന്നാ്.
6അയ്യി ഗള്യേലി അദിലി ബേദ ബാത്ത്യല കുക്കാന്തിര്‌ന്താര്. അവാര് ഏസു സൊല്ലുറാദ്‌ണ കേ്ട്ട്: 7<<ഇയാള് എന്ത ഇച്ചെല്ല സൊല്ലുറാ്? ഇയാള് സാമിന കുറ്റ സൊല്ലുറാ്. സാമി ഒരുത്താന്‌ക്ക് അല്ലാദെ പാവണ പൊറുക്ക്യ മുഡ്യമാട്ട>> എന്ത് അവാര് മനേസ്സിലി ണെനേത്ത് കൊണ്ടിര്‌ന്താര്.
8ഇച്ചെ അവാര് മനേസ്സിലി ണെനേത്ത് കൊണ്ടിര്‌ന്താദ്‌ണ ഏസുക്ക് തെരിന്ത്: <<ണിമ്മ ഇച്ചെല്ല ണെനേക്കാദ് എന്ത്‌ക്ക്? 9സപ്പെ ണോയിക്കാറാന്‌ക്കെ <ണിന്ന്‌ദ് പാവഗണ പൊറുത്തെ> എന്ത് സൊല്ലുറാദൊ, ഇല്ലെ <ണീ ക്‌ഡാക്ക പായിന എ്ഡ്‌ത്ത് പോ> എന്ത് സൊല്ലുറാദൊ ഏദ് എ്ള്‌പ്പ?>> എന്ത് അവാര്‌ണ കേ്ട്ടാ്. 10<<ആന മന്‌സാനായി പ്‌റാന്ത എനാക്ക് ബൂമിലി പാവഗണ പൊറുക്ക്യ അദിഗാര ഇര്‌ക്ക്‌ദ് എന്ത് ണിമാക്ക് കാട്ടി തരെ>> എന്ത് സൊല്ലി ഏസു സപ്പെ ണോയിക്കാറാന്‌ക്കെ: 11<<ണാന് ണിനാക്കെ സൊല്ലുറെ, ണീ എ്ന്ത് ണിന്റ് ണിന്ന്‌ദ് ക്‌ഡാക്ക പായിന എ്ഡ്‌ത്ത് കൂരേക്കെ പോ>> എന്ത് സൊന്നാ്. 12അക്കുളെ അവാ് എല്ലാര്‌മ് ണോഡിര്‌ക്കാട്ടി താനെ എ്ന്താദ്‌മ് ക്‌ഡാക്ക പായിന എ്ഡ്‌ത്ത് ണഡാന്താ്. അദ്‌ണ കണ്ട ആള്‌ഗ അദിസ്യപട്ട്: <<ഇദ്‌ക്ക് മുന്തുക്ക് ഇച്ചെ ഒന്റുമെ കാണാഗെ ഇല്ലെ. ഈ സാമിക്ക് ഒഗെ>> എന്ത് സൊന്നാര്.
ണ്‌ഗ്‌ദി പിരിക്ക ലേവിന ഒളേക്കാ്
13പിന്നേമ് ഏസു ഗെലീലെ കഡാലോരാക്കെ പോഗാട്ടി തന്ന് പട്ട്‌ക്ക് മൊത്തന ആള്‌ഗ ബന്ത് തുമ്പിനാര്. ഏസു അവാര്‌ക്കെ ണല്ല ബുദ്ദിണായഗ സൊല്ലികൊഡുത്താ്. 14അദിലിര്‌ന്ത് ലേസ അക്കോസ പോഗാട്ടി, അല്‌പ്പായിദ് മഗാ് ലേവി എങ്ക ണ്‌ഗ്‌ദി പിരിക്കാറാ് ണ്‌ഗ്‌ദി പിരിക്ക#2:14ണ്‌ഗ്‌ദി പിരിക്ക റോമ ണാഡ് റാജാവു തന്ന് സീമേല്യ എ്ഡേഗളിലി ഇര്‌ന്ത്‌മ് ണ്‌ഗ്‌ദി പിരിക്ക്യ ഒരൊരു ആള്‌ഗണ ബെത്തിര്‌ന്താ്. ഇവാര് ആള്‌ഗണ അഡിത്ത് മെ്റ്‌ട്ടി ണ്‌ഗ്‌ദി ബാങ്കി ഇര്‌ന്താദ്‌ണാലെ എഗുദാര്‌ക്ക് അവാര്‌ണ കണ്ണ്‌ക്ക് പ്‌ഡിക്കാദില്ലെ. പട്ടിലി കുക്കാന്തിര്‌ക്കാദ്‌ണ ഏസു കണ്ടാ്. അവാന ഏസു: <<എന്ന് പിന്ന്‌ക്ക് ബാ>> എന്ത് ഒളേത്താ്. അയാള് എ്ന്ത് ഏസുദ് പിന്ന്‌ക്ക് പോനാ്.
