MALEAKHI 4
4
L᷊ou ngu Mawu sarung musumongo
1Hengetang u Mawu Ko Makawasa, “Sarung murating temponge kaul᷊i u taumata ko maoboti l᷊au ko dal᷊ai itutung kere rahami. Su l᷊ou e'e i sire sarung itutung pakasue, dang takoae ko mal᷊umbei bo i sire. 2Arawe si kumu ko matuhu si Sia, kawasa-Ku ko makasal᷊amati sarung musuminang kere matangutiti, dang sinang-E mumbawa kal᷊aul᷊e. I kumu sarung mal᷊iwiri dang mal᷊uasi kere ana u sapi ko wuhu nipasuwang bou kuhung. 3Su l᷊ou e'e Ia sarung mukumanoa, dang i kumu sarung mamata manga taumata ko dal᷊ai, hakiu i sire kere awu ko il᷊inda-l᷊inda ngi kumu.
4Putinaungko manga tatintiro ngu l᷊ang-Ku i Musa, tinaunge manga tita l᷊au manga parenta ko Daku nionggo si sie su Wul᷊uri u Sinai tadeau pakituhuke su kaul᷊i u umati Israel.
5 #
Mat. 11:14, 17:10-13; Mrk. 9:11-13; Luk. 1:17; Yoh. 1:21 Kateho suhoro u l᷊ou ko hebati l᷊au ko makatataku ko Daku nitantu e'e murating, sarung Daku iroi sarang koa i kumu Nabi Elia. 6I sie sarung mukoa manga iyamang l᷊au manga ana musingkanaung, tadeau Ia ta musumongo mupakawinasa wanua ngi kumu.”
Currently Selected:
MALEAKHI 4: PLT
Highlight
Share
Copy
Want to have your highlights saved across all your devices? Sign up or sign in
