KARARIADI 6
6
Kal᷊al᷊ai u taumata
1Suapang taumata natamba naul᷊i dang nakeke su kal᷊abo u dunia, dang manga ana kowawine nipahinding, 2manga ko niriadi ngu Mawu Ruata#6:2: manga ko niriadi ngu Mawu Ruata arako manga ana u mahang mawu, arako manga ana u Mawu Ruata. Manga ko niriadi ngu Mawu Ruata nakawua himoneu manga ana ko mal᷊ahua e'e ko masasidada. Bou e'e i sire nukawing dingang u manga mal᷊ahua ko nikao i sire. 3Kuteu Mawu nuhengetang, “Ia ta mupakawala ngu taumata muwiahi sarang kal᷊iwuenge; i sire ko niriadi pia kitae, ko mambeng mate. Manita orasi i'i umuri sire sarung ta malebe bou mahasuduampul᷊o su taunge.” 4#Rek. 13:33Su tempo e'e dang l᷊ai tuhue, pia manga taumata ansuang su dunia. I sire hintou ngu manga ana mal᷊ahua ko nipukawingang u manga ko niriadi ngu Mawu Ruata. Manga taumata ansuang e'e ko mawawahani ko l᷊al᷊abo dang manga taumata ko nutumeleng su tempo horo.
5 Mawu nakawua kirapa kal᷊al᷊aie manga taumata su dunia; kaul᷊i u sipirang i sire sintinia ko dal᷊ai. #Mat. 24:37; Luk. 17:26; 1Ptr. 3:20 6I Sie l᷊ai nusisili seng nundiadi si sire dang namilo i sire su dunia. I Sie nasusa kahingang, 7hakiu nuhengetang, “Sarung Daku ipakawinasa taumata ko seng Daku niriadi e'e dang l᷊ai patiku burung l᷊au binatang ko wal᷊inge, watu'u Ia nusisili seng nundiadi si sire.” 8Kateho i Nuh nakal᷊uasi naung u Mawu.
I Nuh
9-10 #
2Ptr. 2:5 I'i wuke ngi Nuh. I sie pia anae ko ese tatilu, i Sem, i Yafet l᷊au i Ham. I Nuh ta nukoa ko nunsal᷊a, dang kitang i sie taumata ko mapia su tempo e'e. I sie nuwiahi masandighi kahingang dingang u Mawu Ruata. 11Arawe kaul᷊i u taumata ko wal᷊inge ko dal᷊ai su mata ngu Mawu Ruata, dang katatingkai ikawua su apang tampa. 12Mawu Ruata nutuhung dunia e'e dang kitang nakawua ko dal᷊ai, watu'u kaul᷊i u taumata ko dal᷊ai puwawiahie.
13Bou e'e Mawu Ruata nuhengetang si Nuh, “Ia seng namutusi guna ngu manginsue puwawiahiu apang ko niriadi. Ia sarung mupakailang i sire l᷊au dunia, ual᷊ingu dunia seng napene dingang u katatingkai i sire. 14Pul᷊angingko kapal᷊i singgisa guna ngu, bou kau ko matoghasi; koate manga kamari su l᷊al᷊unge, dang lapise dingang u teri bou l᷊al᷊unge dang bou l᷊ikuri. 15Kapal᷊i e'e mambeng mahasutilumpul᷊otilu su meteri nandue, duampul᷊odua su meteri wunahie, dang mapul᷊otilu su meteri range'e. 16Koate atue su kapal᷊i e'e, dang koate wulae, paupul᷊o pa su sentinge su wula u atu #6:16: atu arako janela. dingang u apang rarindinge. Koa ko kapal᷊i e'e tilu haweng dang pasike tukari simbau su sindihange. 17Ia sarung mupasongo ngu l᷊uwa guna ngu mupakawinasa ngu apang ko niriadi ko nuwiahi su dunia. Kaul᷊i u patiku su dunia sarung mate, 18arawe dingang-Ku sarung mukoa pudadiandi. Sue su l᷊al᷊ung u kapal᷊i e'e singkahindo dingang u kawingu dang manga anau, l᷊au manga kawing i sire. 19-20Wawako sarang l᷊al᷊ung u kapal᷊i e'e bou apang haghi ngu burung l᷊au binatang ko wal᷊inge ko ese pusimbau l᷊au kowawine pusimbau, tadeau i sire ta mawinasa ringang. 21Wawako l᷊ai patiku haghi ngu kang guna ngi kumu l᷊au guna ngu manga binatang e'e.” 22I Nuh nukoa kaul᷊i u patiku ko niparenta ngu Mawu si sire. #Ibr. 11:7
Currently Selected:
KARARIADI 6: PLT
Highlight
Share
Copy
Want to have your highlights saved across all your devices? Sign up or sign in