15അയ്യി അന്തി ണാള് ലേവിദ് കൂരേലി ഏസുമ് ഏസുദ് സൊല്ലുപഡി ണഡാക്കവാര്‌മ് തീനി തിന്ന്യ കുക്കാന്തിര്‌ക്കാട്ടി, ണ്‌ഗ്‌ദി പിരിക്കവാര്‌മ് പാവ സെയ്‌രവാര്‌മാന എത്തിന്യൊ ആള്‌ഗ ബന്ത് അവാര്‌ദ് ഒപ്പ പന്തിക്ക് കുക്കാന്താര്. ഏസുദ് ഒപ്പ പോനവാരിലി അദിഗാമ് ഇച്ച്‌ളവാര്‌ത്തെ ഇര്‌ന്തിര്‌ന്താദ്. 16ഏസു അവാര്‌ദ് ഒപ്പ ഇര്‌ന്ത് തിങ്കാദ്‌ണ ബേദ ബാത്ത്യല ആന പരിസല കണ്ട് ഏസുദ് സൊല്ലുപഡി ണഡാക്കവാര്‌ക്കെ: <<ണ്‌ഗ്‌ദി പിരിക്കവാരോഡേമ് പാവ സെയ്‌ദ് ണഡാക്കവരോഡേമ് അവാ് തീനി തിങ്കാദ് എന്ത്‌ക്ക്?>> എന്ത് കേ്ട്ടാര്.
17ഏസു അദ്‌ണ കേ്ട്ടാദ്‌മ് അവാര്‌ക്കെ: <<ബയ്യിദ്യന ബേ്ഡു എങ്കാദ് ണോയിക്കാറാര്‌ക്ക്‌ത്തെ. അല്ലാത്തവാന്‌ക്ക് എന്ത്‌ക്ക്? ണാന് ബന്താദ് പാവ സെയ്‌രവാര്‌ഗണ ഒളേക്ക്യാത്തെ. അല്ലാദെ ണേര്‌മെക്കാറാര്‌ണല്ല>> എന്ത് സൊന്നാ്.
തീനി തിന്നാത്ത പരേസണ പറ്റി
18പരിസലാമ് ഓഗന്നാന്‌ദ് സൊല്ലുപഡി ണഡാക്കവാര്‌മ് തീനി തിന്നാത്ത പരേസ പരേസി കൊണ്ടിര്‌ന്താര്. അക്കുളെ ലേസ ആള്‌ഗ ബന്ത് ഏസുണ: <<ഓഗന്നാന്‌ദ്‌മ് പരിസലാദ്‌മ് സൊല്ലുപഡി ണഡാക്കവാര് തീനി തിന്നാത്ത പരേസ പരേസ്‌റാര്. ആന ണിന്ന് സൊല്ലുപഡി ണഡാക്കവാര് എന്ത്‌ക്ക് അച്ച്‌ള പരേസ പരേസ്‌റാദില്ലെ?>> എന്ത് കേ്ട്ടാര്.
19അക്കുളെ ഏസു അവാര്‌ക്കെ: <<കല്ല്യാണ കൂരേലി കല്ല്യാണ മാപ്പ്‌ളെ ഇര്‌ക്കാട്ടി കല്ല്യാണാക്ക് ബന്തവാര് തീനി തിന്നാത്ത പരേസ പരേസുവാര? 20ആന കല്ല്യാണ മാപ്പ്‌ളെ അവാര്‌ണ തള്ള്യെക്കി പോര ഒരു ഗള്യെ ബരു. അക്കുളെ അവാര് തീനി തിന്നാത്ത പരേസ പരേസുവാര്.
