മറ്‌ക്കോസ് 1
1
ഏസു ബര സേദി
1സാമിമഗാ്#1:1സാമിമഗാ് മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<സാമിമഗാ്>> എന്ത് ഇല്ലെ. ഏസു ക്‌റ്‌സ്‌ത്ത്‌ണ പറ്റി സൊല്ലുറ ണല്ല സേദിത്തെ ഇദ്.
2സാമി സൊന്നാദ്‌ണ സാമിദാസ്#1:2സാമിദാസ് സാമിക്ക് സൊല്ല്യ ഇര്‌ക്ക കാര്യഗണ ആള്‌ഗാക്ക് സൊല്ലുറ ആള്‌ത്തെ സാമിദാസ്. ഇയാള്‌ണ സാമിത്തെ തെരിന്തെ്ഡ്‌ത്തിര്‌ക്കാദ്. പോന കാലാത്തിലി ണഡാന്താദ്‌ണ പറ്റിമ് ഇപ്പ് ണഡാക്കാദ്‌ണ പറ്റിമ് ഇനി ണഡാക്ക്യ പോരാദ്‌ണ പറ്റിമ് ആള്‌ഗാക്കെ സൊല്ലുറ ആള്‌ത്തെ ഇയാള്. എസയ്യാ് എ്ള്‌ദി ബെത്ത പാസെ ഇദ് ണഡാക്ക്യ പ്‌ഡിത്ത്‌ദ്:
<<ആണ്ടവാന്‌ക്ക് ബയ്യി ഒരിക്ക്യ
ആണ്ടവാന്‌ക്ക് മുദ എന്ന് സേദിക്കാറാന ബ്‌ഡുവെ.>>#മലാക്കി 3:1
3<<ബെ്ട്ടെകാഡിലി ഒരുത്താ് ബെല്ല്യാദ്‌ക്ക് ആലാത്ത് സൊല്ലുറാ്:
<ആണ്ടവാ് ബര്യ ബയ്യി ഒരിക്കിരി,
അയാള്‌ക്ക് പാദെ ണേരെ ആക്കിരി.> >>#എസയ്യാ് 40:3
4അച്ചെ ഓഗന്നാ്#1:4ഓഗന്നാ് മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<തണ്ണിക്ക് മുളുഗ്‌സ്‌റ ഓഗന്നാ്>> എന്ത് ഇര്‌ക്ക്‌ദ്. ബെ്ട്ടെകാഡ്‌ക്കെ ബന്ത് ആള്‌ഗണ തണ്ണിക്കെ മുളുഗിസികൊണ്ട്‌മ്#1:4മുളുഗിസികൊണ്ട്‌മ്ഒരുത്താ് സെയ്‌ദ തെറ്റ്‌കുറ്റഗാക്ക് പൊറിമെ കെ്ഡേക്ക്യ അദ്‌ഗണെല്ല തുറാന്ത് സൊല്ലി തള്ളി എക്കുഡൊ. ഇച്ചെ സുത്താപ്പ് കെ്ഡേത്ത ആള്‌ണ തണ്ണിലി മുളുഗുസുഡൊ. അദ്‌ക്ക്‌ത്തെ ഓഗന്നാ് ആള്‌ഗണ തണ്ണിലി മുളുഗിസിനാദ്. <<പാവ സെയ്‌രാദ്‌ണ തള്ള്യെക്കി തണ്ണിക്കെ മുളുഗുഡൊ, അപ്പ് ണിമ്മ് പാവഗണ സാമി പൊറുക്കുവാ്>> എന്ത് ബെല്ല്യാദ്‌ക്ക് ആലാത്ത് ആലാത്ത് സൊല്ലികൊണ്ട്‌മ് ഇര്‌ന്താ്. 5അയാള് സൊല്ലുറ ണായണ കേ്ക്ക്യ എഗുദേല്യവാര്‌മ് എര്‌സലേമില്യവാര്‌മ് അഡ്യോഡെ അവാന്‌ദ് പട്ട്‌ക്കെ ബന്ത് എജ്ജിനാര്. അച്ചെ അവാര് തമ്മ് പാവഗണ തുറാന്ത് സൊന്നാര്. അക്കുളെ ഓഗന്നാ് അവാര്‌ണ ഓറ്‌ദ്ദാ് ബാനിക്കെ മുളുഗിസിനാ്. 