KARARIADI 18

Mawu Ruata nudiandi ngu singkatau ana ko ese si Abraham

1 Mawu nitingkaandaghi watangeng-E si Abraham masandighi u manga kau ko maal᷊amati tampa pukakal᷊iomanengang su Mamre. Su tempo e'e l᷊ou matiti kahingang, dang i Abraham kakangiang su tukari u kemae. 2#Ibr. 13:2Su tempo i sie nuhengke timboe, i sie nakawua tilu ngkatau kararisi su saruange. I Abraham nutumal᷊ang nanomahi si sire. Dingang nusuba 3i sie nangul᷊i, “I Tuang sire, kumbahang l᷊umiu kemaku boko ta motong horo; pakawalako ia mutangkiang si Tuang sire. 4Walate ia mangal᷊a ake guna ngu manguhasi l᷊aeri i Tuang sire. I Tuang sire pangindul᷊eko horo su pung u kau i'i. 5Ia neng manadia simokol᷊i singkodo, tadeau i Tuang sire makarea katatoghasi ko wuhu guna ngu manupasi l᷊al᷊al᷊engang. I Tuang sire seng nangadati si sia kere notong su wal᷊e ngu l᷊ang u i'i.”

I sire nusumimbahi, “Tarima kase su kapiang u naungu. I kami sarung motong.”

6Maehong-ehong i Abraham nusumu su l᷊al᷊ung u kema, dang nangul᷊i si Sara, “Kaehongte, pangal᷊a tapong ko kapiange singkarong, dang pukoako boroti ko mal᷊imbong.” 7Bou e'e i sie nanantol᷊a sarang tampa u ghapang u binatang papal᷊iharange namile ana u sapi ko matawa l᷊au ko masikome ghisinge, mbuhue nionggoe su paparentange, tadeau pakaehong pakisadia. 8Nasue e'e i Abraham nangal᷊a susu, kunuhi u susu, l᷊au ghisi ngu sapi ko seng mbuae nisasa e'e, mbuhue nihaghesi su sake'e. Tintal᷊a i sire kakange i Abraham sisane nutangkiang si sire su pung u kau e'e.

9Bou e'e i sire nakina, “Su apawe i Sara, kawingu?”

“Pai se'e, su l᷊al᷊ung u kema,” I Abraham nusumimbahi.

10 # Rm. 9:9 Singkatau bo i sire nangul᷊i, “Sio wul᷊ang l᷊ai #18:10: Sio wul᷊ang l᷊ai arako taung mai e'e su tempo kiri'i. Ia sarung musul᷊e. Dang su tempo e'e i Sara kawingu sarung makahombang ana ko ese.”

Su tempo e'e i Sara kapundaringihi su tukari u kema, su l᷊ikuru sake e'e. 11Arawe i Abraham sire rua ngi Sara seng tumaniu maghurang, dang i Sara seng takoae kotori. 12#1Ptr. 3:6 Watu'u e'e i Sara kal᷊igheinge su l᷊al᷊ung u naunge dang nangul᷊i, “Ia ko seng maghurang dang seng ko l᷊ome kiri'i, tumaniewe mborong mo mul᷊al᷊au dingang kawingku? Nangilembo l᷊ai kawingku seng maghurang l᷊ai.”

13Bou e'e Mawu nakina si Abraham, “Nakurawe i Sara nul᷊umighei dang musul᷊ung ko ta mangimang minsang i sie mborong botonge makapahinding u ana su tempo ngu seng maghurang e'e? 14#Luk. 1:37 Apa mborong pia ko ta makoa su Mawu? Kere ko seng Daku niul᷊i kanini, sio wul᷊ang l᷊ai Ia sarung musul᷊e sarang i'i. Dang su tempo e'e i Sara sarung mahinding ana ko ese.”

15Ual᷊ing i Sara mataku, i sie nusunial᷊i, angkunge, “Ia ta nul᷊umighei.”

Arawe Mawu nusumimbahi, “I kau kanini mang nul᷊umighei.”

I Abraham nundo ampung guna ngu Sodom

16Bou e'e sake tatilu e'e nuwua ninturi i Abraham. Bou e'e i sire nurating su tampa simbau su apa i sire botonge makawua Sodom. 17Mawu nudidato su l᷊al᷊ung u naung-E, “Ia mandi mamuni si Abraham apa ko sarung Daku koateng. 18Wal᷊ingewe hintounge sarung makoa bangsa ko l᷊abo dang makawasa? Wal᷊ingewe bo i sie, kaul᷊i u bangsa su dunia sarung Daku al᷊amating? 19I sie Daku nipile tadeau mamarenta manga ana l᷊au hintounge guna ngu mundaringihi si Sia dang mukoa apang ko mapia l᷊au ko adili. Boko hal᷊i e'e ikoa i sire, kaul᷊i u diandi-Ku si Abraham sarung Daku ipakaganapi.”

