MATIUS 16

Tau Farisi nundo si Yesus pukoa ko makal᷊aherang

(Mrk. 8:11-13; Luk. 12:54-56)

1 # Mat. 12:38; Luk. 11:16 Pia pirangkatau tau Farisi l᷊au tau Saduki nusumongo si Yesus mangakal᷊i si Sie. I sire nundo si Sie pukoa ko makal᷊aherang tadeau mupakal᷊ahe himoneu I Sie ko nusumongo bou Mawu Ruata. 2I Yesus nusumimbahi, [“Boko matangutiti kasirae, i kumu mangul᷊i, ‘Wanua mapia, watu'u l᷊angi mahamu.’ 3Dang mal᷊ukari, i kumu mangul᷊i, ‘Sil᷊ou i'i rumasehi, watu'u l᷊angi mahamu l᷊au marundung.’ Ho, i kumu makapatehi kakakoa u wanua dingang mutuhung kakakoa u l᷊angi, arawe manga tatia ngu tempo i kumu ta makapatehi!”] 4#Mat. 12:39; Luk. 11:29“Wal᷊inge gampang kal᷊al᷊aie l᷊au kadurhakae taumata tempo i'i. I kumu mundo si Sia pukoa ko makal᷊aherang. I kumu ta onggol᷊ang sarang simbau ko makal᷊aherang kitang u ko makal᷊aherang i Nabi Yunus.”

Bou nangul᷊i e'e I Yesus nul᷊umal᷊eng nanintang i sire.

Ragi ngu tau Farisi dingang u tau Saduki

(Mrk. 8:14-21)

5Suapang manga tumatuhu I Yesus nahumpa su simbuka ngu rano, mbuhue nikatitonang i sire himoneu i sire ko ta nakatinaung numbawa boroti. 6#Luk. 12:1I Yesus nangul᷊i si sire, “Pakaingati su ragi ngu tau Farisi l᷊au tau Saduki.”

7Nakaringihi wisara ngi Yesus e'e, manga tumatuhu-E nanita nudidato simbau dingang ko wal᷊inge, “I Sie nangul᷊i kere'e watu'u i kite ta numbawa boroti.”

8I Yesus matitong apa ko kahipudidato ngi sire. Inau i Sie nangul᷊i, “Nakurawe i kumu nurarendehi hal᷊i u takoae boroti? Ko dio pangangimang i kumu! 9#Mat. 14:17-21Mborong ta nakahingang i kumu? I kumu ta nakatinaung pia boroti l᷊ima ko Daku nikakompeng guna ngu taumata l᷊imahiwu su kataunge? Pira mbawewe nikomol᷊i kumu l᷊umbeinge? 10#Mat. 15:34-38Dang kirapa l᷊ai dingang u boroti pitu guna ngi sire pauhiwu su kataunge e'e? Pira mbawewe l᷊umbeinge nikomol᷊i kumu? 11Nakurawe sarang i kumu ta nakahingang himoneu Ia wal᷊ingewe kapudidatonge dingang i kumu hal᷊i u boroti? Pakaingati su ragi ngu tau Farisi l᷊au tau Saduki!”

12Panginsuenge manga tumatuhu I Yesus nakahingang himoneu I Yesus nangoro si sire pakaingati wal᷊ingewe su ragi ko pukoateng boroti, kateho suapang tatintiro ngu tau Farisi l᷊au tau Saduki.

Pangakuang i Petrus hal᷊i I Yesus

(Mrk. 8:27-30; Luk. 9:18-21)

13I Yesus nakoa sarang tampa masandighi u soa Kaisarea Filipi. Su se'e i Sie nukina su manga tumatuhu-E, “Su titong u taumata, ko i sai Ahusi Taumata e'e?”

14 # Mat. 14:1-2; Mrk. 6:14-15; Luk. 9:7-8 Manga tumatuhu-E nusumimbahi, “Pia ko nangul᷊i i Yohanes Mananahani. Pia l᷊ai ko nangul᷊i i Elia. Ko wal᷊inge l᷊ai nangul᷊i i Yeremia, arako singkatau bou tal᷊oara ngu nabi.”