6ഓഗന്നാ് ഒട്ടഗ തുപ്പുഡിലി ഉണ്ടാക്കിന ഉഡുപ്പുമിക്കി ഇ്ഡ്‌പ്പ്‌ക്ക് ഒരു തോല്‌കച്ചെനാമ് കെ്ട്ടിര്‌ന്താ്. അയാള് ബേ്റ് സാക്കിര്‌ന്താദ് തേന്‌ണാമ് മുട്ടിരിനാമ് തിന്ത്‌ത്തെ. 7ഓഗന്നാ് ഇച്ചെ സൊന്നാ്: <<എനാണ ബ്‌ഡ അദിഗാരുള്ളവാ് എന്ന് പിന്ന്‌ക്ക് ബരുവാ്. അയാള് ഇക്കിര്‌ക്ക സെര്‌പ്പ്‌ദ് കണ്ണിന ബഗ്ഗി ഉക്ക്യ ഗൂഡി എനാക്ക് തഗ്‌ദില്ലെ. 8ണാന് ണിമാണ തണ്ണിക്കെ മുളുഗ്‌സ്‌റെ. ആന അയാള് ണിമാണ സാമിണിഗാലിലി മുളുഗ്‌സ്‌വാ്.>>
ഏസു സോദണെപഡ്‌റാ്
9അയ്യി ഗള്യേലി ഗെലീലെ ണാഡില്യ ണസറത്ത് ഊരിലിരിന്ത് ഏസു ഓറ്‌ദ്ദാ് ബാനിക്കെ ബന്ത് ഓഗന്നാ് കയ്യാലെ തണ്ണിക്കെ മുളുഗിനാ്. 10ഏസു തണ്ണിലിര്‌ന്ത് ഏ്ട്ടിക്ക് ഏ്റിനാദ്‌മ് ബാന്‌ണ തുറാന്ത് സോറെ പക്കിന പാസെ സാമിണിഗാല് തനാക്കെ ഏ്റ്‌റാദ്‌ണ അയാള് കണ്ടാ്. 11അക്കുളെ മേലോഗാത്തിലിര്‌ന്ത്: <<ണീ എന്ന് മഗാ്. ണാന് ണിനാണ സീവാ് ബ്‌ഡ്‌റെ. ണിന്നാലെ എന്ന് മനേസ്സ് തെ്ളിന്ത്‌ദ്>> എന്ത് ഒരു ജദ്ദാമ് കേ്ട്ട്‌ദ്.
12അദ്‌ക്ക് പ്‌റ ബെ്ട്ടെകാഡ്‌ക്കെ സാമിണിഗാല് ഏസുണ പോയ ണത്തിറ്റ്. 13ണാപ്പദ് ണാള് അദിലി സോലെ ബേ്ണ്ടോഡെ ഇര്‌ക്കാട്ടി സെയിത്ത്യാ് ബന്ത് ഏസുണ സോദണെ സെയ്‌ദാ്. ആന സാമിദൂദല ബന്ത് അയാള്‌ക്ക് ബേ്ഡുമാനാദ് സെയ്‌ദ് കൊഡുത്താര്.
ഏസു മീന് പ്‌ഡിക്കവാര്‌ണ ഒളേക്കാ്
14ഓഗന്നാന പ്‌ഡിത്ത് ജെയില്‌ക്കെ ഇക്കിനാര്. അദ്‌ക്ക് പ്‌റ ഏസു സാമി ആള്‌റാദ്‌ണ പറ്റി സൊല്ലുറ ണല്ല സേദിന ഗെലീലെ ണാഡില്യ ഊര്‌ക്ക്‌റാഗ പോയി സൊല്ലികൊഡുത്താ്. 15<<സാമി ആള്‌റാദ് ണിമ്മ്‌ദ് കാല്‌ക്കെ ബന്ത് എജ്ജിര്‌ക്ക്‌ദ്. ഇദ്‌ത്തെ അദ്‌ക്ക് തഗ്‌ന്ത ഗള്യെ. അദ്‌ണാലെ പാവ സെയ്‌രാദ്‌ണ തള്ള്യെക്കി ഈ ണല്ല സേദിന ണമ്പിരി>> എന്ത് അയാള് സൊന്നാ്.
