WUKE NGU MANGA RASULI 1

1 # Luk. 1:1-4 Teofilus ko ikukindaghi,

Su l᷊al᷊ung u bukiku kahimotongange seng daku nipakal᷊ahe kaul᷊ie ko nikoa l᷊au nitintiro ngi Yesus mangki I Sie nanita u hal᷊i-E, 2nurating sarang l᷊ou ngi Sie napua sarang sorga. Su horo u napua sarang sorga, dingang u kawasa Roh u Mawu Ruata I Sie nangonggo manga tatul᷊ara su manga rasuli-E ko napile. 3Samuringe bo I Sie nate, su l᷊al᷊ung u paupul᷊o su l᷊ounge I Sie masau mangandaghi u badange mal᷊ahe-l᷊ahe su manga rasuli e'e mupakal᷊ahe u himoneu I Sie mang tinga-tingari ko wiahi. I sire nakawua si Sie, dang I Sie nudidato dingang i sire hal᷊i u kirapa Mawu Ruata mamarenta kere Ratu. 4#Luk. 24:49Dang su tempo I Sie nukomol᷊i dingang i sire,#1:4: Su tempo I Sie nukomol᷊i dingang i sire: su tempo i sire nukomol᷊i; arako su tempo I Sie nukumang singkahindo i sire. I Sie nunggile parenta i'i si sire, “Kumbahang l᷊umal᷊eng manintang u Yerusalem. Pangampal᷊i su se'e sarang I Yamang munggile manga ko seng nidiandi-Nge, musul᷊ung ko seng mbuae Daku niul᷊i si kumu horo. 5#Mat. 3:11; Mrk. 1:8; Luk. 3:16; Yoh. 1:33Watu'u i Yohanes nanahani dingang u ake, arawe pira l᷊ou l᷊ai i kumu sarung isahani dingang u Roh u Mawu Ruata.”

I Yesus napua sarang sorga

6Su tempo ngu manga rasuli e'e kapukomol᷊i dingang I Yesus, i sire nukina si Sie, “Mawu, apa su orasi i'i Mawu mo musau mupararisi u Pamarentahang u bangsa Israel?”

7I Yesus nusumimbahi, “I Yamang-Ku sisane sarung manantu l᷊ou l᷊au temponge. E'e ta wahal᷊uasi i kumu matitong, watu'u e'e ko haki I Yamang. 8#Mat. 28:19; Mrk. 16:15; Luk. 24:47-48Arawe i kumu sarung makarea kawasa, boko Roh u Mawu Ruata seng matuntung si kumu. Dang i kumu sarung makoa manga saksi-Ku su Yerusalem, su kaul᷊i u Yudea, su Samaria, dang murating sarang pondol᷊i u dunia.” 9#Mrk. 16:19; Luk. 24:50-51Suapang I Yesus mbuae nangul᷊i kere'e, I Sie napua sarang sorga su tingo ngu mata ngi sire dang winawa nuhumping si Sie bou putatuhung i sire.

10Tintal᷊a i sire mborong katuhunge sarang l᷊angi, su tempo I Yesus kapapuae, singkawua pia dua ngkatau dingang u pakeang ko mawira kararisi su sindihang i sire. 11“Ei, manga tau Galilea,” angkung i sire rua e'e, “nakura i kumu mangkate kitang kararisi su se'e katuhunge sarang l᷊angi? I Yesus, ko nikawua ngi kumu napua sarang sorga e'e su tingo ngi kumu, sarung sau musul᷊e l᷊ai kere ko nikawua ngi kumu kanini.”

