NAHUM 1

1 # Yes. 10:5-34, 14:24-27; Zef. 2:13-15 Ko i'i tatanata ngu Mawu Ruata hal᷊i u Niniwe. Tatanata i'i nil᷊ahe dingang u kawawua ko nionggo si Nahum, singkatau nabi ko asal᷊ie bou Elkos.

Wawal᷊uang u Mawu su Niniwe

2 Mawu Ruata mandi pia ko mangal᷊ung,

taumata ko mundoka si Sie, nal᷊ahe makarea hukumang.

Dingang u wawal᷊uang kahingang,

I Sie mamal᷊isi saki u naung si sire.

3Tingari Mawu, ta maehong muwawal᷊uang;

kateho I Sie l᷊ai makawasa kahingang

hakiu i sai-sai ko mukoa pusansal᷊a

sarung ta ipakal᷊iwiri bou hukumang.

Su apa Mawu mul᷊umal᷊eng, su se'e tumimbul᷊i suwu-suwu;

su tampa u l᷊aeri-E mutumoto, su se'e awu makoa winawa.

4I Sie mudada l᷊auri dang mupakamara,

apang sal᷊uhi ipakal᷊isa.

Wul᷊uri u Karmel l᷊au manga ngudae su Basan makoa mahango

dang apang bungang su Libanon mal᷊obe.

5Manga wul᷊uri mukumende su saruang-E;

dang bongkonge matuno kaul᷊ie.

BokoMawu mutingkaandaghi, dunia maghio,

dunia l᷊au kaul᷊i u taumatange mukumende.

6I sai makataeri boko Mawu muwawal᷊uang?

Takoae ko botonge mal᷊iwiri bou wawal᷊uang-E?

I Sie mangukahi u wawal᷊uang-E ko kahenange

watu maghaghoro dang makoa awu su saruang-E.

7 Mawu e'e ko mapia, I Sie manirung umati-E su tempo ngi sire masusa,

I Sie mundiaga taumata ko musirung si Sie.

8Kere l᷊uwa ko l᷊abo naansehi,

nipakaghaghoro-E manga roka-E.#1:8: Pira mbau salenang ko tuwei: manga roka-E; Ibrani: tampae.

I sire ko wahani mundoka si Sie

nipahangeng-E dingang u papate hakiu nawinasa.

9Kirou manga apa ko ikoau mundoka Mawu,

nal᷊ahe sarung ta mariadi.

I Sie sarung ta mamal᷊isi saki u naung-E #1:9: Simbau salenang ko tuwei: mamal᷊isi saki u naung-E; Ibrani: nuwangung.

sarang pakarua su manga roka-E. #1:9: Simbau salenang ko tuwei: manga roka-E; Ibrani: kasasingsara.

10I kau sarung itutung kere rahami ko nahango

kere ghal᷊umue ko pia sasusue ko nukal᷊untawiri. #1:10: Su l᷊al᷊ung u naska Ibrani ayeti kapul᷊onge ta mal᷊ahe.

11Bo i kau, ei Niniwe, seng nasupu singkatau ko napene u kirou ko dal᷊ai. I sie nukoa kirou guna ngu mundoka Mawu. 12Kuteu hengetang u Mawu su Israel, umati-E, “Manengwe manga taumata ngu Asyur e'e matoghasi dang maul᷊i rekenange, kateho i sire sarung ipakaghaghoro bou e'e mailang. Ei bangsa-Ku, Ia seng nukoa si kumu nutatahang u singsara, kateho Ia seng ta sau mukoa e'e. 13Orasi i'i kawasa ngu Asyur si kumu sarung Daku ipakasue, dang Daku ibusu hante ko nangiki si kumu.”

14Ko i'i putusang u Mawu hal᷊i u bangsa Asyur, “I sire sarung ta makahombang hintou guna ngu panurusi bangsange. Manga patong barhala ko ene su manga kuil u dewange, sarung Daku ipakaghaghoro. Kubul᷊i guna ngu bangsa Asyur seng kahi Daku sadiang, watu'u i sire ta hinonge muwiahi!”

15 # Yes. 52:7 Tuhungeko, singkatau raroi nusumongo bou manga wul᷊uri, numbawa habari mapia, habari kal᷊auntung. Ei bangsa Yehuda, wantughiko l᷊ou ko l᷊abo i kumu dang waehiko diandi ngi kumu su Mawu Ruata. Wanua ngi kumu sarung ta ikawasa ngu taumata ko l᷊al᷊ai. I sire seng nipakaghaghoro.

Currently Selected:

NAHUM 1: PLT

Highlight

Copy