16ഏസു ഗെലീലെ കഡാലോര മേലെ ണഡാന്ത് പോഗാട്ടി സീമോന്‌മ് അവാന്‌ദ് തമ്പി അന്ത്‌റോസുമ് കഡാലിലി ബലെ ബീസികൊണ്ടിര്‌ക്കാദ്‌ണ കണ്ടാ്. അവാര് റണ്ട് ആള്‌മ് മീന് പ്‌ഡിക്കവാരായിര്‌ന്താര്. 17അക്കുളെ ഏസു അവാര്‌ക്ക്: <<ണിമ്മ എന്ന് പിന്ന്‌മേലെ ബായി. മീന് പ്‌ഡിക്കവാര് മീന് പ്‌ഡിക്ക പാസെ ണാന് ണിമാണ സാമി ആള്‌റാദ്‌ക്കെ മന്‌സാര്‌ണ സേത്ത്‌റവാര് ആക്കുവെ>> എന്ത് സൊന്നാ്. 18അപ്പ്‌താനെ അവാര് റണ്ട് ആള്‌മ് ബലേന തള്ള്യെക്കി ഏസു പിന്ന്‌ക്ക് പോനാര്.
19അദിലിര്‌ന്ത് ലേസ അക്കോസ പോനാദ്‌മ് സെവെദി മഗനാര് ആക്കോവുമ് അയാള്‌ദ് തമ്പി ഓഗന്നാന്‌മ് തോണിലിര്‌ന്ത് കൊണ്ട് ബലേന പിരിബ്‌ഡ്‌സ്‌റാദ്‌ണ ഏസു കണ്ടാ്. 20അപ്പ്‌താനെ അവാര്‌ണ: <<ബായി എന്ന് പിന്ന്‌ക്ക്>> എന്ത് ഒളേത്താ്. അവാര് തമ്മ് അപ്പന തോണിലി ബേലെക്കാറാര്‌ദ് ഒപ്പ ബ്‌ട്ട് ഏസു പിന്ന്‌ക്ക് പോനാര്.
കെ്ട്ടജാദി ണമ്പിനവാന ഏസു തെ്ള്‌സ്‌റാ്
21ഏസുമ് തന്ന് സൊല്ലുപഡി ണഡാക്കവാര്‌മ് കവറ്‌ണഗൂമ് പട്ടണാക്കെ എജ്ജിനാര്. അച്ചെ ഒയിവു ണാള്#1:21ഒയിവു ണാള് എഗുദാര് സാമിന കുമ്മുഡ്‌റ ണാള്. ബാരാത്തില്യ ഏ്ള് ണാളില്യ കഡേസി ണാള്‌ത്തെ ഇദ്. എഗുദാര് പരേസ്‌റ കൂരേക്കെ പോയി ഏസു അവാര്‌ക്കെ സാമി സൊല്ലുസുലാക്കണ പഡിസി കൊഡുത്താ്. 22അവാര് ഏസു സൊന്ന ബുദ്ദിണായണ കേ്ട്ട് ബായി പൊളിത്തെക്കിനാര്. എന്ത്‌ക്കെന്റ എഗുദാര് ബേദ ബാത്ത്യലണ പാസെ അല്ല, അദിഗാരത്തോഡെ ആയിര്‌ന്ത്‌ദ് അയാള് സൊന്നാദ്. 23കെ്ട്ടജാദി തട്ടിര്‌ക്ക ഒരുത്താ് എഗുദാര് പരേസ്‌റ കൂരേലിര്‌ന്ത് ഏസുക്കെ ഇച്ചെ അഗാറി സൊന്നാ്: 24<<ണസറത്ത് ഊര്‌ക്കാറാ് ഏസുവെ, എമ്മോഡെ ണിനാക്ക് എന്ത കാര്യ? ണീ എമാണ ഇല്ലാദാക്ക്യ ബന്തിര്‌ക്കേന? ണീ സാമി സൊല്ലിബ്‌ട്ട പച്ചെപാലഗാ്ത്തെ എന്ത് എമാക്ക് തെര്യു.>>
25<<ണീ മ്‌ണ്ടാദെ! അവാന ബ്‌ട്ട് ബെ്ള്യെ കഡ!>> എന്ത് അയ്യി ജാദിന ഏസു കെഞ്ചി എ്ഡ്‌ത്ത് ബ്‌ട്ടാ്. 26ബെല്ല്യ ജദ്ദാത്തിലി അഗാറി അയ്യി മ്‌ഗാണ ഗൊലേത്ത്‌കൊണ്ട് അദ് അവാന ബ്‌ട്ട് പോറ്റു.