20Tuhue Mawu nuhengetang si Abraham, “Pia l᷊aantang ko mabuha su Sodom l᷊au u Gomora, dang dosa ngi sire e'e mang tingari ko l᷊abo kahingang. 21Watu'u e'e Ia nul᷊umintu makoa sarang pai e'e mundea l᷊ahe'e apa kaul᷊i u l᷊aantang ko Daku nikaringihi e'e ko tingari arako ta.”

22Bou e'e i sire rua bou tal᷊oara u manga sake e'e nuwua nakoa sarang Sodom, arawe Mawu mborong natana dingang i Abraham. 23I Abraham nusumandighi su Mawu dang nakina, “Apa tingari Mawu sarung mupakawinasa ngu taumata ko ta nunsal᷊a singkahindo dingang u taumata ko nunsal᷊a? 24Boko pia l᷊imampul᷊o su kataunge taumata ko ta nunsal᷊a su l᷊al᷊ung u soa e'e, apa kal᷊abo u soa e'e sarung ipakawinasa ngu Mawu? Mawu ta mangonggo ampunge si sire tadeau i sire l᷊imampul᷊o su kataunge e'e masal᷊amati? 25Kumbahangwe manga taumata ko ta nunsal᷊a e'e ipate singkahindo dingang ko nunsal᷊a. Kumbahang Mawu! Watu'u boko Mawu mukoa e'e, taumata ko ta nunsal᷊a nal᷊ahe sarung ihukung singkahindo dingang ko nunsal᷊a. Tumaniewe Hakim kaul᷊i u dunia mukoa ko ta maadili!”

26 Mawu nuhengetang, “Boko Daku kahombangeng l᷊imampul᷊o su kataunge taumata ko ta nunsal᷊a su Sodom, sarung Daku iampungang kal᷊abo u soa e'e ual᷊ing i sire.”

27I Abraham sau nangul᷊i, “Ampungeko hosaghiku manumpu sau didato i'i, Mawu. Ia i'i kitang taumata, dang takoae haki mudidato ngu manga apa. 28Kateho pari kitang pia paupul᷊ol᷊ima su kataunge taumata ko ta nunsal᷊a, dang wal᷊inge l᷊imampul᷊o. Apa Mawu sarung mupakawinasa ngu kal᷊abo u soa e'e, kitang ual᷊ingu nutatintang l᷊ima ngkatau e'e?”

Mawu nuhengetang, “Soa e'e ta sarung Daku ipakawinasa boko pai se'e Daku ikahombang paupul᷊ol᷊ima su kataunge taumata ko ta nunsal᷊a.”

29I Abraham sau nangul᷊i, “Kirapawe boko kitang pia paupul᷊o su kataunge?”

Mawu nusumimbahi, “Ual᷊ingu paupul᷊o su kataunge e'e, ta Daku ipakariadi karaki-Ku.”

30I Abraham nangul᷊i, “Ariwe puwawal᷊uang, Mawu, boko ia sau mudidato. Kirapa boko kitang pia tilumpul᷊o su kataunge?”

Mawu nuhengetang, “Boko Daku kahombangeng tilumpul᷊o su kataunge, sarung Daku isoho kao-Ku.”

31I Abraham nangul᷊i, “Ampungeko hosaghiku manumpu didato i'i, Mawu. Boko kitang pia duampul᷊o su kataunge?”

Mawu nusumimbahi, “Boko Daku kahombangeng duampul᷊o su kataunge, soa e'e ta sarung Daku ipakawinasa.”

32Panginsuenge i Abraham nangul᷊i, “Ariwe puwawal᷊uang, Mawu, ia kitang mudidato paghisa l᷊ai. Kirapa boko kitang pia mapul᷊o su kataunge?”

Mawu nuhengetang, “Boko pia mapul᷊o su kataunge taumata ko ta nunsal᷊a, Ia ta sarung mupakawinasa ngu soa e'e.” 33Suapang nasue didato nge dingang i Abraham, Mawu nul᷊umal᷊eng, dang i Abraham napul᷊e sarang wal᷊enge.

Currently Selected:

KARARIADI 18: PLT

Highlight

Copy