KARARIADI 7
7
L᷊uwa
1Bou e'e Mawu Ruata nuhengetang si Nuh, “ia nutuhung himoneu mang kitang i kau sisane ngu nukoa kao-Ku. Inau sue su l᷊al᷊ung u kapal᷊i e'e singkahindo dingang u kaul᷊i u tataho u wal᷊e ngu. 2-3Wawako l᷊ai bou apang haghi ngu burung l᷊au binatang ko mapapia taha pitu mpari, arawe bou ko pul᷊i piange pu simpari. Koako e'e tadeau bou apang haghi ngu binatang pia ko mal᷊iwiri bou kawawinasa dang sarung makapuhite sau su dunia. 4Pitu l᷊ou l᷊ai Ia sarung mupal᷊intu u tahiti ko ta sarung mawaesi paupul᷊o su l᷊ou nge paupul᷊o su huwi nge, tadeau ko niriadi ko wiahi ko seng Daku niriadi e'e mawinasa.” 5Bou e'e i Nuh nukoa apang ko niparenta ngu Mawu si sie.
6I Nuh umurie nunguhasu su taunge tempo ngu l᷊uwa nariadi su dunia. 7#Mat. 24:38-39; Luk. 17:27I Nuh l᷊au kawinge, dang manga anae l᷊au manga kawing i sire, nusumu su l᷊al᷊ung u kapal᷊i e'e guna ngu mupakasal᷊amati watangeng i sire bou l᷊uwa. 8Ko ese simbau l᷊au kowawine simbau bou apang haghi ngu burung l᷊au binatang ko wal᷊inge — mbaeng ko mapia dang l᷊ai ko pul᷊i — 9nusumu su l᷊al᷊ung u kapal᷊i e'e singkahindo dingang i Nuh, kere seng ko niparenta ngu Mawu Ruata. 10Pitu l᷊ou bou e'e l᷊uwa naansehi su dunia.
11 #
2Ptr. 3:6
Su tempo ngi Nuh umurie nunguhasu su taunge, su tanggali mapul᷊opitu, wul᷊ang karuange, kaul᷊i u mata ngu ake su l᷊al᷊ung u tana naburesi. Patiku sasuwangeng u ake su l᷊angi nawuka, 12dang tahiti nangundu paupul᷊o su l᷊ou nge paupul᷊o su huwi nge. 13Su l᷊ou e'e l᷊ai i Nuh l᷊au kawinge nusumu sarang l᷊al᷊ung u kapal᷊i e'e dingang anae sire tilu, i Sem, i Yafet, I Ham dingang u manga kawing i sire. 14Singkahindo dingang i sire nusumu l᷊ai apang haghi ngu burung l᷊au binatang ko wal᷊inge, maning ko mal᷊aharo dang l᷊ai ko maghaghila, ko l᷊al᷊abo dang ko dadio. 15Simbau ko ese l᷊au simbau kowawine bou apang haghi ngu ko niriadi ko wiahi nusumu su l᷊al᷊ung u kapal᷊i e'e singkahindo dingang i Nuh, 16kere ko niparenta ngu Mawu si sie. Suapang kaul᷊ie seng nusumu, Mawu nuhumping tukari u kapal᷊i.
17L᷊uwa e'e turusi naansehi paupul᷊o su l᷊ou liwuenge, dang ake naawi marange hakiu kapal᷊i e'e nul᷊umitou. 18Ake mang kararange'e, dang kapal᷊i e'e l᷊ito-l᷊ito su wawo u ake. 19Ake e'e turusi mang kararange'e hakiu wul᷊uri karangetange seng nikaratingange. 20Ake turusi kal᷊aawie sarang nurating pitu meteri range'e bou wawo u manga wul᷊uri. 21-23Mawu nupakawinasa ngu patiku ko niriadi ko wiahi su dunia i'i: Taumata, burung l᷊au binatang u l᷊ul᷊unge maneng ko dadio dang l᷊ai ko l᷊al᷊abo. Ko ta nawinasa kitang i Nuh l᷊au kaul᷊ie ko ene dingange su l᷊al᷊ung u kapal᷊i e'e. 24Ake e'e ta kadongki naoho yul᷊enge mahasul᷊imampul᷊o su l᷊ounge.
Currently Selected:
KARARIADI 7: PLT
Highlight
Share
Copy
Want to have your highlights saved across all your devices? Sign up or sign in