27ഇദ്‌ണ കണ്ട് അദിലിര്‌ന്ത ആള്‌ഗ അദിസ്യപട്ട്, <<അവ്വൊ! ഇദ് എന്ത അദിസ്യ? ആര്‌മ് സൊല്ലാത്ത ഒരു സൊല്ലു ഇയാള് സൊല്ലുറാ്. തട്ടിര്‌ക്ക കെ്ട്ടജാദിഗള്‌ക്കെല്ല അദിഗാരത്തോഡെ ഇയാള് കല്‌പനെ കൊഡുക്കാ്. അയ്യി ജാദി ഗൂഡി ഇയാള്‌ദ് പേസ് കേ്ക്ക്‌ദ്>> എന്ത് തമ്മ തമ്മ സൊന്നാര്. 28അച്ചെ ഏസുണ പറ്റ്യുള്ള സേദി ഗെലീലെ ണാഡ് പക്കന പാസിറ്റ്.
ണോയിക്കാറാര്‌ണ ഏസു തെ്ള്‌സ്‌റാ്
29ഏസുമ് ആക്കോവുമ് ഓഗന്നാന്‌മ് സേന്ത് എഗുദാര് പരേസ്‌റ കൂരേന ബ്‌ട്ട് സീമോന്‌ദ്‌മ് അന്ത്‌റോസുദ്‌മ് കൂരേക്കെ പോനാര്. 30അവാര് കൂരേക്കെ ബര്‌ഗാട്ടി അദിലി സീമോന്‌ദ് മാമ്യച്ചി പനി പ്‌ഡിത്ത് കെ്ഡെമേലിര്‌ന്ത. അദിലിര്‌ന്തവാര് അവാള്‌ണ പറ്റി ഏസുക്കെ സൊന്നാര്. 31അക്കുളെ ഏസു പനിക്കാറിസി പട്ട്‌ക്കെ പോയി അവാള്‌ദ് കയ്യിന പ്‌ഡിത്ത് ഏ്ത്തി കുക്കാസിനാ്. അപ്പ്‌താനെ പനി ബ്‌ട്ട് പോറ്റു. അദ് കളിന്ത് അവ അവാര്‌ക്ക് അട്ട്‌സുട്ട് കൊഡുത്ത.
32അയ്യി ണാള് ണേര ബ്‌ന്ത പ്‌റ കണ്ണികണ്ട ണോയിക്കാറാര്‌ണാമ് കെ്ട്ടജാദി തട്ടിര്‌ക്കവാര്‌ണാമ് ആള്‌ഗ ഏസു പട്ട്‌ക്ക് എ്ഡ്‌ത്ത് ബന്താര്. 33അയ്യി പട്ടണാത്തിലിര്‌ക്ക ആള്‌ഗ പക്കന സീമോന്‌ദ് കൂരെ മുന്തുക്ക് ബന്ത് തുമ്പികൊഡുത്താര്. 34പല ദിന്‌സ് ണോയി ഉള്ള എത്തിന്യൊ ആള്‌ഗണാമ് ഏസു തെ്ള്‌സിനാ്. കെ്ട്ടജാദി തട്ടി ഇര്‌ന്തവാര്‌ണ സവ്വ്യാക്കിനാ്. ഏസു കെ്ട്ടജാദിഗണ പേസ്യ ബ്‌ഡാലെ. എന്ത്‌ക്കെന്റ അയ്യി ജാദിഗാക്ക് ഏസു ആരെന്ത് തെര്യു ആയിര്‌ന്ത്‌ദ്.
ഗെലീലെ ഊര്‌ക്ക്‌റാഗ ണല്ല സേദിന സൊല്ലുറാ്
35ഏസു മറ് ണാള് ബെ്ഡ്യാകാല ജാമാത്തിലി എ്ന്ത് ഒട്ടിപ്പാസുള്ള എ്ഡേക്കെ പോയി പരേസി കൊണ്ടിര്‌ന്താ്. 36അക്കുളെ സീമോന്‌മ് കൂട്ടാര്‌മ് ഏസുണ പരാന്ത് പോനാര്. 37അവാര് അയാള്‌ണ കണ്ട്: <<ണിനാണ ആള്‌ഗ പരാക്കാര്>> എന്ത് സൊന്നാര്.