15“Arawe tumuhu si kumu, i sai Ia i'i?” I Yesus nukina si sire.

16 # Yoh. 6:68-69 I Simon Petrus nusumimbahi, “I Tuang ko Ratu Mananal᷊amati, Ahusi u Mawu Ruata ko wiahi.”

17“Kal᷊auntung si kau Simon ana i Yona!” angkung I Yesus. “Watu'u wal᷊inge we taumata nangul᷊i hal᷊i e'e si kau, kateho ko I Yamang-Ku su sorga. 18Ual᷊ingu e'e katitongte, i kau i'i Petrus, watu l᷊inggihi. Dang su wawo u watu i'i Ia sarung mupararisi u ghahera-Ku, ko ta ikawatal᷊i; maning ual᷊ingu papate! 19#Mat. 18:18; Yoh. 20:23Ia sarung mangonggo si kau kakunsi u Dunia ngu Mawu Ruata ko wuhu. Apang ko si kau ta botonge su wawo u dunia, e'e l᷊ai ta botonge su sorga. Kere'e l᷊ai apang ko ipuhinou su dunia, mang l᷊ai ipuhino su sorga.”

20Bou e'e I Yesus nunggile ingati su manga tumatuhu-E tadeau i sire ta muhabari si sai-sai ko i Sie e'e ko Ratu Mananal᷊amati.

I Yesus nudidato ngu singsara l᷊au papate-Nge

(Mrk. 8:31–9:1; Luk. 9:22-27)

21Nanita bou orasi e'e, I Yesus nangul᷊i mal᷊ahe-l᷊ahe su manga tumatuhu-E, I Sie mambeng makoa sarang Yerusalem dang pai se'e i Sie sarung mananggong haghi ngu singsara bou manga tumbonange, manga tumbonang u imam l᷊au manga meteri agama. I Sie sarung pateng, kateho su l᷊ou katilunge i Sie sarung ipuwangung.

22Bou e'e i Petrus namol᷊eng si Yesus sarang sindihange dang nangul᷊i si Sie, angkunge, “Kere wotonge Mawu Ruata mupakarau hal᷊i e'e Mawu! Kumbahang sarang hal᷊i e'e mariadi su Mawu!”

23I Yesus nuwihu bou e'e nangul᷊i si Petrus, “Pangal᷊ing bou i'i, setang! I kau kapanahaghenge si Sia. Sipirangu e'e ko sipirang u taumata, wal᷊ingewe sipirang u Mawu Ruata!”

24 # Mat. 10:38; Luk. 14:27 Bou e'e I Yesus nangul᷊i su manga tumatuhu-E. “Taumata ko tumuhu si Sia, ariwe putinaung hal᷊i u watangenge, mamikul᷊i salipi dang turusi tumuhu si Sia. 25#Mat. 10:39; Luk. 17:33; Yoh. 12:25Watu'u taumata ko mutahatinda puwawiahie, sarung kailangeng u puwawiahie. Arawe taumata ko manarakang puwawiahie ual᷊ingu Ia, sarung makatarima puwawiahie. 26Apa untunge su singkatau, boko i sie managhuang kaul᷊i u dunia kateho kailangeng u puwawiahie? Botonge puwawiahi e'e ighanti ngu manga apa?

27 # Mzm. 62:13; Mat. 25:31; Rm. 2:6 Seng ta mal᷊iwue l᷊ai Ahusi Taumata dingang u manga malaikati-E sarung ruminta dingang u kawasa ngi Yamang-E. Su tempo e'e i Sie sarung mamal᷊isi manga taumata ituhu su kakanoa u singkatau-singkatau. 28Katitongte! Bou tal᷊oara i kumu si'i, pia ko sarung ta mate, su horo u makawua Ahusi Taumata ruminta kere Ratu.”

Currently Selected:

MATIUS 16: PLT

Highlight

Copy