Yoël 3
3
Mawu Ruata sarung mamonesi manga bangsa
1 Mawu nuhengetang, “Su tempo e'e Yerusalem l᷊au Yehuda sarung Daku isul᷊e kapapia ngu wiahi sire. 2Kaul᷊i u bangsa sarung Daku ikomol᷊i dang Daku iwawa sarang Wal᷊ang u Pamamonesi. Bou e'e Daku ipariksang i sire su se'e su kal᷊al᷊ai i sire su tingo ngu manga umati-Ku ual᷊ing i sire seng nupapahia tana ngu Israel dang umati-Ku nirume i sire sarang haghi ngu wanua. 3I sire nanawu loti guna ngu manantu i sai ko sarung makarea manga taumata ko nitaweng. I sire nuwal᷊u manga ana ko mal᷊ahua l᷊au ko l᷊aumbaseng guna ngu ikoa l᷊ang. Dang doinge ipake i sire guna ngu ipusundal᷊i l᷊au guna ngu panginung anggori. 4#Yes. 14:29-31, 23:1-18; Yer. 47:1-7; Yeh. 25:15–28:26; Am. 1:6-10; Zef. 2:4-7; Za. 9:1-7; Mat. 11:21-22; Luk. 10:13-14Ipakuraneng i kumu Ia i'i, ei Tirus, Sidon l᷊au kaul᷊i u bahageang u Filistin? Apa i kau mo mamal᷊isi turu u naungu si Sia? Ho, tarimako wawal᷊isi-Ku ko seng maehong sumongo. 5Wul᷊aeng l᷊au sal᷊aka-Ku seng nihampasi kumu, dang rarotong-Ku ko mahariga niwawa i kumu sarang kuil i kumu. 6Taumata ngu Yehuda l᷊au Yerusalem niwawa i kumu marau bou wanua ngi sire; mbuhue niwal᷊u i kumu su bangsa Yunani. 7Orasi i'i Ia mumbawa si sire pasuwang bou manga tampa ko nipuwal᷊ukang i kumu, dang Ia sarung mamal᷊isi kal᷊al᷊ai i kumu su tingo ngi sire. 8Manga ana i kumu ko ese l᷊au kowawine sarung Daku iwal᷊u su taumata ngu Yehuda, ko sarung muwal᷊u l᷊ai su Syeba, wanua ko marau kahingang. Ia, Mawu, seng nuhengetang.
9Wohangko malumati i'i su manga bangsa: Panadiako guna ngu muparang dang mutanding u katatoghasi! Pasuwangko apang ko tahapuparang l᷊au ko wawahani; komol᷊iko kaul᷊i u parajuriti, dang pangansingte! 10#Yes. 2:4; Mi. 4:3Ghorako horo ngu babajaki tadeau makoa pera, l᷊au piso tatiwasiu tadeau makoa tatika. L᷊ai taumata ko l᷊ome mambeng pangul᷊i, ‘Ia botonge mutatitehi kere sordado!’ 11Maite, songoko pakaehong,#3:11: Botonge mariadi mangal᷊enge: songote paka ehong. Ibrani: Tul᷊ungko. ei manga bangsa bou apang wukunge! Pukomol᷊iko su wal᷊ange pai e'e.”
O, Mawu, roiko sordado-U pangalo si sire! 12Mawu sau nuhengetang, “Manga bangsa mambeng pusasadia dang tamai sarang Wal᷊ang u Pamamonesi. Su se'e Ia, Mawu sarung mamonesi manga bangsa l᷊ampung u Umati-Ku. 13#Kl᷊h. 14:14-16,19-20, 19:15I sire ko dal᷊ai kahingang; haresi i sire kere gandung ko maghurang su anseri. L᷊al᷊indaiko i sire kere anggori su l᷊al᷊ung u pamuhukang anggori ko napene sarang mawungke. 14Hiwunge taumata ene su Wal᷊ang u Pamamonesi. Watu'u pai se'e L᷊ou ngu Mawu sarung maehong musumongo. 15Matangutiti l᷊au wul᷊ang makoa ko marundung, dang manga wituing seng ta musuminang.”
Mawu Ruata sarung mangal᷊amati umati-E
16 #
Am. 1:2
Mawu nukumiha bou Sion, wul᷊uri-E;
bou Yerusalem nul᷊ul᷊u tingihi-E.
L᷊angi l᷊au dunia nughumio ual᷊ing I Sie.
Kateho Mawu sarung tatapi mutumatawang
dang manirung Israel, umati-E.
17“Ei Israel, orasi i'i i kumu sarung matitong,
himoneu ko Ia Mawu Ruata ngi kumu.
Ia matana su Sion, wul᷊uri-Ku ko susi.
Kuteu Yerusalem l᷊ai makoa soa ko susi,
tau raghi sarung ta musumu l᷊ai su se'e.
18Su tempo e'e manga wul᷊uri sarung mapene u awuhi anggori.
Binatang papal᷊iharang sarung mukumang rindulu su manga bongkonge ko matawa.
Manga sal᷊uhi su Yehuda
sarung ta masasue ake'e.
Simbau sal᷊uhi sarung maansehi bou Wal᷊e ngu Mawu,
dang makaunsa Wal᷊ang u Akasia dingang u ake ko mal᷊al᷊inding.
19Mesir sarung makoa tana ko mahusu,
dang Edom makoa ko l᷊inggi, ta nikatanakeng u taumata.
Watu'u i sire seng nangalo tau Yehuda,
dang namate taumatange ko takoae sal᷊ae.
20-21Daha ngi sire sarung Daku tuntukang wawal᷊isi, #3:20-21: Pira mbau salenang ko tuwei: Daku tuntukang wawal᷊isi. Ibrani: Daku ilahe ta nunsal᷊a.
mamamatenge sarung mate Daku haresang.
Arawe Yehuda l᷊au Yerusalem sarung sintinia pia taumatange,
dang Wul᷊uri u Sion sarung tatapi Daku katanakeng.”
Currently Selected:
Yoël 3: PLT
Highlight
Share
Copy
Want to have your highlights saved across all your devices? Sign up or sign in