21ആര്‌മ് പള്യ കീ്റ സീലേക്ക് പുദ്യ സീലെ കൊത്തുണ കുത്തി മൂട്ടമാട്ടാര്. അച്ചെ കുത്തി മൂട്ടിന പുദ്യ സീലെ കൊത്തു സുരുങ്കി പള്യ സീലെ മൂട്ട് ബ്‌ട്ട് കീ്റ ബെല്ല്യാദായെക്കു. 22ആര്‌മ് പുദ്യ മുന്തിരി സാരണ പള്യ തോല് പയ്യിക്കെ ഊറ്റി ബെക്കമാട്ടാര്.#2:22പുദ്യ മുന്തിരി സാരണ പള്യ തോല് പയ്യിക്ക് ഊറ്റി ബെക്കമാട്ടാര് എഗുദാര് ഊറാത്ത മുന്തിരി സാരണ പുദ്യ തോല് പയ്യിഗാക്ക്‌ത്തെ ഊറ്റി കെ്ട്ടി ബെക്കാദ്. അച്ചെ ബെത്താക്കി മുന്തിരി സാര ഊറി പെര്‌ഗു. അക്കുളെ തോല് പയ്യിമ് ഊത്തു. പള്യ തോല് പയ്യി അദ്‌ക്ക് മുഡിന്ത അളാവുക്ക് ബിഗിന്തെക്കിര്‌ക്കു. അദ്‌ണാലെ പുദ്യ മുന്തിരി സാരണ അയ്യി പയ്യിക്കെ ഊറ്റിന അദ് ഊറി പെര്‌ഗാട്ടി തോല് പയ്യി ബിഗിന്ത് പോയ മുഡ്യാദെ അദ് പ്‌ക്കിത്തള്ളു. അച്ചെ പള്യ തോല് പയ്യിക്ക് പുദ്യ മുന്തിരി സാരണ ഊറ്റി ബെത്ത തോല് പയ്യി പ്‌ക്കി മുന്തിരി സാര ഒഗുദെക്കു. അച്ചെ ഇദ് റണ്ട്‌മ് ഇല്ലാദായെക്കു. അദ്‌ണാലെ പുദ്യ മുന്തിരി സാരണ പുദ്യ തോല് പയ്യിക്കെ ഊറ്റി ബെക്കാദ്‌ത്തെ ണല്ലാദ്>> എന്ത് സൊന്നാ്.
ഏസുണ ലേസ എഗുദല കുറ്റ സൊല്ലുറാര്
23ഏസു ഒരു ഒയിവു ണാള് അന്ന കാഡ്‌മേലെ ണഡാന്ത് പോയികൊണ്ടിര്‌ന്താ്. അക്കുളെ ഏസുദ് സൊല്ലുപഡി ണഡാക്കവാര് മൊക്ക്യ ലേസ അന്ന കദ്‌റ്‌ണ ഉരുദാര്. 24പരിസല അദ്‌ണ കണ്ട് ഏസുക്കെ: <<ഇദാ ണോഡ്, ഇവാര് ഇന്റെത്ത ണാള് ഇച്ചെല്ല സെയ്‌രാദ് എന്ത്‌ക്ക്? മോസെ ബെത്ത സാമി സട്ടപഡി ഒയിവു ണാള് ഇദ് സെയ്യ പാങ്കില്ലെ>> എന്ത് സൊന്നാര്.
25അക്കുളെ ഏസു അവാര്‌ക്കെ ഇച്ചെ സൊന്നാ്: <<ദാവീദ്‌മ് അവാന്‌ദ് ഒപ്പ ഇര്‌ന്തവാര്‌മ് ഒന്റുമ് കെ്ഡേക്കാദെ പജിപ്‌ഡിക്കാട്ടി എന്ത സെയ്‌ദാര് എന്ത് ഒരു ണാള്‌മ് ണിമ്മ പഡിക്കാഗെ ഇല്ലേഗ? 26അവ്വ്യദാരാ് എങ്ക എഗുദ ബെല്ല്യ പൂസാരിദ് കാലാത്തിലി ദാവീദ് സാമിദ് ഗുഡുസ്‌ക്കെ പുക്കി മോസെ ബെത്ത സാമി സട്ടപഡി എഗുദ പൂസാരിഗ മാട്ട് തിങ്ക മേല്‌സ ബെത്ത അഡേന എ്ഡ്‌ത്ത് താന്‌മ് തിന്ത് തന്ന്‌ദ് ഒപ്പ ഇര്‌ന്തവാര്‌ക്ക്‌മ് കൊഡുത്താ്.>>
27അദ്‌ക്ക് പ്‌റ ഏസു അവാര്‌ക്കെ ഇച്ചെ സൊന്നാ്: <<ഒയിവു ണാള് ബെത്താദ് മന്‌സാന്‌ക്ക് ണല്ലാദ് കെ്ഡേക്ക്യ ബേ്ണ്ടിത്തെ. അല്ലാദെ ഒയിവു ണാള്‌ക്ക് ണല്ലാദ് കെ്ഡേക്ക്യ അല്ല. 28മന്‌സാനായി പ്‌റാന്തവാ്ത്തെ ഒയിവു ണാള്‌ക്ക് ആണ്ടവാ്.>>
Currently Selected:
മറ്‌ക്കോസ് 2: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