38ആന ഏസു അവാര്‌ക്കെ: <<ണമ്മ ബേ്റെ എ്ഡേഗാക്കെ പോയി ണല്ല സേദിന സൊല്ലുഡൊ. അദ്‌ക്ക്‌ത്തെ ണാന് ബന്ത് ഇര്‌ക്കാദ്>> എന്ത് സൊന്നാ്. 39അച്ചെ ഏസു ഗെലീലെ ണാഡ്‌ദ് എല്ല എ്ഡേഗാക്കേമ് പോയി എഗുദാര് പരേസ്‌റ കൂരെക്ക്‌റാഗ ണല്ല ബുദ്ദിണായഗ സൊല്ലികൊണ്ട്‌മ് ആള്‌ഗാക്ക് തട്ടിര്‌ക്ക കെ്ട്ടജാദിഗണ തുറാത്തി കൊണ്ട്‌മ് ഇര്‌ന്താ്.
ഏസു കുസ്‌ട്ട ണോയിക്കാറാന തെ്ള്‌സ്‌റാ്
40ഒരു കുസ്‌ട്ട#1:40കുസ്‌ട്ട ആരാറ്റ് ബ്‌ഡ്‌റ ണോയി അല്ല, സരിഗലാത്തിലി തന്ന് പാഡ്‌ക്ക് ബര ണോയിത്തെ ഇദ്. എഗുദാര് ഈ ണോയിന സാമി തര ദണ്ടണെ എന്ത് ണെനേത്ത് ഇര്‌ന്താര്. അവാര് ഈ ണോയിക്കാറാര്‌ണ സുത്താപ്പ് കെ്ട്ടവാരെന്ത് സൊല്ലി ഊര്‌ക്കെ മെ്ട്ട്‌സാദെ ഇര്‌ന്താര്. ണോയിക്കാറാ് ഏസു കാല്‌ക്ക് ബ്‌ന്ത് അഗ്‌ദ്‌കൊണ്ട്: <<ണിനാക്ക് മനേസ്സിര്‌ന്ത എനാണ സുത്താപ്പാക്ക്യ മുഡ്യു>> എന്ത് ബേ്ണ്ടിനാ്.
41അക്കുളെ ഏസുക്ക് ബേ്റ്‌വെന്ത്: <<എനാക്ക് മനേസ്സിര്‌ക്ക്‌ദ് ണീ സുത്താപ്പാ>> എന്ത് സൊല്ലി തന്ന് കയ്യിന ണീ്ട്ടി അവാന അണ്ണിനാ്. 42അപ്പ്‌താനെ ണോയി ബിച്ചെന്ത്‌ദ്. പ്‌റ അയാള് സവ്വ്യാനാ്.
43-44ഏസു അയാള്‌ക്കെ: <<ഈങ്ക് ണോഡ്, കണ്ടിപ്പായി ഇദ്‌ണ ആര്‌ക്ക്‌മ് സൊല്ല ബേ്ഡ. ആന ണീ പോയി ണിനാണ താനെ എഗുദ പൂസാരിക്കെ കാട്ട്. ണീ സുത്താപ്പ് ആനേനെന്ത് ആള്‌ഗാക്ക് കാട്ട്യ ബേ്ണ്ടി മോസെ ബെത്ത സാമി സട്ടാത്തിലി സൊല്ലിര്‌ക്ക ണേര്‌സെന സെയ്യി>> എന്ത് സൊല്ലിബ്‌ട്ടാ്. 45അയാള് അപ്പ്‌താനെ പോയി കാണ്‌റ എല്ലാര്‌ക്കേമ് ഇദ്‌ണ സൊന്നാ്. അദ്‌ണാലെ ഏസുക്ക് പട്ടണാക്ക് എദ്‌ക്ക കഡാക്ക്യ മുഡ്യാദാറ്റ്. അച്ചെ ഏസു ആര്‌മില്ലാത്ത പട്ട്‌ക്കെ പോയി ഇര്‌ന്താ്. എന്ത്‌ട്ട്‌മ് ആള്‌ഗ മുക്ക് മൂലേലിര്‌ന്ത് ഏസു പട്ട്‌ക്ക് ബന്ത്‌കൊണ്ടിര്‌ന്താര്.
Currently Selected:
മറ്‌ക്കോസ് 1: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