Ghaghanti ngi Yudas

12Bou e'e manga rasuli e'e nusul᷊e sau sarang Yerusalem bou Wukiri u Zaitung. Pari manga singkilo raunge bongkonge e'e bou Yerusalem. 13#Mat. 10:2-4; Mrk. 3:16-19; Luk. 6:14-16Su Yerusalem i sire nakoa sarang wal᷊e ko nipanumpangeng i sire, bou e'e tarai naawi sarang kamari su wawoe. Manga rasuli e'e, ko i Petrus l᷊au i Yohanes, i Yakobus l᷊au i Andreas, i Filipus l᷊au i Tomas, Bartolomeus l᷊au i Matius, i Yakobus ana i Alfeus, i Simon Patriot, l᷊au i Yudas ana i Yakobus; 14kaul᷊ie dingang u singkanaung sintinia mukomol᷊i mukal᷊iomaneng. I sire nukal᷊iomaneng dingang u manga kowawine su l᷊al᷊unge l᷊ai i Maria mama ngi Yesus, dang dingang u manga ana u simbau I Yesus.

15Pia su silou, su tempo ngi sire nukomol᷊i – pari pia manga mahasu duampul᷊o su kataunge ko ene – i Petrus nurumarisi nudidato. I sie nangul᷊i, 16“Manga ana u simbau! Manga ko kawawohe su l᷊al᷊ung u Buki Susi, e'e mambeng mariadi. Horo bo i Daud, Roh u Mawu Ruata seng nupakatitong u hal᷊i i Yudas, pangaha manga taumata ko maname si Yesus e'e. 17I Yudas e'e ko singkatau bo i kite, dang i sie l᷊ai seng nipile tadeau puhal᷊i singkahal᷊i dingang i kite.”

18 # Mat. 27:3-8 (I Yudas i'i seng nakarea tana pul᷊uwingange bou l᷊uang u pusasingkinge ko dal᷊ai. I sie nanawo dang nate dingang u tiange naburesi sarang tataho u tiange nasuwang kaul᷊ie. 19Kaul᷊i u taumata ko natana su Yerusalem matitong hal᷊i e'e. E'e sabapie su l᷊al᷊ung u wahasa ngi sire, i sire nusigho tana e'e Akeldama, mangal᷊enge ‘Tana Daha’.)

20 # Mzm. 69:26, 109:8 “Watu'u su l᷊al᷊ung u buki Mazmur pia mawawohe kiri'i,

‘Walate kere tampa katanakenge makoa ko marumasi;

Kumbahang sarang pia singkatau matana su l᷊al᷊unge.’

Pia mawawohe l᷊ai kiri'i,

‘Walate kere pangkatie pakirol᷊osi su taumata ko wal᷊inge.’

21-22 # Mat. 3:16; Mrk. 1:9, 16:19; Luk. 3:21, 24:51 Watu'u e'e, mambeng pia singkatau tumuhu dingang i kite makoa saksi ngu Mawu Yesus ko seng sau nuwiahi bou papate. Taumata e'e mambeng singkatau bou tal᷊oara u manga taumata ko sintinia nahundingang i kite su tempo i kite katuhue Mawu Yesus maning sarang apa, mangki bo i Yohanes nanita nanahani#1:21-22: mangki bo i Yohanes nanita nanahani: arako mangki i Yohanes nanahani si Sie. sarang su tempo I Yesus napua sarang sorga bou tal᷊oara i kite.”

23Kuteu manga taumata ko ene su se'e nangusuli dua ngkatau, i Yusuf ko nisigho l᷊ai si Barsabas (i sie l᷊ai nisigho si Yustus), dingang i Matias. 24-25Bou e'e i sire nukal᷊iomaneng. I sire nangul᷊i, “Mawu, I Kau matitong naung u kaul᷊i u taumata. I Yudas seng nanawo bou pangkatie kere rasuli dang seng nate. Inau tiboko si kami, i sai bo i sire rua i'i ko ipile ngu Mawu ko pangonggol᷊ang u hal᷊i e'e pungganti si Yudas.” 26Bou e'e areng darua e'e niundi, dang undi e'e nahino si Matias. Inau i sie nihengke nakoa rasuli tadeau patuhu dingang i sire mapul᷊onsau rasuli ko wal᷊inge.

Currently Selected:

WUKE NGU MANGA RASULI 1: PLT

Highlight

Copy